ມານະພະຍາຍາມປະຕິບັດສຳເລັດ “ບັ້ນເຄື່ອນໄຫວ ກວາງຈູງ”
ກປ.ອອນໄລ - ວັນທີ 1 ມັງກອນ, ທ່ານ ຟ້າມມິງຈິ໊ງ, ນາຍົກລັດຖະມົນຕີຫວຽດນາມ ໄດ້ເຊັນປະກາດໃຊ້ໂທລະເລກ ສະບັບເລກທີ 01/CĐ-TTg ຮຽກຮ້ອງໃຫ້ບັນດາກະຊວງ, ຂະແໜງການ, ທ້ອງຖິ່ນ ມານະພະຍາຍາມປະຕິບັດສຳເລັດ “ບັ້ນເຄື່ອນໄຫວ ກວາງຈູງ”.
ໃນໂທລະເລກ, ທ່ານນາຍົກລັດຖະມົນຕີ ຮຽກຮ້ອງໃຫ້ເລຂາພັກແຂວງ, ນະຄອນ ແລະປະທານຄະນະກຳມະການປະຊາຊົນບັນດາແຂວງ, ນະຄອນ, ລວມມີ: ກວາງຈິ້, ເຫວ້, ດ່ານັ້ງ, ກວາງງ້າຍ, ຢາລາຍ, ດັກລັກ, ແຄັງຮ່ວາ ແລະ ເລິມດົ່ງ ລະດົມແຫຼ່ງກຳລັງ, ກຳລັງທີ່ຈຳເປັນໃຫ້ໄດ້ຫຼາຍທີ່ສຸດ ຕັດສິນໃຈປະຕິບັດສຳເລັດການກໍ່ສ້າງເຮືອນຢູ່ທີ່ຖືກຫັກພັງ, ນ້ຳພັດໄປໃຫ້ແກ່ປະຊາຊົນກ່ອນວັນທີ 15 ມັງກອນ 2026, ເດັດຂາດບໍ່ໃຫ້ຄວາມຄືບໜ້າການປະຕິບັດ “ບັ້ນເຄື່ອນໄຫວ” ຊັກຊ້າ ບໍ່ວ່າເຫດຜົນໃດ.
ເລື່ອງປະຕິບັດສຳເລັດ “ບັ້ນເຄື່ອນໄຫວ” ທັງໝົດໃຫ້ຖືກຕາມແຜນການທີ່ໄດ້ວາງອອກ ແມ່ນເພື່ອແນໃສ່ສ້າງເງື່ອນໄຂໃຫ້ປະຊາຊົນມີຄວາມອຸ່ນອ່ຽນໃຈດຳລົງຊີວິດ ກ່ອນໄຂກອງປະຊຸມໃຫຍ່ຜູ້ແທນທົ່ວປະເທດ ຄັ້ງທີ XIV ຂອງພັກ, ຟື້ນຟູບັນດາການເຄື່ອນໄຫວຜະລິດ, ດຳເນີນທຸລະກິດ, ຮັບປະກັນການຫາເງິນລ້ຽງຊີບ, ລາຍຮັບກ່ອນບຸນປີໃໝ່ປະຈໍາຊາດ ປີ ມະເມຍ 2026.
ໂດຍ: ຈາງຫງວຽນ