ໃນເວລາຮໍ່າຮຽນ, ຖັນແຖວນັກສໍາມະນາກອນ ໄດ້ຄົ້ນຄວ້າບັນດາເນື້ອໃນ, ຄື: ທິດສະດີມາກ-ເລນິນ, ແນວຄິດ ໂຮ່ຈີມິນ ກ່ຽວກັບວຽກງານພັກ ແລະການກໍ່ສ້າງພັກ; ພັກກອມມູນິດຫວຽດນາມ ນໍາພາກອງທັບປະຊາຊົນຫວຽດນາມ; ສະກັດກັ້ນ ແລະຕ້ານຍຸດທະສາດ “ຫັນປ່ຽນໂດຍສັນຕິ”, ການຈະລາຈົນໂຄ່ນລົ້ມຂອງອິດທິກໍາລັງປໍລະປັກ; ມູນເຊືື້ອສາມັກຄີ ຫວຽດນາມ-ລາວ-ກໍາປູເຈຍ; ຍຸດທະສາດຂອງບາງປະເທດທີ່ກ່ຽວຂ້ອງກັບການປ້ອງກັນຊາດ, ປ້ອງກັນຄວາມສະຫງົບ ຢູ່ພາກພື້ນ ແລະລາວ; ການກໍ່ສ້າງ ແລະການເຄື່ອນໄຫວຂອງເຂດປ້ອງກັນແຂວງ, ນະຄອນ...
    |
 |
|
ບັນດາຜູ້ແທນ ເຂົ້າຮ່ວມພິທີປິດ. ພາບ: qdnd.vn |
ນອກຈາກນີ້, ນັກສໍາມະນາກອນ ຍັງໄດ້ຄົ້ນຄວ້າ, ໄປທັດສະນະສຶກສາຕົວຈິງຢູ່ໂຮງຮຽນນາຍທະຫານລົດຕັງຍານເກາະ (ເຫຼົ່າຮົບລົດຕັງຍານເກາະ) ແລະຢ້ຽມຊົມງານວາງສະແດງປ້ອງກັນຊາດສາກົນຫວຽດນາມ 2024.
ຜ່ານການຄົ້ນຄວ້າ, ຮໍ່າຮຽນຢູ່ວິທະຍາຄານປ້ອງກັນຊາດຫວຽດນາມ ແລະໄປທັດສະນະສຶກສາຕົວຈິງ, ຖັນແຖວນັກສໍາມະນາກອນ ໄດ້ຝຶກຝົນຫຼໍ່ຫຼອມກ່ຽວກັບລະບົບຄວາມຮູ້ພື້ນຖານ, ລົງເລິກ, ອັບເດດສະພາບຕົວຈິງ, ຜ່ານນັ້ນປະກອບສ່ວນຍົກສູງກໍາລັງຄວາມສາມາດນໍາພາ, ບັນຊາ, ຄົ້ນຄວ້າວິທະຍາສາດຢູ່ຂັ້ນບັ້ນຮົບ, ຍຸດທະສາດ, ພ້ອມທັງເຂົ້າໃຈເລິກເຊິ່ງກວ່າກ່ຽວກັບປະເທດ, ມູນເຊື້ອວັດທະນະທໍາ, ຄົນ ແລະສິລະປະຍຸດການທະຫານ ຫວຽດນາມ; ພິເສດແມ່ນນະໂຍບາຍການຕ່າງປະເທດຂອງພັກ, ລັດຫວຽດນາມ.
|
|
 |
|
ທ່ານພົນຕີ ຮສຈ.ປອ ໂງຈ້ອງເກື່ອງ ກ່າວຄໍາເຫັນທີ່ພິທີປິດ. ພາບ: qdnd.vn |
ກ່າວຄໍາເຫັນທີ່ພິທີປິດ, ທ່ານພົນຕີ ຮສຈ.ປອ ໂງຈ້ອງເກື່ອງ ຮອງຜູ້ອໍານວຍການວິທະຍາຄານປ້ອງກັນຊາດຫວຽດນາມ ຕີລາຄາວ່າ ຜ່ານການຮໍ່າຮຽນ, ຄົ້ນຄວ້າ, ດ້ວຍຄວາມຮັບຜິດຊອບສູງຂອງພະນັກງານ, ຄູອາຈານ, ນັກບັນລະຍາຍ ແລະຖັນແຖວນັກສໍາມະນາກອນ, ຊຸດຝຶດອົບຮົມໄລຍະສັ້ນໃຫ້ຄູອາຈານບັນຊາ-ເສນາຂັ້ນບັ້ນຮົບ, ຍຸດທະສາດກອງທັບປະຊາຊົນ ລາວ ຊຸດທີ 11 ໄດ້ສໍາເລັດຕາມເນື້ອໃນ, ແຜນການທີ່ວາງອອກ.
