ທ່ານພົນເອກ ຫງວຽນເຕິນເກືອງ ພ້ອມດ້ວຍຄະນະປະຕິບັດງານໄດ້ໄປຖະຫວາຍທູບທຽນອາໄລຫາບັນດາສະຫາຍ: ອະດີດເລຂາທິການໃຫຍ່ ເລຂາຟຽວ; ອະດີດປະທານປະເທດ ເລດຶ໊ກແອັງ; ບັນດາສະຫາຍອະດີດກຳມະການກົມການເມືອງ, ອະດີດລັດຖະມົນຕີກະຊວງປ້ອງກັນປະເທດ, ຄື: ພົນເອກ ຫວໍງວຽນຢ໊າບ, ພົນເອກ ວັນຕ໊ຽນຢຸງ, ພົນເອກ ດວ່ານເຄວ, ພົນເອກ ຟຸ່ງກວາງແທັງ; ພົນເອກ ຈູຮຸຍເໝິນ, ອະດີດກຳມະການກົມການເມືອງ, ອະດີດຫົວໜ້າກົມໃຫຍ່ການເມືອງກອງທັບປະຊາຊົນຫວຽດນາມ; ບັນດາສະຫາຍອະດີດຫົວໜ້າກົມໃຫຍ່ເສນາທິການກອງທັບປະຊາຊົນຫວຽດນາມ, ອະດີດຮອງລັດຖະມົນຕີ ກະຊວງປ້ອງກັນປະເທດ: ພົນເອກ ເລຈ້ອງເຕີ໊ນ, ພົນເອກ ຮວ່າງວັນຖ໊າຍ, ພົນໂທ ຫງວຽນຄັ໊ກຫງຽນ...
    |
 |
|
ທ່ານພົນເອກ ຫງວຽນເຕິນເກືອງ ຖະຫວາຍທູບທຽນອາໄລຫາສະຫາຍພົນເອກ ຫວໍງວຽນຢ໊າບ. ພາບ: ມີງແມັ້ງ |
ທ່ານພົນເອກ ຫງວຽນເຕິນເກືອງ ສະແດງຄວາມຮູ້ບຸນຄຸນຕໍ່ການອຸທິດສ່ວນ, ປະກອບສ່ວນອັນໃຫຍ່ຫຼວງຂອງອະດີດການນໍາພັກ, ລັດ, ກອງທັບ ໃນພາລະກິດປະຕິວັດຂອງພັກ, ຂອງຊາດ ແລະພາລະກິດສ້າງສາກອງທັບ, ປັບປຸງການປ້ອງກັນຊາດ.
ພົບປະໂອ້ລົມກັບຍາດຕິພີ່ນ້ອງບັນດາສະຫາຍອະດີດການນຳພັກ, ລັດ, ກອງທັບ, ທ່ານພົນເອກ ຫງວຽນເຕິນເກືອງ ໄດ້ຢ້ຽມຢາມຖາມຂ່າວສຸຂະພາບ, ການດໍາລົງຊີວິດ, ພ້ອມທັງຫວັງວ່າ ຍາດຕິພີ່ນ້ອງບັນດາສະຫາຍ ຈະສືບທອດມູນເຊື້ອຄອບຄົວ, ປະກອບສ່ວນສ້າງສາບ້ານເກີດເມືອງນອນ, ປະເທດໃຫ້ນັບມື້ນັບຮັ່ງມີສວຍງາມ, ສີວິໄລ.
|
|
 |
|
ທ່ານພົນເອກ ຫງວຽນເຕິນເກືອງ ຢ້ຽມຢາມ ແລະມອບຂອງຂວັນໃຫ້ສະຫາຍພົນເອກ ໂງຊວນລິກ. ພາບ: ມີງແມັ້ງ |
ໄປຢ້ຽມຢາມ ແລະມອບຂອງຂວັນໃຫ້ທ່ານພົນເອກ ໂງຊວນລິກ, ອະດີດກຳມະການກົມການເມືອງ, ອະດີດລັດຖະມົນຕີກະຊວງປ້ອງກັນປະເທດ; ພົນເອກ ໂດ໋ບ໊າຕີ້, ອະດີດກໍາມະການສູນກາງພັກ, ອະດີດຮອງປະທານສະພາແຫ່ງຊາດ, ອະດີດຫົວໜ້າກົມໃຫຍ່ເສນາທິການກອງທັບປະຊາຊົນຫວຽດນາມ, ອະດີດຮອງລັດຖະມົນຕີກະຊວງປ້ອງກັນປະເທດ ແລະພົນຕີ, ວິລະຊົນກໍາລັງປະກອບອາວຸດປະຊາຊົນ ດັ້ງກວນທຸ້ຍ, ອະດີດກໍາມະການສູນກາງພັກ, ອະດີດຮອງປະທານສະພາແຫ່ງຊາດ, ທ່ານພົນເອກ ຫງວຽນເຕິນເກືອງ ຢ້ຽມຢາມຖາມຂ່າວສຸຂະພາບ, ການດໍາລົງຊີວິດ ແລະລາຍງານໝາກຜົນທີ່ພົ້ນເດັ່ນຂອງທົ່ວກອງທັບໃນໄລຍະຜ່ານມາ.
ທ່ານພົນເອກ ຫງວຽນເຕິນເກືອງ ອວຍພອນບັນດາສະຫາຍອະດີດການນໍາກອງທັບ ຈົ່ງມີສຸຂະພາບເຂັ້ມແຂງ, ສືບຕໍ່ເອົາໃຈໃສ່ຕິດຕາມ, ມີຄໍາເຫັນປະກອບອັນລ້ຳຄ່າ ເພື່ອກໍ່ສ້າງກອງທັບປະຊາຊົນຫວຽດນາມ ນັບມື້ນັບໝັ້ນຄົງເຂັ້ມແຂງ, ປະຕິບັດສຳເລັດໜ້າທີ່ທີ່ໄດ້ຮັບມອບໝາຍ.
ໂດຍ: ເຈິ່ນຮວ່ຽນ