ຫົວໜ້າກົມໃຫຍ່ການເມືອງກອງທັບປະຊາຊົນລາວ ຢ້ຽມຢາມ ແລະເຮັດວຽກຢູ່ວິທະຍາຄານການເມືອງ

ທ່ານພົນຕີ ວົງສອນ ອິນປານພິມ, ຮອງລັດຖະມົນຕີກະຊວງປ້ອງກັນປະເທດ, ຫົວໜ້າກົມໃຫຍ່ການເມືອງກອງທັບປະຊາຊົນລາວ ຢ້ຽມຢາມ ແລະເຮັດວຽກຢູ່ວິທະຍາຄານການເມືອງ. ພາບ: ຮ່າເຟືອງ

ກ່າວຄຳເຫັນທີ່ການເຮັດວຽກ, ທ່ານພົນຕີ ດັ້ງສີລົກ ຫົວໜ້າວິທະຍາຄານການເມືອງ ໄດ້ສະແດງຄວາມປິຕິຊົມຊື່ນ ແລະເປັນກຽດທີ່ໄດ້ຕ້ອນຮັບທ່ານຫົວໜ້າກົມໃຫຍ່ການເມືອງກອງທັບປະຊາຊົນລາວ ມາຢ້ຽມຢາມວິທະຍາຄານ, ໂຮງຮຽນທີ່ທ່ານພົນຕີ ວົງສອນ ອິນປານພິມ ໄດ້ຮຽນເມື່ອ 20 ກວ່າປີກ່ອນ.

ລາຍງານໝາກຜົນວຽກງານບໍາລຸງສ້າງ, ຝຶກອົບຮົມໃຫ້ນັກສໍາມະນາກອນກອງທັບປະຊາຊົນລາວ ຢູ່ວິທະຍາຄານ, ທ່ານພົນຕີ ວົງສອນ ອິນປານພິມ ໃຫ້ຮູ້ວ່າ ນັກສໍາມະນາກອນກອງທັບປະຊາຊົນລາວ ໄດ້ສົ່ງມາບໍາລຸງສ້າງມີຄວາມຮູ້ເລິກເຊິ່ງກ່ຽວກັບຂະແໜງການສະເພາະ, ຮູ້ພາສາຫວຽດນາມ ແລະມີສະຕິຮໍ່າຮຽນເປັນຢ່າງດີ, ຕັ້ງໜ້າເຂົ້າຮ່ວມການຄົ້ນຄວ້າວິທະຍາສາດຂອງວິທະຍາຄານ.

ບັນຍາກາດທີ່ການເຮັດວຽກ. ພາບ: ຮ່າເຟືອງ

ສ່ວນທ່ານພົນຕີ ວົງສອນ ອິນປານພິມ ອວຍພອນວິທະຍາຄານ ບັນລຸໄດ້ຜົນງານຫຼາຍດ້ານໃນວຽກງານບໍາລຸງສ້າງພະນັກງານໃຫ້ກອງທັບປະຊາຊົນຫວຽດນາມ ແລະລາວ; ຂອບໃຈວິທະຍາຄານໄດ້ຈັດສົ່ງນັກຊ່ຽວຊານ ມາໜູນຊ່ວຍກອງທັບປະຊາຊົນລາວ. ນັກສໍາມະນາກອນກອງທັບປະຊາຊົນລາວ ຫຼາຍຄົນ ຖືກສົ່ງໄປບໍາລຸງສ້າງຢູ່ວິທະຍາຄານຕໍ່ມາໄດ້ພັດທະນາ ແລະກາຍເປັນການນໍາຂັ້ນສູງຂອງກອງທັບປະຊາຊົນລາວ, ປະກອບສ່ວນໂດຍກົງເຂົ້າໃນກິດຈະການສ້າງສາ ແລະປົກປັກຮັກສາປະເທດລາວ; ພ້ອມທັງສະເໜີວິທະຍາຄານໜູນຊ່ວຍ, ຊ່ວຍເຫຼືອກອງທັບປະຊາຊົນລາວ ຍົກລະດັບໂຮງຮຽນທິດສະດີການເມືອງຂຶ້ນເປັນວິທະຍາຄານການເມືອງ; ວິທະຍາຄານຈະສືບຕໍ່ຍູ້ແຮງການເຄື່ອນໄຫວບໍາລຸງສ້າງພະນັກງານນາຍທະຫານໃຫ້ກອງທັບປະຊາຊົນລາວ.

ບົນພື້ນຖານບັນດາຜົນງານທີ່ບັນລຸໄດ້, ທ່ານພົນຕີ ວົງສອນ ອິນປານພິມ ສະແດງຄວາມເຊື່ອໝັ້ນວ່າ ສາຍພົວພັນມິດຕະພາບອັນຍິ່ງໃຫຍ່, ຄວາມສາມັກຄີແບບພິເສດ ແລະການຮ່ວມມືຮອບດ້ານຫວຽດນາມ-ລາວ ຈະສືບຕໍ່ນັບມື້ນັບພັດທະນາຢ່າງເລິກເຊິ່ງ.

ໂດຍ: ເຈິ່ນຮວ່ຽນ