ທີ່ການຕ້ອນຮັບ, ທ່ານພົນໂທ ຖ໋າຍດ້າຍຫງອັກ ໄດ້ຂອບໃຈຄະນະ ທີ່ເຂົ້າຮ່ວມພິທີສະເຫຼີມສະຫຼອງການປະຕິວັດເດືອນສິງຫາ ປະສົບຜົນສໍາເລັດ ແລະວັນຊາດຫວຽດນາມ ຄົບຮອບ 80 ປີ. ທ່ານພົນໂທ ຖ໋າຍດ້າຍຫງອັກ ເນັ້ນໜັກວ່າ ໃນການພົວພັນ ຫວຽດນາມ-ກູບາ, ການຮ່ວມມືດ້ານປ້ອງກັນຊາດ ແມ່ນໜຶ່ງໃນບັນດາເສົາຄ້ຳສຳຄັນ, ປະກອບສ່ວນປັບປຸງການພົວພັນສາມັກຄີທີ່ເປັນມູນເຊື້ອ, ມິດຕະພາບແບບພິເສດລະຫວ່າງສອງປະເທດ.

leftcenterrightdel
ທ່ານພົນໂທ ຖ໋າຍດ້າຍຫງອັກ ຕ້ອນຮັບ ທ່ານພົນຕີ Ernest Feijoo Eiro. ພາບ: ຫງອັກທື.

ທ່ານພົນໂທ ຖ໋າຍດ້າຍຫງອັກ ຕີລາຄາສູງການພັດທະນາໃນການພົວພັນຮ່ວມມືລະຫວ່າງກອງບັນຊາການທະຫານນະຄອນຫຼວງຮ່າໂນ້ຍ ແລະກອງບັນຊາການທະຫານເຂດ La Habana ໃນໄລຍະທີ່ຜ່ານມາ; ເຊື່ອໝັ້ນວ່າ ເລື່ອງສອງຝ່າຍລົງນາມບົດບັນທຶກການແຮກສ່ຽວ ໃນການຢ້ຽມຢາມຄັ້ງນີ້ ຈະສ້າງເງື່ອນໄຂສະດວກເພື່ອເຮັດໃຫ້ບັນດາການເຄື່ອນໄຫວຮ່ວມມືສອງຝ່າຍເລິກເຊິ່ງຂຶ້ນຕື່ມ ແລະສອດຄ່ອງກັບຄວາມຕ້ອງການ ແລະເງື່ອນໄຂຂອງແຕ່ລະຝ່າຍ.

leftcenterrightdel
ບັນຍາກາດທີ່ການຕ້ອນຮັບ. ພາບ: ຫງອັກທື.

ທ່ານພົນໂທ ຖ໋າຍດ້າຍຫງອັກ ຢືນຢັນວ່າ ກົມໃຫຍ່ເສນາທິການກອງທັບປະຊາຊົນຫວຽດນາມ ຈະສ້າງເງື່ອນໄຂສະດວກເພື່ອໃຫ້ກອງບັນຊາການທະຫານນະຄອນຫຼວງຮ່າໂນ້ຍ ແລະກອງບັນຊາການທະຫານເຂດ La Habana ຈັດຕັ້ງປະຕິບັດບັນດາການເຄື່ອນໄຫວຮ່ວມມືຕາມບົດບັນທຶກການແຮກສ່ຽວ; ພ້ອມກັນນັ້ນຊີ້ນຳທະຫານເຂດ 5 ສົມທົບກັບກອງບັນຊາການທະຫານເຂດຕາເວັນຕົກ ຄົ້ນຄວ້າ, ສະເໜີການເຄື່ອນໄຫວຮ່ວມມືຢ່າງມີປະສິດທິຜົນ, ແທດຈິງ, ສອດຄ່ອງກັບຄວາມຮຽກຮ້ອງຕ້ອງການຂອງສອງຝ່າຍ ເພື່ອສ້າງ ແລະກ້າວໄປເຖິງການລົງນາມບົດບັນທຶກການແຮກສ່ຽວລະຫວ່າງສອງກົມກອງ ຕາມທິດນຳຂອງການນຳກະຊວງປ້ອງກັນປະເທດຫວຽດນາມ ແລະກະຊວງບັນດາກໍາລັງປະກອບອາວຸດປະຕິວັດ ກູບາ.

leftcenterrightdel
ບັນດາຜູ້ແທນຖ່າຍຮູບລວມ. ພາບ: ຫງອັກທື.

ສ່ວນທ່ານພົນຕີ Ernest Feijoo Eiro ສະແດງຄວາມປິຕິຊົມຊື່ນທີ່ ໄດ້ເຂົ້າຮ່ວມພິທີສະເຫຼີມສະຫຼອງການປະຕິວັດເດືອນສິງຫາ ປະສົບຜົນສໍາເລັດ ແລະວັນຊາດຫວຽດນາມ ຄົບຮອບ 80 ປີ. ຢືນຢັນການພົວພັນສາມັກຄີ, ສະໜິດຕິດພັນລະຫວ່າງປະຊາຊົນ ແລະກອງທັບຂອງສອງປະເທດ, ທ່ານພົນຕີ Ernest Feijoo Eiro ຫວັງວ່າ ກອງບັນຊາການທະຫານນະຄອນຫຼວງຮ່າໂນ້ຍ ແລະກອງບັນຊາການທະຫານເຂດ La Habana ຈະສືບຕໍ່ສົມທົບກັນຢ່າງແໜ້ນແຟ້ນ ເພື່ອເພີ່ມທະວີການເຄື່ອນໄຫວຮ່ວມມືລະຫວ່າງສອງຝ່າຍ ໃຫ້ມີປະສິດທິຜົນ. 

ໂດຍ: ໄຊຊະນະ