ແຂວງຕວຽນກວາງ: ເລີ່ມການກວດກາຊາຍແດນສອງຝ່າຍລະຫວ່າງຫວຽດນາມ ແລະຈີນ
ກປ.ອອນໄລ - ວັນທີ 23 ທັນວາ, ທີ່ຫຼັກໝາຍຊາຍແດນທີ 358 (ຕາແສງ ແບກດິກ), ພະແນກການຕ່າງປະເທດແຂວງຕວຽນກວາງ ຈັດຕັ້ງພິທີເລ່ີມການກວດກາຊາຍແດນສອງຝ່າຍລະຫວ່າງແຂວງຕວຽນກວາງ (ຫວຽດນາມ) ແລະ Wenshan Zhou (ຈີນ). ນີ້ແມ່ນການເຄື່ອນໄຫວເພື່ອແນໃສ່ຜັນຂະຫຍາຍແຜນການກວດກາ, ຄຸ້ມຄອງ ແລະປົກປັກຮັກສາຊາຍແດນແຫ່ງຊາດຕາມຂໍ້ຕົກລົງສະບັບຕ່າງໆທີ່ໄດ້ລົງນາມລະຫວ່າງສອງຝ່າຍ.
    |
 |
|
ຄະນະຜູ້ແທນແຂວງຕວຽນກວາງ (ຫວຽດນາມ) ແລະຄະນະຜູ້ແທນ Wenshan Zhou (ຈີນ) ຖ່າຍຮູບເປັນທີ່ລະນຶກ. ພາບ: bienphong.com.vn |
ທີ່ພິທີ, ຫົວໜ້າຄະນະທັງສອງຝ່າຍ ຢືນຢັນວ່າ ການເຄື່ອນໄຫວກວດກາຊາຍແດນສອງຝ່າຍມີຄວາມໝາຍສໍາຄັນໃນການຮັບປະກັນອະທິປະໄຕຜືນແຜ່ນດິນແຫ່ງຊາດ, ຮັກສາຊາຍແດນສັນຕິພາບ, ສະຖຽນລະພາບ, ການຮ່ວມມື ແລະພັດທະນາ. ພ້ອມທັງເນັ້ນໜັກເຖິງຄວາມຈໍາເປັນຂອງການສົມທົບກັນຢ່າງແໜ້ນແຟ້ນ, ປະຕິບັດຕາມຂັ້ນຕອນ, ລະບຽບການຢ່າງເຂັ້ມງວດ ແລະບັນດາເອກະສານນິຕິກໍາກ່ຽວກັບຊາຍແດນທີ່ສອງປະເທດໄດ້ລົງນາມ, ຜ່ານນັ້ນ ປະກອບສ່ວນເພີ່ມທະວີຄວາມໄວ້ເນື້ອເຊື່ອໃຈ ແລະຄວາມເຂົ້າໃຈເຊິ່ງກັນ ແລະກັນ.
ພາຍຫຼັງພິທີ, ບັນດາກໍາລັງທີ່ກ່ຽວຂ້ອງຂອງສອງຝ່າຍ ໄດ້ສົມທົບກັນຜັນຂະຫຍາຍກວດກາພູມສາດຕົວຈິງ ຢູ່ລຽບຕາມເສັ້ນຊາຍແດນ, ສຸມໃສ່ຢູ່ເຂດຫຼັກໝາຍຊາຍແດນຢູ່ບໍລິເວນຕາແສງແບກດິກ. ເນື້ອໃນກວດກາລວມມີການກວດກາສະພາບເສັ້ນຊາຍແດນ, ລະບົບຫຼັກໝາຍຊາຍແດນ ແລະສັນຍານຮັບຮູ້ຢູ່ໃນພູມສາດຕົວຈິງ.
|
|
 |
|
ສອງຝ່າຍດໍາເນີນການແຕ້ມສີຫຼັກໝາຍຊາຍແດນ 358, ຕາແສງ ແບກດິກ, ແຂວງຕວຽນກວາງ. ພາບ: ມາຍທຶກ |
ການເຄື່ອນໄຫວກວດກາຊາຍແດນສອງຝ່າຍປະກອບສ່ວນເພີ່ມທະວີປະສິດທິຜົນວຽກງານຄຸ້ມຄອງ, ປົກປັກຮັກສາຊາຍແດນແຫ່ງຊາດ; ພ້ອມທັງສືບຕໍ່ປັບປຸງການພົວພັນສົມທົບກັນ, ຄວາມໄວ້ເນື້ອເຊື່ອໃຈ ແລະມິດຕະພາບລະຫວ່າງອໍານາດການປົກຄອງ, ກໍາລັງທີ່ກ່ຽວຂ້ອງສອງຟາກຊາຍແດນຫວຽດນາມ-ຈີນ.
ທ່່ານພັນໂທ ຫງວຽນກ໊ວກຫາຍ, ຫົວໜ້າຄ້າຍທະຫານຊາຍແດນແບກດິກ, ທະຫານຊາຍແດນແຂວງຕວຽນກວາງ ໃຫ້ຮູ້ວ່າ ໃນໄລຍະຜ່ານມາ, ສະພາບການຊາຍແດນຢູ່ບໍລິເວນ ໂດຍ ຄ້າຍຄຸ້ມຄອງ, ປ້ອງກັນໄດ້ຮັບການຮັກສາຢ່າງໝັ້ນຄົງ. ວຽກງານລາດຕະເວນສອງຝ່າຍ, ປະຕິບັດກົດໝາຍຢູ່ເສັ້ນຊາຍແດນລະຫວ່າງຄ້າຍ ກັບຝ່າຍປະເທດເພື່ອນ ໄດ້ປະຕິບັດຖືກຕ້ອງຕາມແຜນການ.
ໂດຍ: ໄຊນີດາ