ທະຫານຊາຍແດນ ເງະອານ ໜູນຊ່ວຍປະຊາຊົນແກ້ໄຂຜົນຮ້າຍຢ້ອນຫຼັງຈາກດິນເຈື່ອນ
ກປ.ອອນໄລ - ວັນທີ 5 ກໍລະກົດ, ຄ້າຍທະຫານຊາຍແດນ ນາລອຍ (ທະຫານຊາຍແດນແຂວງເງະອານ) ໄດ້ສົມທົບກັບອຳນາດການປົກຄອງທ້ອງຖິ່ນ ແລະປະຊາຊົນບ້ານນາເຄື໊ອງ, ຕາແສງນາລອຍ ຈັດຕັ້ງການຊ່ວຍເຫຼືອຄອບຄົວອ້າຍ ຟ້າມຈຸງກຽນ ເຄື່ອນຍ້າຍຊັບສິນ ແລະຍົກຍ້າຍເຮືອນທີ່ຖືກຜົນກະທົບຈາກດິນເຈື່ອນ.
    |
 |
|
ພະນັກງານ, ນັກຮົບທະຫານຊາຍແດນ ນາລອຍ ແລະປະຊາຊົນທ້ອງຖິ່ນແກ້ໄຂຜົນຮ້າຍຢ້ອນຫຼັງຈາກດິນເຈື່ອນ ຍ້ອນຝົນຕົກນໍ້າຖ້ວມ. ພາບ: ຫາຍເທື້ອງ. |
ກ່ອນໜ້ານັ້ນ, ໃນເວລາ 20 ໂມງ 15 ນາທີຂອງວັນທີ 4 ກໍລະກົດ, ໃນບໍລິເວນໄດ້ເກີດຝົນຕົກໜັກເຮັດໃຫ້ຫີນ ແລະດິນຈາກທາງບວກເລື່ອນລົງ, ໄດ້ຝັງເຮືອນທັງໝົດທີ່ມຸງດ້ວຍເຫຼັກກ້າທີ່ຫາກໍ່ສ້າງແລ້ວ ແລະພວມຢູ່ໃນການສ້າງກຳແພງອ້ອມຮອບໃຫ້ສຳເລັດ. ດິນເຈື່ອນຍັງໄດ້ສ້າງຄວາມເສຍຫາຍໃຫ້ແກ່ຊັບສິນ ແລະເຄື່ອງໃຊ້ຢູ່ໃນເຮືອນຈໍານວນໜຶ່ງ. ໂຊກດີທີ່ບໍ່ມີຜູ້ໄດ້ ຮັບບາດເຈັບ.
ພາຍຫຼັງໄດ້ຮັບຂ່າວ, ພະນັກງານ, ນັກຮົບທະຫານຊາຍແດນ ນາລອຍ ໄດ້ມີໜ້າຢູ່ຈຸດເກີດເຫດ, ຕັ້ງປ້າຍເຕືອນໄພອັນຕະລາຍ, ຈັດຕັ້ງການເຝົ້າລະວັງ, ໜູນຊ່ວຍປະຊາຊົນ ຍົກຍ້າຍຊັບສິນ, ຮັບປະກັນຄວາມປອດໄພ ເຂດປະສົບໄພ.
ປະຈຸບັນ, ທ້ອງຖິ່ນ ແລະກອງລັງທະຫານຊາຍແດນ ພວມສືບຕໍ່ຕິດຕາມສະພາບດິນຟ້າອາກາດ, ກະກຽມແຜນການຮັບມືໃນກໍລະນີຝົນຕົກໜັກ ສືບຕໍ່ເກີດຂຶ້ນ.
ໂດຍ: ໄຊຊະນະ