ຕາງໜ້າຄະນະພັກ, ຄະນະອໍານວຍການວິທະຍາຄານປ້ອງກັນຊາດຫວຽດນາມ, ທ່ານພົນຕີ ຮສຈ.ປອ ໂງຈ້ອງເກື່ອງ ສະເໜີໃຫ້ບັນດາສະຫາຍນັກສໍາມະນາກອນ ໝູນໃຊ້ຄວາມຮູ້, ບົດຮຽນທີ່ໄດ້ຮັບເອົາໃນຊຸດຝຶກອົບຮົມ ຄັ້ງນີ້ເຂົ້າໃນການຍົກສູງຄຸນນະພາບການສຶກສາ-ກໍ່ສ້າງ, ການຄຸ້ມຄອງ, ກໍ່ສ້າງກອງທັບປະຊາຊົນ ລາວ ໃຫ້ນັບມື້ນັບເປັນກໍາລັງຫຼວງ, ທັນສະໄໝ.
|
|
 |
|
ທ່ານພົນຕີ ໂດ໋ວັນແບ້ງ, ຫົວໜ້າການເມືອງວິທະຍາຄານປ້ອງກັນຊາດ ມອບໃບຢັ້ງຢືນສໍາເລັດການຝຶກອົບຮົມໃຫ້ແກ່ນັກສໍາມະນາກອນ. ພາບ: qdnd.vn |
|
|
 |
|
ມອບໃບຍ້ອງຍໍໃຫ້ບຸກຄົນທີ່ມີຜົນງານດີເດັ່ນໃນຊຸດຝຶກອົບຮົມ. ພາບ: qdnd.vn |
ຄຽງຂ້າງນັ້ນ, ບັນດາສະຫາຍນັກສໍາມະນາກອນ ສືບຕໍ່ມີການປະກອບສ່ວນຕັ້ງໜ້າເຂົ້າໃນການພັດທະນາການພົວພັນມິດຕະພາບ, ຄວາມສາມັກຄີພິເສດ ແລະການຮ່ວມມືຮອບດ້ານລະຫວ່າງສອງພັກ, ສອງລັດ, ປະຊາຊົນ ແລະກອງທັບສອງປະເທດຫວຽດນາມ-ລາວ, ປະກອບສ່ວນປັບປຸງ ແລະຮັກສາສັນຕິພາບ, ສະຖຽນລະພາບຢູ່ພາກພື້ນ ແລະໃນໂລກ.
|
|
 |
|
ຄະນະອໍານວຍການວິທະຍາຄານປ້ອງກັນຊາດ ຖ່າຍຮູບເປັນທີ່ລະນຶກກັບນັກສໍາມະນາກອນກອງທັບປະຊາຊົນລາວ. ພາບ: qdnd.vn |
ໃນໄລຍະຜ່ານມາ, ກອງທັບປະຊາຊົນຫວຽດນາມ ເວົ້າລວມ, ເວົ້າສະເພາະແມ່ນວິທະຍາຄານປ້ອງກັນຊາດຫວຽດນາມ ໄດ້ ແລະພວມກໍ່ສ້າງບໍາລຸງພະນັກງານຂອງກອງທັບປະຊາຊົນ ລາວ ໃນບັນດາຂົງເຂດທີ່ແຕກຕ່າງກັນ ດ້ວຍຂະໜາດທີ່ນັບມື້ນັບເປີດກວ້າງ. ວິທະຍາຄານປ້ອງກັນຊາດຫວຽດນາມ ໄດ້ກໍ່ສ້າງພະນັກງານຊັ້ນກາງ, ຊັ້ນສູງກອງທັບປະຊາຊົນ ລາວ ມາແລ້ວ 73 ຊຸດ ມີນັກສຳມະນາກອນເກືອບ 600 ສະຫາຍ, ໃນນັ້ນ 17 ຊຸດ ແມ່ນລະດັບປະລິນຍາເອກການທະຫານ ມີ 36 ສະຫາຍ; 27 ຊຸດ ແມ່ນລະດັບປະລິນຍາໂທວິທະຍາສາດການທະຫານ ມີ 106 ສະຫາຍ.
ໂດຍ: ໄຊຊະນະ