ກອງປະຊຸມຜູ້ບັນຊາການທະຫານບົກອາຊຽນ ຄັ້ງທີ 26 ທີ່ສິງກະໂປ
ກປ.ອອນໄລ - ໂດຍຕອບສະໜອງຕາມຄຳເຊີນຂອງທ່ານພົນຈັດຕະວາ Cai Dexian, ຜູ້ບັນຊາທະຫານບົກສິງກະໂປ, ຄະນະຜູ້ແທນຂັ້ນສູງກອງທັບປະຊາຊົນຫວຽດນາມ ນຳໂດຍທ່ານພົນໂທ ຫງວຽນວັນເຫງັຍ, ຮອງຫົວໜ້າກົມໃຫຍ່ເສນາທິການ ກອງທັບປະຊາຊົນຫວຽດນາມ ໄດ້ເຂົ້າຮ່ວມກອງປະຊຸມຜູ້ບັນຊາການທະຫານບົກອາຊຽນ ຄັ້ງທີ 26 (ACAMM-26) ທີ່ສິງກະໂປ ແຕ່ວັນທີ 25 ຫາວັນທີ 28 ພະຈິກ ດ້ວຍຫົວຂໍ້ "ສ້າງການຮ່ວມມືພາກພື້ນກ່ຽວກັບການຊ່ວຍເຫຼືອມະນຸດສະທຳ ແລະຊ່ວຍເຫຼືອໄພພິບັດ" ແລະເຂົ້າຮ່ວມພິທີອັດງານແຂ່ງຂັນຍິງປືນທະຫານບົກບັນດາປະເທດອາຊຽນ ຄັ້ງທີ 33 (AARM-33).
ກ່າວຄຳເຫັນທີ່ກອງປະຊຸມ, ທ່ານພົນໂທ ຫງວຽນວັນເຫງັຍ ໄດ້ຕີລາຄາສູງຕໍ່ຫົວຂໍ້ຂອງກອງປະຊຸມ ACAMM-26 ໃນສະພາບການປ່ຽນແປງຂອງດິນຟ້າອາກາດ ແລະໄພພິບັດທາງທຳມະຊາດພວມຜັນແປນັບມື້ນັບສັບສົນ ແລະຍາກທີ່ຄາດຄະເນລ່ວງໜ້າໄດ້ ເຊິ່ງກໍ່ຄວາມເສຍຫາຍກ່ຽວກັບທາງຊີວິດ ແລະຊັບສິນທີ່ບໍ່ສາມາດຄາດຄະເນໄດ້; ພ້ອມກັນນັ້ນ, ເນັ້ນໜັກວ່າ ທະຫານບົກແມ່ນກຳລັງທຳອິດ ແລະໂດຍກົງທີ່ຜັນຂະຫຍາຍບັນດາກິດຈະກຳປ້ອງກັນ ແລະຕ້ານໄພພິບັດທາງທຳມະຊາດ, ຊ່ວຍເຫຼືອມະນຸດສະທຳ ແລະຊ່ວຍເຫຼືອໄພພິບັດ. ຫົວໜ້າຄະນະຜູ້ແທນຫວຽດນາມໄດ້ແບ່ງປັນບົດຮຽນ ປະສົບການໃນຮັບມືກັບໄພພິບັດທາງທຳມະຊາດຂອງກອງທັບປະຊາຊົນຫວຽດນາມ; ຢືນຢັນວ່າ ກອງທັບປະຊາຊົນຫວຽດນາມ ໄດ້, ພວມ ແລະຈະສືບຕໍ່ເຂົ້າຮ່ວມດ້ວຍຈິດໃຈຄວາມຕັດສິນໃຈສູງສຸດໃນກິດຈະກຳຮ່ວມມືຕ່າງໆລະຫວ່າງກອງທັບຂອງບັນດາປະເທດອາຊຽນເວົ້າລວມ ແລະລະຫວ່າງທະຫານບົກຂອງບັນດາປະເທດອາຊຽນ ເວົ້າສະເພາະ ເພື່ອຮັບມືກັບບັນດາສິ່ງທ້າທາຍຢ່າງມີປະສິດທິພາບ, ເພື່ອພາກພື້ນແຫ່ງສັນຕິພາບ, ສະຖຽນລະພາບ ແລະການພັດທະນາແບບຍືນຍົງ.
    |
 |
|
ທ່ານພົນໂທ ຫງວຽນວັນເຫງັຍ ແລະບັນດາຫົວໜ້າຄະນະເຂົ້າຮ່ວມກອງປະຊຸມຜູ້ບັນຊາການທະຫານບົກອາຊຽນ ຄັ້ງທີ 26 ທີ່ສິງກະໂປ. ພາບ: qdnd.vn |
ໃນຂອບເຂດຂອງກອງປະຊຸມ, ທ່ານພົນໂທ ຫງວຽນວັນເຫງັຍ ໄດ້ພົບປະສອງຝ່າຍກັບຫົວໜ້າຄະນະຜູ້ແທນ ສິງກະໂປ, ໄທ, ບຣູໄນ ແລະແລກປ່ຽນຢູ່ນອກກອງປະຊຸມກັບຫົວໜ້າຄະນະຜູ້ແທນຈາກບັນດາປະເທດອາຊຽນ ກ່ຽວກັບມາດຕະການຊຸກຍູ້ການຮ່ວມມືທະຫານບົກກັບບັນດາປະເທດຕ່າງໆ.
ທີ່ພິທີອັດ AARM-33, ທ່ານພົນໂທ ຫງວຽນວັນເຫງັຍ ໄດ້ພົບປະ ແລະຍ້ອງຍໍຊົມເຊີຍຜົນງານທີ່ດີເດັ່ນ ເຊິ່ງທີມຍິງປືນກອງທັບປະຊາຊົນຫວຽດນາມ ບັນລຸໄດ້.
ໂດຍ: ທູຈາງ