ກອງບັນຊາການທະຫານແຂວງກວາງນິງ ຕ້ອນຮັບຄະນະພະນັກງານການທະຫານຂັ້ນສູງກຳປູເຈຍ

ທີ່ການເຮັດວຽກ, ທ່ານພັນເອກພິເສດ ຟ້າມວັນໂຕນ, ຮອງຫົວໜ້າການທະຫານກອງບັນຊາການທະຫານແຂວງກວາງນິງ ໄດ້ສະແດງຄວາມຍິນດີຕ້ອນຮັບຄະນະ, ພ້ອມທັງແຈ້ງໃຫ້ຊາບກ່ຽວກັບສະພາບການເສດຖະກິດ, ການເມືອງ, ສັງຄົມ ແລະໝາກຜົນຂອງໜ້າທີ່ປ້ອງກັນຊາດ, ການທະຫານທ້ອງຖ່ິນຂອງແຂວງກວາງນິງ ໃນໄລຍະຜ່ານມາ.

ຕາງໜ້າກອງບັນຊາການທະຫານແຂວງກວາງນິງ ມອບຂອງຂວັນທີ່ລະນຶກໃຫ້ຄະນະ. ພາບ: qdnd.vn

ຄະນະປະຕິບັດງານ ຖ່າຍຮູບເປັນທີ່ລະນຶກກັບພະນັກງານກອງບັນຊາການທະຫານແຂວງກວາງນິງ. ພາບ: qdnd.vn

ທ່ານພົນຕີ Nim Ba-len ກໍ່ໄດ້ແນະນຳແຜນການຮໍ່າຮຽນ, ໄປທັດສະນະສຶກສາຂອງຄະນະ ຢູ່ຫວຽດນາມ, ພ້ອມທັງສະແດງຄວາມຂອບໃຈຕໍ່ການຕ້ອນຮັບຢ່າງອົບອຸ່ນຈາກກອງບັນຊາການທະຫານແຂວງກວາງນິງ, ຖອດຖອນບົດຮຽນອັນລ້ຳຄ່າໃນການປະຕິບັດໜ້າທີ່ປ້ອງກັນຊາດ ແລະການທະຫານທ້ອງຖິ່ນແຂວງກວາງນິງ. ພ້ອມທັງ, ປາດຖະໜາຢາກສືບຕໍ່ເພີ່ມທະວີການພົວພັນ “ບ້ານໃກ້ເຮືອນຄຽງທີ່ດີງາມ, ມິດຕະພາບທີ່ເປັນມູນເຊື້ອ, ການຮ່ວມມືຮອບດ້ານ, ຍືນຍົງຍາວນານ” ລະຫວ່າງສອງພັກ, ສອງລັດ, ກອງທັບ ແລະປະຊາຊົນສອງປະເທດ ຫວຽດນາມ ແລະກຳປູເຈຍ ໃຫ້ເລິກເຊິ່ງຂຶ້ນຕື່ມ.

ໂດຍ: ໄຊນີດາ