ວາລະກອງປະຊຸມຄັ້ງທີ 36 ຂອງຄະນະກຳມະການປະສານງານລະຫວ່າງລັດຖະບານກ່ຽວກັບສູນເຂດຮ້ອນຫວຽດນາມ - ລັດເຊຍ
ກປ.ອອນໄລ - ຕອນບ່າຍວັນທີ 1 ທັນວາ, ທີ່ຫາຍຟ່ອງ ໄດ້ດໍາເນີນວາລະກອງປະຊຸມຄັ້ງທີ 36 ຂອງຄະນະກໍາມະການປະສານງານລະຫວ່າງລັດຖະບານ ກ່ຽວກັບສູນເຂດຮ້ອນຫວຽດນາມ-ລັດເຊຍ. ທ່ານພົນໂທ ຮວ່າງຊວນຈຽນ, ກຳມະການສູນກາງພັກ, ຮອງລັດຖະມົນຕີກະຊວງປ້ອງກັນປະເທດ, ປະທານອະນຸກຳມະການຫວຽດນາມ, ປະທານຮ່ວມຄະນະກໍາມະການປະສານງານລະຫວ່າງລັດຖະບານ ກ່ຽວກັບສູນເຂດຮ້ອນຫວຽດນາມ-ລັດເຊຍ ແລະທ່ານ Konstantin Ilyich Mogilevsky, ຮອງລັດຖະມົນຕີກະຊວງວິທະຍາສາດ ແລະການສຶກສາມະຫາວິທະຍາໄລ ສະຫະພັນລັດເຊຍ, ປະທານອະນຸກຳມະການລັດເຊຍ, ປະທານຮ່ວມຄະນະກໍາມະການປະສານງານລະຫວ່າງລັດຖະບານກ່ຽວກັບສູນເຂດຮ້ອນຫວຽດນາມ-ລັດເຊຍ, ເປັນປະທານຮ່ວມວາລະກອງປະຊຸມ.
ກ່າວຄຳເຫັນທີ່ວາລະປະຊຸມ, ທ່ານພົນໂທ ຮວ່າງຊວນຈຽນ ໄດ້ຕີລາຄາວ່າ ປີ 2025 ແມ່ນປີທີ່ສິ້ນສຸດໄລຍະຮ່ວມມື 5 ປີ 2021-2025 ດ້ວຍຜົນງານທີ່ພົ້ນເດັ່ນ ແລະມີຄວາມໝາຍຫຼາຍຢ່າງໃນການຮ່ວມມືກັບຫວຽດນາມ ແລະສະຫະພັນລັດເຊຍ ໃນຂອບເຂດສູນເຂດຮ້ອນຫວຽດນາມ-ລັດເຊຍ, ປະກອບສ່ວນພັດທະນາການພົວພັນອັນດີງາມລະຫວ່າງສອງປະເທດ. ສອງຝ່າຍໄດ້ພ້ອມກັນສ້າງ ແລະປະຕິບັດສຳເລັດຍຸດທະສາດພັດທະນາສູນເຂດຮ້ອນຫວຽດນາມ-ລັດເຊຍ ຮອດປີ 2035 ແລະລົງນາມເອກະສານປັບປຸງ, ເພີ່ມເຕີມລະບຽບການວ່າດ້ວຍສູນເຂດຮ້ອນ. ນີ້ແມ່ນເອກະສານທີ່ສໍາຄັນ, ສອດຄ່ອງກັບການກໍານົດທິດທາງ ແລະວິໄສທັດຂອງທັງສອງຝ່າຍກ່ຽວກັບການຍູ້ແຮງ ແລະພັດທະນາການພົວພັນຮ່ວມມືລະຫວ່າງສອງປະເທດ ທັງລວງເລິກ ແລະລວງກວ້າງ...
