ກອງທັບຊ່ວຍປະຊາຊົນຜ່ານຜ່າຜົນຮ້າຍຢ້ອນຫຼັງຈາກໄພທຳມະຊາດ ແລະໄຟໄໝ້ຢ່າງທັນການ
ກປ.ອອນໄລ - ຕອນບ່າຍວັນທີ 25 ກໍລະກົດ, ຢູ່ຕາແສງ ບາດຊ໊າດ, ແຂວງລາວກາຍ, ໄດ້ເກີດເຫດດິນເຈື່ອນຢູ່ຕາລຸຍເຢືອງ ຢູ່ 3 ຈຸດທາງລະຫວ່າງບ້ານສາຍຢວນ ດ້ວຍປະລິມານດິນ ແລະຫີນປະມານ 350 ຕາແມັດ, ເຮັດໃຫ້ 3 ຄອບຄົວຕ້ອງອົບພະຍົບຢ່າງຮີບດ່ວນ. ກອງບັນຊາການທະຫານຊາຍແດນແຂວງລາວກາຍ (ກອງບັນຊາການທະຫານແຂວງລາວກາຍ) ໄດ້ສົ່ງພະນັກງານ-ນັກຮົບ 13 ຄົນໄປສົມທົບກັບບັນດາກໍາລັງທ້ອງຖິ່ນເພື່ອຊ່ວຍເຫຼືອປະຊາຊົນຜ່ານຜ່າຜົນສະທ້ອນ.
    |
 |
|
ພາບປະກອບຈາກ: ສໍານັກຂ່າວສານຫວຽດນາມ |
* ຢູ່ບໍລິເວນຕາແສງນ້ຳຮ່າງ, ແຂວງລາຍເຈົາ, ໄດ້ເກີດດິນເຈື່ອນ, ເຮັດໃຫ້ 3 ຄອບຄົວຕ້ອງອົບພະຍົບ. ທ້ອງຖິ່ນໄດ້ລະດົມພະນັກງານ, ນັກຮົບ 32 ຄົນຂອງບັນດາອົງການການທະຫານ, ຕຳຫຼວດ, ທະຫານລາດປ້ອງກັນຕົວສົມທົບກັບບັນດາກຳລັງທ້ອງຖິ່ນ ເພື່ອຊ່ວຍເຫຼືອປະຊາຊົນຜ່ານຜ່າຜົນຮ້າຍຢ້ອນຫຼັງ.
ຢູ່ບໍລິເວນຕາແສງ ບຸງລາວ, ນາສາງ, ແທ່ງເໜືອ, ຊາມມື໊ນແຂວງ ດ້ຽນບຽນ, ໄດ້ເກີດດິນເຈື່ອນດ້ວຍຫີນ ແລະດິນເຈື່ອນກວ່າ 900 ຕາແມັດ, ສົ່ງຜົນກະທົບໃຫ້ 7 ຄອບຄົວ. ທ້ອງຖິ່ນໄດ້ລະດົມພະນັກງານ, ນັກຮົບ 126 ຄົນທີ່ມາຈາກບັນດາອົງການການທະຫານ, ຕຳຫຼວດ, ທະຫານລາດປ້ອງກັນຕົວສົມທົບກັບກຳລັງທ້ອງຖິ່ນ ເພື່ອຊ່ວຍເຫຼືອປະຊາຊົນຜ່ານຜ່າຜົນຮ້າຍຢ້ອນຫຼັງ.
ເວລາ 9 ໂມງ 20 ນາທີ, ວັນທີ 25 ກໍລະກົດ, ຢູ່ຫຼັກ 7, ເສັ້ນທາງຫຼວງແຫ່ງຊາດ 19, ຕາແສງ ອຽນມີ໊, ແຂວງ ຮຶງອຽນ, ໄດ້ເກີດເຫດໄຟໄໝ້ສາງລົດໄຟຟ້າຂອງບໍລິສັດ KingDa ຫວຽດນາມ ຈຳກັດ (ຜະລິດລົດໄຟຟ້າ). ທ້ອງຖິ່ນໄດ້ລະດົມກໍາລັງພະນັກງານ-ນັກຮົບຈາກທະຫານ, ຕໍາຫຼວດ, ທະຫານລາດປ້ອງກັນຕົວ 35 ຄົນ, ພ້ອມດ້ວຍລົດດັບເພີງ 1 ຄັນ ແລະຈັກສູບ 2 ຄັນປະສານສົມທົບກັບກໍາລັງຢູ່ກັບທີ່ດັບໄຟໃນເວລາ 10 ໂມງ 15 ນາທີຂອງວັນດຽວກັນ. ເຫດການດັ່ງກ່າວບໍ່ມີຄວາມເສຍຫາຍກ່ຽວກັບຄົນ.
ໂດຍ: ໄຊນີດາ