    |
 |
|
ທ່ານພົນເອກ ຟານວັນຢາງ ລັດຖະມົນຕີກະຊວງປ້ອງກັນປະເທດຫວຽດນາມ ມອບດອກໄມ້ອວຍພອນທ່ານພົນຕີ ເຈິ່ນກົງຈີ໊ງ, ຫົວໜ້າກົມໃຫຍ່ II. ພາບ: ຫວຽດຈູງ |
ໂດຍປະຕິບັດຕາມການຕົກລົງຂອງນາຍົກລັດຖະມົນຕີ, ກະຊວງປ້ອງກັນປະເທດ ກ່ຽວກັບວຽກງານພະນັກງານ ແລະຄໍາເຫັນຊີ້ນຳຂອງຄະນະປະຈໍາຄະນະພັກການທະຫານສູນກາງ, ທີ່ກອງປະຊຸມ, ທ່ານພົນຕີ ຟ້າມງອັກຮຸ່ງ ໄດ້ມອບ-ຮັບໜ້າທີ່ຫົວໜ້າກົມໃຫຍ່ II ໃຫ້ທ່ານພົນຕີ ເຈິ່ນກົງຈີ໊ງ, ຫົວໜ້າການເມືອງກົມໃຫຍ່ II.
ກ່າວຄຳເຫັນຊີ້ນໍາກອງປະຊຸມ, ທ່ານລັດຖະມົນຕີ ຟານວັນຢາງ ປາດຖະໜາວ່າ ໃນຖານະຕຳແໜ່ງໃໝ່, ທ່ານພົນຕີ ເຈິ່ນກົງຈີ໊ງ ຈະສູ້ຊົນ, ຝຶກຝົນຫຼໍ່ຫຼອມຢ່າງບໍ່ຢຸດຢັ້ງ, ພ້ອມກັບຄະນະປະຈຳພັກ, ຄະນະພັກ, ຜູ້ບັນຊາການກົມໃຫຍ່ II ຊີ້ນໍາ, ນໍາພາກົມໃຫຍ່ ແລະຂະແໜງສືບຂ່າວປ້ອງກັນຊາດປະຕິບັດສຳເລັດທຸກໜ້າທີ່ທີ່ໄດ້ຮັບມອບໝາຍ, ສົມກັບຄວາມເຊື່ອໝັ້ນ ແລະຮັກແພງຂອງພັກ, ລັດ, ຄະນະພັກການທະຫານສູນກາງ, ກະຊວງປ້ອງກັນປະເທດສະຫງວນໃຫ້ກໍາລັງສືບຂ່າວປ້ອງກັນຊາດຫວຽດນາມ.
|
|
 |
|
ທ່ານພົນເອກ ຟານວັນຢາງ ລັດຖະມົນຕີກະຊວງປ້ອງກັນປະເທດຫວຽດນາມ ລົງນາມຢັ້ງຢືນການມອບ-ຮັບໜ້າທີ່ຫົວໜ້າກົມໃຫຍ່ II. ພາບ: ຫວຽດຈູງ |
ເພື່ອຕອບສະໜອງຄວາມຮຽກຮ້ອງຕ້ອງການຂອງໜ້າທີ່ໃນໄລຍະຈະມາເຖິງໃຫ້ເປັນຢ່າງດີ, ທ່ານພົນເອກ ຟານວັນຢາງ ຮຽກຮ້ອງມາຍັງໜ່ວຍສືບຂ່າວປ້ອງກັນຊາດຕ້ອງເປັນເຈົ້າການກຳແໜ້ນສະພາບການ, ຍົກສູງຄວາມສາມາດການຄົ້ນຄວ້າ, ຄາດຄະເນຍຸດທະສາດ, ເປັນເສນາທິການຕໍ່ພັກ, ລັດ, ຄະນະພັກການທະຫານສູນກາງ, ກະຊວງປ້ອງກັນປະເທດ ກ່ຽວກັບແຜນນະໂຍບາຍ, ນະໂຍບາຍຮັບມືທີ່ເໝາະສົມ, ປົກປັກຮັກສາປະເທດຊາດໄວ້ຢ່າງໝັ້ນຄົງ ແຕ່ຫົວທີ, ແຕ່ໄກ, ບໍ່ປະໃຫ້ຕົກຢູ່ໃນທ່າຮັບໂດຍບັງເອີນຢ່າງທັນການ; ປະຕິບັດພາລະບົດບາດ, ໜ້າທີ່ສືບຂ່າວຍຸດທະສາດຮອບດ້ານ, ເພີ່ມທະວີປະສິດທິຜົນໃນການເປັນເສນາທິການ, ສະເໜີ, ປະກອບສ່ວນສຳຄັນເຂົ້າໃນການປະຕິບັດເປົ້າໝາຍຍຸດທະສາດຂອງພັກ, ລັດ ແລະກອງທັບ.
ພ້ອມທັງເຊື່ອໝັ້ນວ່າ ຄະນະປະຈຳ, ຄະນະພັກ, ຜູ້ບັນຊາການກົມໃຫຍ່ II ຈະສືບຕໍ່ເສີມຂະຫຍາຍມູນເຊື້ອ, ສາມັກຄີ, ເຫັນດີເປັນເອກະພາບສູງ, ຊີ້ນຳນໍາພາກົມກອງປະຕິບັດສຳເລັດໜ້າທີ່ທີ່ໄດ້ຮັບມອບໝາຍ; ສ້າງກົມໃຫຍ່ໃຫ້ໝັ້ນຄົງເຂັ້ມແຂງຮອບດ້ານເປັນ “ແບບຢ່າງ”; ກໍ່ສ້າງຂະແໜງສືບຂ່າວປ້ອງກັນຊາດໃຫ້ກາຍເປັນກຳລັງການເມືອງທີ່ໄວ້ເນື້ອເຊື່ອໃຈ, ກໍາລັງຕໍ່ສູ້ທີ່ສັດຊື່ຂອງພັກ, ລັດ, ກອງທັບ ແລະປະຊາຊົນ.
ໂດຍ: ເຈິ່ນຮວ່ຽນ