ກຳປັ່ນ 016-ກວາງຈູງ ໄປຮອດມາເລເຊຍ, ພ້ອມແລ້ວທີ່ຈະເຂົ້າຮ່ວມການຊ້ອມຮົບຫຼາຍຝ່າຍ
ກປ.ອອນໄລ - ຕອນບ່າຍວັນທີ 15 ສິງຫາ, ກຳປັ່ນ 016-ກວາງຈູງ (ຂຶ້ນກັບກອງພົນນ້ອຍ 162, ທະຫານເຮືອເຂດ 4) ແລະຄະນະປະຕິບັດງານທະຫານເຮືອປະຊາຊົນຫວຽດນາມ ນໍາໂດຍທ່ານພັນເອກພິເສດ ຫງວຽນວິ້ງນາມ, ຮອງຜູ້ບັນຊາການທະຫານເຮືອເຂດ 4, ໄດ້ລົງຈອດຢູ່ທ່າກໍາປັ່ນ Swettenham, Penang, ປະເທດມາເລເຊຍ ເພື່ອເຂົ້າຮ່ວມການຊ້ອມຮົບຫຼາຍຝ່າຍທະຫານເຮືອບັນດາປະເທດອາຊຽນ ຄັ້ງທີ 3 (AMNEX 3).
ພາຍຫຼັງພິທີຕ້ອນຮັບຢູ່ທ່າກຳປັ່ນ, ບັນດານາຍທະຫານ, ລູກເຮືອຂອງ ທະຫານເຮືອລາດຊະວົງມາເລເຊຍ ໄດ້ໄປຢ້ຽມຢາມກຳປັ່ນ 016-ກວາງຈູງ ແລະເຫັນດີເປັນເອກະພາບບັນດາເນື້ອໃນຂອງການຊ້ອມຮົບ.
    |
 |
|
ກຳປັ່ນ 016-ກວາງຈູງ ໄປຮອດທ່າກຳປັ່ນ Swettenham (Penang, ມາເລເຊຍ). ພາບ: ງອກຮືງ |
ໃນໄລຍະການເດີນທາງເກືອບ 1.200 ໄມທະເລ ຈາກທ່າກຳປັ່ນກາມແຣງ ເຖິງທ່າກຳປັ່ນ Swettenham, ກຳປັ່ນ 016-ກວາງຈູງ ໄດ້ຈັດຕັ້ງການເພື່ອຍົກສູງກໍາລັງຄວາມສາມາດໃນການຈັດຕັ້ງບັນຊາປະສານສົມທົບກັນ, ຄວາມສາມາດກຽມພ້ອມຕໍ່ສູ້, ລະດັບກິລິຍະບົດເປັນເຈົ້າອາວຸດຍຸດໂທປະກອນຂອງທະຫານໃນເງື່ອນໄຂທີ່ກໍາປັ່ນເຄື່ອນໄຫວຢູ່ທະເລໃນໄລຍະຍາວ; ໄດ້ຈັດຕັ້ງການຕິດຕາມກວດກາ, ກໍາແໜ້ນສະພາບການຢູ່ເຂດທະເລຕາມເສັ້ນທາງເພື່ອຮັບປະກັນຄວາມປອດໄພໃນທຸກດ້ານ.
ວັນທີ 16 ສິງຫາ, AMNEX 3 ເປີດຢ່າງເປັນທາງການ. ກໍາປັ່ນ 016-ກວາງຈູງ ແລະຄະນະປະຕິບັດງານ ເຂົ້າຮ່ວມການເຄື່ອນໄຫວຫຼາຍຢ່າງໃນຂອບເຂດການຊ້ອມຮົບ, ໃນນັ້ນມີບັນດາໄລຍະຢູ່ທ່າກຳປັ່ນ ແລະຢູ່ທະເລ, ຮອດວັນທີ 22 ສິງຫາ ຈະສິ້ນສຸດລົງ.
ໂດຍ: ຈາງຫງວຽນ