ລາຍການພົບປະແລກປ່ຽນໂອ້ລົມສົນທະນາລະຫວ່າງນາຍທະຫານໜຸ່ມ ຫວຽດນາມ-ກູບາ

ກ່າວຄຳເຫັນທີ່ລາຍການ, ທ່ານພັນເອກ ຫງວຽນກວາງຮຸຍ, ຫົວໜ້າຄະນະຊາວໜຸ່ມກອງທັບ, ຫົວໜ້າຄະນະນາຍທະຫານໜຸ່ມກອງທັບປະຊາຊົນຫວຽດນາມ ຢືນຢັນວ່າ: ການພົບປະ, ແລກປ່ຽນ, ແບ່ງປັນບົດຮຽນລະຫວ່າງຖັນແຖວນາຍທະຫານໜຸ່ມຂອງສອງປະເທດແມ່ນການເຄື່ອນໄຫວທີ່ມີຄວາມໝາຍສຳຄັນທີ່ສຸດ, ປະກອບສ່ວນສຶກສາອົບຮົມຄົນຮຸ່ນໜຸ່ມໃນກອງທັບສອງປະເທດກ່ຽວກັບສາຍພົວພັນສາມັກຄີ, ນໍ້າໃຈມິດຕະພາບແບບພິເສດລະຫວ່າງຫວຽດນາມ-ກູບາ, ພ້ອມທັງເຮັດໃຫ້ການຮ່ວມມືດ້ານປ້ອງກັນຊາດສອງຝ່າຍລະຫວ່າງສອງປະເທດ ເລິກເຊິ່ງກວ່າອີກ.

ບັນຍາກາດທີ່ລາຍການພົບປະແລກປ່ຽນ. ພາບ: qdnd.vn

ເນັ້ນໜັກເຖິງສາຍພົວພັນສັດຊື່ບໍລິສຸດ, ຄວາມສະໜິດຕິດພັນລະຫວ່າງສອງຊາດ, ທ່ານພັນເອກ Fernando Quivillet Loyola, ຫົວໜ້າຫ້ອງການເມືອງກອງທະຫານຕາເວັນອອກ, ຫົວໜ້າຄະນະນາຍທະຫານໜຸ່ມກະຊວງບັນດາກໍາລັງປະກອບອາວຸດປະຕິວັດກູບາ ຢັ້ງຢືນວ່າ: ການໂອ້ລົມສົນທະນາແມ່ນຄໍາໝັ້ນສັນຍາວ່າ ສາຍພົວພັນລະຫວ່າງສອງປະເທດບໍ່ພຽງແຕ່ອີງໃສ່ມູນເຊື້ອເທົ່ານັ້ນ, ຫາກຍັງມຸ່ງໄປເຖິງອະນາຄົດອີກດ້ວຍ; ໃຫ້ຄຳໝັ້ນສັນຍາວ່າ ຄົນຮຸ່ນໜຸ່ມຂອງສອງປະເທດຈະສືບຕໍ່ຮັກສາ ແລະ ເພີ່ມພູນຄູນສ້າງນ້ຳໃຈສາມັກຄີແບບພິເສດລະຫວ່າງ ຫວຽດນາມ - ກູບາ ໃຫ້ນັບມື້ນັບໝັ້ນຄົງເຂັ້ມແຂງ.

ບັນດານາຍທະຫານໜຸ່ມກະຊວງບັນດາກໍາລັງປະກອບອາວຸດປະຕິວັດກູບາ ເຂົ້າຮ່ວມການໂອ້ລົມສົນທະນາ. ພາບ: qdnd.vn

ໃນຂອບເຂດການຢ້ຽມຢາມ ແລະພົບປະແລກປ່ຽນຢູ່ຫວຽດນາມ ແຕ່ວັນທີ 26 ພະຈິກ ຫາວັນທີ 8 ທັນວາ, ຄະນະນາຍທະຫານໜຸ່ມກະຊວງບັນດາກໍາລັງປະກອບອາວຸດປະຕິວັດກູບາ ຈະໄປຢ້ຽມຢາມເຂດປູຊະນີຍະສະຖານປະຫວັດສາດບາງແຫ່ງ, ຢ້ຽມຢາມ ແລະພົບປະແລກປ່ຽນກັບບັນດາກົມກອງໃນກອງທັບປະຊາຊົນຫວຽດນາມ.

ໂດຍ: ທູຈາງ