ຄະນະກອງທັບປະຊາຊົນຫວຽດນາມ ພ້ອມແລ້ວທີ່ຈະເຂົ້າຮ່ວມພິທີເດີນສວນສະໜາມຢູ່ສະໜາມຫຼວງແດງ

ທ່ານພົນໂທ ຮວ່າງຊວນຈ໊ຽນ ກ່າວຄຳເຫັນທີ່ພິທີມອບ-ຮັບໜ້າທີ່ໃຫ້ຄະນະກອງທັບເຂົ້າຮ່ວມພິທີເດີນສວນສະໜາມຢູ່ສະໜາມຫຼວງແດງ. ພາບ: ຮ່າເຟືອງ

ກ່າວຄຳເຫັນທີ່ພິທີມອບ-ຮັບໜ້າທີ່, ທ່ານພົນໂທ ຮວ່າງຊວນຈ໊ຽນ ເນັ້ນໜັກວ່າ ນີ້ແມ່ນການເຄື່ອນໄຫວທີ່ມີຄວາມໝາຍດ້ານການເມືອງ, ການຕ່າງປະເທດສໍາຄັນພິເສດ, ປະກອບສ່ວນປັບປຸງຄວາມໄວ້ເນື້ອເຊື່ອໃຈຍຸດທະສາດລະຫວ່າງສອງກອງທັບ, ພ້ອມທັງສະແດງໃຫ້ເຫັນຄວາມສະໜິດຕິດພັນອັນຍາວນານ, ສະເໝີຕົ້ນສະເໝີປາຍຂອງຫວຽດນາມ ສໍາລັບບັນດາປະເທດໄດ້ຮ່ວມເດີນທາງ, ສະໜັບສະໜູນຫວຽດນາມ ໃນພາລະກິດປົກປັກຮັກສາ ແລະສ້າງສາປະເທດຊາດ.

ທ່ານພົນໂທ ຮວ່າງຊວນຈ໊ຽນ ມອບຂອງຂວັນຂອງກະຊວງປ້ອງກັນປະເທດລະດົມກໍາລັງໃຈໃຫ້ຄະນະ. ພາບ: ຮ່າເຟືອງ

ທ່ານພົນໂທ ຮວ່າງຊວນຈ໊ຽນ ເນັ້ນໜັກວ່າ, ການມີໜ້າຂອງຄະນະກອງທັບປະຊາຊົນຫວຽດນາມ ທີ່ພິທີເດີນສວນສະໜາມຢູ່ສະໜາມຫຼວງແດງບໍ່ພຽງແຕ່ແມ່ນສັນຍາລັກແຫ່ງສັນຕິພາບເທົ່ານັ້ນ ຫາກຍັງແມ່ນໂອກາດເພື່ອຍົກສູງຮູບພາບ, ຖານະບົດບາດ ແລະຄຸນນະທາດຂອງກອງທັບປະຊາຊົນຫວຽດນາມ - ກອງທັບປະຕິວັດ, ປະຕິວັດ, ເປັນຫຼວງ, ຍອດຢ້ຽມ, ທັນສະໄໝເທື່ອລະກ້າວ, ພ້ອມແລ້ວທີ່ຈະປະກອບສ່ວນເຂົ້າໃນຄວາມມານະພະຍາຍາມລວມຂອງປະຊາຄົມສາກົນເພື່ອສັນຕິພາບ ແລະການພັດທະນາແບບຍືນຍົງ. ທ່ານພົນໂທ ຮວ່າງຊວນຈ໊ຽນ ຮຽກຮ້ອງພະນັກງານ, ນັກຮົບທົ່ວຄະນະເສີມຂະຫຍາຍຄຸນທາດທະຫານລຸງໂຮ່, ປະຕິບັດລະບຽບວິໄນຢ່າງເດັດຂາດ, ຜ່ານຜ່າຄວາມຫຍຸ້ງຍາກ, ສົ່ງເສີມສຸຂະພາບ, ຮັກສາເຈດຈໍານົງຄວາມຕັດສິນໃຈ, ຈິດໃຈສາມັກຄີເພື່ອແຜ່ຂະຫຍາຍພາບພົດອັນດີງາມຂອງນາຍ ແລະພົນທະຫານຫວຽດນາມ ໃນສາຍຕາເພື່ອນມິດສາກົນ.

ສ່ວນທ່ານພົນຈັດຕະວາ ຫງວຽນວັນແທັງ, ຮອງອຳນວຍການໂຮງຮຽນ, ຜູ້ບັນຊາການຄະນະກອງທັບປະຊາຊົນຫວຽດນາມ ທີ່ເຂົ້າຮ່ວມພິທີເດີນສວນສະໜາມຢູ່ລັດເຊຍ ຢືນຢັນວ່າ ມາຮອດປະຈຸບັນ, ໂຮງຮຽນນາຍທະຫານບົກ ເລກ 1 ໄດ້ຈັດຕັ້ງ, ຮັກສາການຝຶກແອບຕາມແຜນການຢ່າງເຂັ້ມງວດ, ທະຫານແກ້ໄຂຄວາມຫຍຸ້ງຍາກ, ຕັ້ງໜ້າຝຶກແອບດ້ວຍຄວາມເຂັ້ມສູງ; ວຽກງານກະກຽມໄດ້ສຳເລັດ, ທົ່ວຄະນະຍົກສູງເຈດຈໍານົງຄວາມຕັດສິນໃຈ, ພ້ອມແລ້ວທີ່ຈະເດີນທາງ, ປະຕິບັດສຳເລັດໜ້າທີ່ທີ່ໄດ້ຮັບມອບໝາຍ.

ໂດຍ: ເຈິ່ນຮວ່ຽນ