ພິທີອຳລາກຳປັ່ນ 015 - ເຈິ່ນຮືງດ້າວ ແລະຄະນະປະຕິບັດງານທະຫານເຮືອປະຊາຊົນຫວຽດນາມ ໄດ້ຈັດຂຶ້ນຢ່າງສົມກຽດທີ່ທ່າເຮືອ, ພາຍໃຕ້ການເປັນປະທານຂອງຜູ້ຕາງໜ້າກົມເສນາທິການກອງເຮືອ Beihai, ທະຫານເຮືອ ກອງທັບປົດປ່ອຍປະຊາຊົນຈີນ.

leftcenterrightdel
ຕາງໜ້າກົມເສນາທິການກອງເຮືອ Beihai ຂອງທະຫານເຮືອຈີນ ອໍາລາຄະນະປະຕິບັດງານ. ພາບ: ແມ້ງຮຸ່ງ

ກ່ອນທີ່ກຳປັ່ນຈະອອກຈາກທ່າເຮືອ, ທ່ານພັນເອກພິເສດ ຫງວຽນວິ້ງນາມ, ຮອງຜູ້ບັນຊາການທະຫານເຮືອເຂດ 4, ຫົວໜ້າຄະນະ, ໄດ້ແບ່ງປັນກັບນັກຂ່າວຂອງໜັງສືພິມກອງທັບປະຊາຊົນ ວ່າ: ໃນລະຫວ່າງການຢ້ຽມຢາມນະຄອນ Qingdao, ຄະນະ ແລະກຳປັ່ນ 015-ເຈິ່ນຮືງດາວ ໄດ້ຮັບການຕ້ອນຮັບຢ່າງອົບອຸ່ນຈາກກອງເຮືອ Beihai ແລະທະຫານເຮືອຈີນ.

ການຢ້ຽມຢາມຄັ້ງນີ້ປະສົບຜົນສຳເລັດໃນທຸກດ້ານ, ໄດ້ສ້າງຄວາມປະທັບໃຈຢ່າງເລິກເຊິ່ງຕໍ່ຄະນະຜູ້ແທນ ກໍຄືນາຍທະຫານ ແລະລູກເຮືອຂອງສອງປະເທດ, ປະກອບສ່ວນຢ່າງແທດຈິງໃຫ້ແກ່ຄວາມມານະພະຍາຍາມທີ່ຈະເພີ່ມທະວີການຮ່ວມມືມິດຕະພາບ, ຄວາມໄວ້ເນື້ອເຊື່ອໃຈ, ຄວາມເຂົ້າໃຈເຊິ່ງກັນ ແລະກັນລະຫວ່າງທະຫານເຮືອຫວຽດນາມ ແລະຈີນ.

leftcenterrightdel
ຄະນະປະຕິບັດງານຢູ່ກໍາປັ່ນ 015-ເຈິ່ນຮືງດ້າວ. ພາບ: ແມ້ງຮຸ່ງ

ພາຍຫຼັງອອກຈາກນະຄອນ Qingdao, ກຳປັ່ນ 015-ເຈິ່ນຮືງດ້າວ ແລະກຳປັ່ນ 550 ຂອງທະຫານເຮືອຈີນ ໄດ້ດຳເນີນການຝຶກຊ້ອມຮ່ວມກັນຢູ່ທະເລ, ລວມທັງບັນດາເນື້ອໃນ: ກວດກາການຕິດຕໍ່ສື່ສານ ແລະຮູບແຖວກອງເຮືອເຄື່ອນທີ່ ແລະທັກທາຍກັນຢູ່ທະເລ.

ພາຍຫຼັງສຳເລັດການຝຶກຊ້ອມຮ່ວມ, ກຳປັ່ນ 015-ເຈິ່ນຮືງດ້າວ ໄດ້ເລີ່ມຕົ້ນການເດີນທາງໄປຢ້ຽມຢາມມິດຕະພາບປະເທດຍີ່ປຸ່ນ, ຢູ່ນະຄອນ Kure ຂຶ້ນກັບແຂວງ Hiroshima.

ໂດຍ: ໄຊນີດາ