    |
 |
|
ທ່ານພົນໂທ ຮວ່າງຊວນຈຽນ ມອບທຸງຊາດ ແລະທຸງທະຫານເຮືອປະຊາຊົນຫວຽດນາມ ໃຫ້ແກ່ຜູ້ບັນຊາການກໍາປັ່ນ 889-ສາດສາດາຈານ Gagarinsky. ພາບ: ຟ້າມຮືງ |
|
|
 |
|
ບັນດາຜູ້ແທນເຂົ້າຮ່ວມພິທີຊັກທຸງກໍາປັ່ນ 889- ສາດສາດາຈານ Gagarinsky. ພາບ: ຟ້າມຮືງ |
ທ່ານພົນໂທ ຮວ່າງຊວນຈຽນ ສະເໜີໃຫ້ທ່ານປະທານ ແລະອະນຸກຳມະການລັດເຊຍ ເອົາໃຈໃສ່ເຖິງບາງການກໍານົດທິດໃຫຍ່ກ່ຽວກັບການຮ່ວມມືລະຫວ່າງສອງຝ່າຍໃນຂອບເຂດສູນເຂດຮ້ອນຫວຽດນາມ-ລັດເຊຍ ໃນໄລຍະຈະມາເຖິງ. ໃນນັ້ນ, ສືບຕໍ່ຢືນຢັນ ແລະພັດທະນາການຄົ້ນຄວ້າ ຕາມສາມທິດທາງທີ່ເປັນມູນເຊື້ອຂອງສູນ, ໂດຍສະເພາະແມ່ນຍົກສູງການຂຸດຄົ້ນວັດຖຸອຸປະກອນໃນເງື່ອນໄຂເຂດຮ້ອນຢ່າງມີປະສິດທິຜົນ; ປົກປັກຮັກສາສິ່ງແວດລ້ອມ, ປ້ອງກັນ, ຕ້ານການປ່ຽນແປງຂອງດິນຟ້າອາກາດ; ປ້ອງກັນ, ຕ້ານພະຍາດເຂດຮ້ອນ ແລະເບິ່ງແຍງດູແລສຸຂະພາບໃຫ້ແກ່ທະຫານ;...
|
|
 |
|
ບັນຍາກາດທີ່ວາລະກອງປະຊຸມ. ພາບ: ຟ້າມຮືງ |
|
|
 |
|
ທ່ານພົນໂທ ຮວ່າງຊວນຈຽນ ແລະທ່ານ Konstantin Ilyich Mogilevsky ລົງນາມໃນບົດບັນທຶກວາກອງລະປະຊຸມ. ພາບ: ຟ້າມຮືງ |
ສ່ວນທ່ານ Konstantin Ilyich Mogilevsky ໄດ້ສະແດງຄວາມເຫັນດີເປັນເອກະພາບກັບບົດລາຍງານ, ຄໍາເຫັນປະກອບທີ່ວາລະກອງປະຊຸມ; ພ້ອມທັງເນັ້ນໜັກວ່າ, ປີ 2025 ເປັນຂີດໝາຍສຳຄັນຫຼາຍຢ່າງຂອງທັງສອງປະເທດ... ປີ 2025 ມີການເຄື່ອນໄຫວແລກປ່ຽນຄະນະຜູ້ແທນຂັ້ນສູງລະຫວ່າງສອງຝ່່າຍດໍາເນີນຢ່າງຟົດຟື້ນ, ຢັ້ງຢືນຄໍາໝັ້ນສັນຍາເປີດກວ້າງການເຄື່ອນໄຫວຂອງສູນເຂດຮ້ອນຫວຽດນາມ-ລັດເຊຍ, ເນັ້ນໜັກເຖິງຄວາມໄວ້ເນື້ອເຊື່ອໃຈດ້ານການເມືອງສູງ ກໍ່ຄືການເຄື່ອນໄຫວຄົ້ນຄວ້າວິທະຍາສາດທີ່ຄືກຄື້ນລະຫວ່າງສອງຝ່າຍ. ບັນດາວາລະປະຊຸມປະຈໍາໄລຍະ ຂອງຄະນະກໍາມະການປະສານງານລະຫວ່າງລັດຖະບານ ກ່ຽວກັບສູນເຂດຮ້ອນຫວຽດນາມ-ລັດເຊຍ ໄດ້ກໍານົດທິດທາງການເຄື່ອນໄຫວ ແລະແງ່ຫວັງຂອງສູນ ໃນໄລຍະຈະມາເຖິງ. ບັນດາເຫດການຫຼັກແຫຼ່ງຄື ການມອບ-ຮັບກໍາປັ່ນ ສາດສາດາຈານ Gagarinsky, ການສໍາຫຼວດຮ່ວມຂອງນັກວິທະຍາສາດສອງປະເທດ, ບັນດາຊຸດຝຶກອົບຮົມໃຫ້ພະນັກງານຄົ້ນຄວ້າວິທະຍາສາດຂອງຫວຽດນາມ... ໄດ້ປະກອບສ່ວນເຮັດໃຫ້ການພົວພັນຮ່ວມມືດ້ານປ້ອງກັນຊາດລະຫວ່າງສອງປະເທດເລິກເຊິ່ງຂຶ້ນຕື່ມ.
ໂດຍ: ໄຊນີດາ