ເຮັດວຽກງານກະກຽມໃຫ້ດີ, ຈັດຕັ້ງກອງປະຊຸມໃຫຍ່ພັກທຸກຂັ້ນໃນອົງຄະນະພັກກອງທັບ ໃຫ້ປະສົບຜົນສໍາເລັດ

ທ່ານພົນເອກ ຟານວັນຢາງ ລັດຖະມົນຕີກະຊວງປ້ອງກັນປະເທດຫວຽດນາມ ເປັນປະທານກອງປະຊຸມ. ພາບ: ຖາຍຮືງ

ກ່າວຄຳເຫັນໄຂກອງປະຊຸມ, ທ່ານພົນເອກ ຟານວັນຢາງ ເນັ້ນໜັກວ່າ ກອງປະຊຸມໃຫຍ່ພັກທຸກຂັ້ນອາຍຸການ 2025-2030 ເພື່ອກ້າວໄປເຖິງກອງປະຊຸມໃຫຍ່ຄັ້ງທີ XIV ຂອງພັກ ແມ່ນບັ້ນດໍາເນີນຊີວິດການເມືອງຢ່າງເລິກເຊິ່ງກວ້າງຂວາງໃນທົ່ວພັກ. ສຳລັບອົງຄະນະພັກກອງທັບ ແລະທົ່ວກອງທັບ, ນີ້ແມ່ນຂີດໝາຍສຳຄັນແຫ່ງການພັດທະນາ, ສືບຕໍ່ຢືນຢັນຄວາມສາມັກຄີ, ເປັນເອກະພາບ, ຄຸນທາດ, ສະຕິປັນຍາ, ມູນເຊື້ອອັນດີງາມຂອງກອງທັບ ຜ່ານໄລຍະ 80 ປີແຫ່ງການກໍ່ສ້າງ, ສູ້ຮົບ, ເຕີບໃຫຍ່ຂະຫຍາຍຕົວພາຍໃຕ້ຄັນທຸງພັກທີ່ສະຫງ່າລາສີ; ສະແດງໃຫ້ເຫັນຄວາມຕັດສິນໃຈປະຕິບັດເປົ້າໝາຍກໍ່ສ້າງກອງທັບປະຕິວັດ, ເປັນກໍາລັງຫຼວງ, ຍອດຢ້ຽມ, ທັນສະໄໝຮອດປີ 2030, ຍາມໃດກໍ່ແມ່ນກຳລັງການເມືອງ, ກໍາລັງສູ້ຮົບທີ່ຈົ່ງຮັກພັກດີ, ໄວ້ເນື້ອເຊື່ອໃຈຂອງພັກ, ລັດ ແລະປະຊາຊົນໃນພາລະກິດສ້າງສາ ແລະປົກປັກຮັກສາປະເທດຊາດຫວຽດນາມສັງຄົມນິຍົມ. ໝາກຜົນກອງປະຊຸມໃຫຍ່ພັກທຸກຂັ້ນໃນທົ່ວກອງທັບແມ່ນປະຖົມປັດໄຈສໍາຄັນຍິ່ງ ເພື່ອຮັບປະກັນຜົນສຳເລັດຂອງກອງປະຊຸມໃຫຍ່ຜູ້ແທນອົງຄະນະພັກກອງທັບຄັ້ງທີ XII ແລະກອງປະຊຸມໃຫຍ່ ຄັ້ງທີ XIV ຂອງພັກ.

ທ່ານພົນເອກ ຟານວັນຢາງ ລັດຖະມົນຕີກະຊວງປ້ອງກັນປະເທດຫວຽດນາມ ກ່າວຄຳເຫັນທີ່ກອງປະຊຸມ. ພາບ: ຖາຍຮືງ

ຜູ້ແທນເຂົ້າຮ່ວມກອງປະຊຸມຢູ່ຈຸດຖ່າຍທອດສູນກາງ. ພາບ: ຖາຍຮືງ

ເພື່ອໃຫ້ກອງປະຊຸມບັນລຸໄດ້ຕາມຈຸດປະສົງ, ຄາດໝາຍ, ຄວາມຮຽກຮ້ອງຕ້ອງການທີ່ໄດ້ວາງອອກ, ທ່ານພົນເອກ ຟານວັນຢາງ ຮຽກຮ້ອງໃຫ້ບັນດາອົງການທີ່ກ່ຽວຂ້ອງຂອງຄະນະພັກການທະຫານສູນກາງ, ກະຊວງປ້ອງກັນປະເທດ, ກົມໃຫຍ່ການເມືອງ, ຄະນະກຳມະການກວດກາຄະນະພັກການທະຫານສູນກາງ ຊາບຊຶມ, ຜັນຂະຫຍາຍບັນດາເນື້ອໃນຄໍາສັ່ງ, ຄຳແນະນໍາຂອງສູນກາງຢ່າງຄົບຖ້ວນ; ຄະນະປະຈຳຄະນະພັກການທະຫານສູນກາງ ແລະກົມໃຫຍ່ການເມືອງ; ຈຸດສຸມແມ່ນບັນຫາໃໝ່ເມື່ອທຽບໃສ່ອາຍຸການທີ່ຜ່ານມາ, ບັນຫາສຳຄັນຂອງເອກະສານເພື່ອໃຫ້ຄະນະພັກ, ອົງການຈັດຕັ້ງພັກໃນທົ່ວກອງທັບຊາບຊຶມ, ຜັນຂະຫຍາຍປະຕິບັດ, ເປັນຕົ້ນແມ່ນບັນຫາທີ່ມີລັກສະນະຫຼັກການ, ກ່ຽວກັບຄວາມຮຽກຮ້ອງຕ້ອງການຂອງກອງປະຊຸມໃຫຍ່; ສ້າງຄວາມສາມັກຄີ, ຄວາມເຫັນດີເປັນເອກະພາບສູງໃນຄະນະພັກ, ອົງການຈັດຕັ້ງພັກ, ອົງການ, ກົມກອງ...

ໂດຍ: ທະນາພອນ