ພິທີຕ້ອນຮັບກຳປັ່ນ 015 - ເຈິ່ນຮືງດ້າວ ໄດ້ດໍາເນີນທີ່ທ່າກໍາປັ່ນໃນເວລາ 10 ໂມງ (ຕາມເວລາທ້ອງຖິ່ນ), ໂດຍມີການເຂົ້າຮ່ວມຂອງນາຍທະຫານ, ລູກເຮືອທະຫານເຮືອ ສ.ເກົາຫຼີ. ພັນເອກພິເສດ ເລຮຽບເລິມ ທີ່ປຶກສາທູດປ້ອງກັນຊາດຫວຽດນາມ ແລະບັນດາພະນັກງານຫ້ອງການທີ່ປຶກສາທູດປ້ອງກັນຊາດຫວຽດນາມ ປະຈຳ ສ. ເກົາຫຼີ ກໍ່ໄດ້ເຂົ້າຮ່ວມພິທີຕ້ອນຮັບ.

leftcenterrightdel
ກໍາປັ່ນ 015 - ເຈິ່ນຮືງດ້າວ ກະກຽມເຂົ້າທຽບທ່າກໍາປັ່ນ Jinhae. ພາບ: qdnd.vn

ນີ້ແມ່ນສະຖານທີ່ສຸດທ້າຍໃນການເດີນທາງຢ້ຽມຢາມປະເທດຈີນ, ຍີ່ປຸ່ນ, ແລະ ສ.ເກົາຫຼີ ຂອງກຳປັ່ນ 015 - ເຈິ່ນຮືງດ້າວ ພ້ອມດ້ວຍຄະນະປະຕິບັດງານທະຫານເຮືອປະຊາຊົນຫວຽດນາມ ນຳໂດຍ ພັນເອກພິເສດ ຫງວຽນວິ໊ງນາມ, ຮອງຜູ້ບັນຊາການທະຫານເຮືອເຂດ 4.

ບັນດາການເຄື່ອນໄຫວພົບປະແລກປ່ຽນໃນການຢ້ຽມຢາມ ສ. ເກົາຫຼີ ຄັ້ງນີ້ ຂອງກໍາປັ່ນ 015 - ເຈິ່ນຮືງດ້າວ ແມ່ນກາລະໂອກາດເພື່ອໃຫ້ນາຍທະຫານ, ລູກເຮືອຂອງສອງປະເທດໄດ້ຊອກຮູ້ກ່ຽວກັບປະຫວັດສາດ, ວັດທະນະທຳຂອງຫວຽດນາມ ແລະ ສ. ເກົາຫຼີ, ເພີ່ມທະວີຄວາມໄວ້ເນື້ອເຊື່ອໃຈ, ຄວາມເຂົ້າໃຈເຊິ່ງກັນ ແລະກັນ, ປະກອບສ່ວນເຂົ້າໃນການປັບປຸງ ແລະຊຸກຍູ້ການພົວພັນມິດຕະພາບ, ການຮ່ວມມືລະຫວ່າງທະຫານເຮືອສອງປະເທດ ໃຫ້ນັບມື້ນັບເຂົ້າສູ່ລວງເລິກ, ມີປະສິດທິຜົນ ແລະຍືນຍົງ.

ກ່ອນໜ້ານີ້, ໃນເດືອນຕຸລາ 2018, ກໍາປັ່ນ 015 - ເຈິ່ນຮືງດ້າວ ໄດ້ເຂົ້າຮ່ວມພິທີສວນສະໜາມກໍາປັ່ນສາກົນຢູ່ ສ. ເກົາຫຼີ.

ໂດຍ: ຈາງຫງວຽນ