ເຂົ້າຮ່ວມການພົບປະມີທ່ານພົນຕີ ຟ້າມເຈື່ອງເຊີນ, ຮອງຫົວໜ້າກົມໃຫຍ່ເສນາທິການ ກອງທັບປະຊາຊົນຫວຽດນາມ; ທ່ານພົນຕີ ເຈີ່ນຮ່ວາຍຈູງ, ເລຂາຄະນະພັກ, ຫົວໜ້າການເມືອງທະຫານເຂດ 7. ເຂົ້າຮ່ວມການພົບປະຍັງມີບັນດາສະຫາຍອະດີດກໍາມະການສູນກາງພັກ, ອະດີດຮອງລັດຖະມົນຕີກະຊວງປ້ອງກັນປະເທດ: ທ່ານພົນໂທ ເຈິ່ນເດີນ, ອະດີດກໍາມະການຄະນະປະຈໍາຄະນະພັກການທະຫານສູນກາງ; ທ່ານພົນໂທ ເລຈຽມ.

leftcenterrightdel
ຜູ້ແທນເຂົ້າຮ່ວມການພົບປະສັງສັນ. ພາບ: ເລຮວານ

ໃນໄລຍະຜ່ານມາ, ໂຮງໝໍເສນາຮັກ 175 ໄດ້ຍົກສູງຄວາມຮັບຜິດຊອບ ແລະເສີມຂະຫຍາຍດ້ານວິຊາການເປັນຢ່າງດີເພື່ອເບິ່ງແຍງດູແລຮອບດ້ານ ແລະປົກປັກຮັກສາສຸຂະພາບໃຫ້ພະນັກງານຂັ້ນສູງຂອງພັກ, ລັດ ແລະກອງທັບ. ທີ່ການພົບປະ, ບັນດາຜູ້ແທນໄດ້ສະແດງຄວາມປິຕິຊົມຊື່ນຕໍ່ການພັດທະນາຢ່າງແຂງແຮງຂອງໂຮງໝໍ, ໂດຍສະເພາະແມ່ນບັນລຸໄດ້ຫຼາຍບາດກ້າວໃໝ່ດ້ານວິຊາການ, ເປັນເຈົ້າການເຕັກນິກສູງ ແລະເຕີບໂຕຢ່າງແຂງແຮງກ່ຽວກັບໝາກຜົນການຮັບພະຍາບານສຸກເສີນ, ປິ່ນປົວ ແລະກໍ່ສ້າງພື້ນຖານວັດຖຸນັບມື້ນັບກວ້າງຂວາງ ແລະງາມຕາ, ທັນສະໄໝ. ບັນດາຜູ້ແທນສະແດງຄວາມປິຕິຊົມຊື່ນເມື່ອລັດຖະບານຫາກໍ່ວາງແຜນໂຮງໝໍເສນາຮັກ 175 ແມ່ນໜຶ່ງໃນ 6 ໂຮງໝໍໃນທົ່ວປະເທດໄດ້ຮັບບຸລິມະສິດລົງທຶນຍົກລະດັບເທົ່າທຽມກັບລະດັບສາກົນ, ແມ່ນພື້ນຖານເພື່ອໃຫ້ໂຮງໝໍພັດທະນາ, ຢືນຢັນຖານະບົດບາດ, ອິດທິພົນຊື່ສຽງ, ຍາມໃດກໍ່ແມ່ນສະຖານທີ່ໄວ້ເນື້ອເຊື່ອໃຈໃນການເບິ່ງແຍງດຸແລສຸຂະພາບໃຫ້ທະຫານ ແລະປະຊາຊົນ.

ໂດຍ: ໄຊນີດາ