ນໍ້າໃຈທະຫານ ແລະປະຊາຊົນໃນພະຍຸຝົນຕົກ

9 ກັນຍາ 2024 20:26

ກປ.ອອນໄລ - ຕອນເຊົ້າວັນທີ 8 ກັນຍາ, ກອງພົນ 325, ກອງພົນໃຫຍ່ 12, ກອງທັບປະຊາຊົນຫວຽດນາມ ໄດ້ສົ່ງພະນັກງານ, ນັກຮົບ 300 ກວ່າຄົນ ໄປຊ່ວຍປະຊາຊົນຢູ່ເມືອງລຸກງ້ານ, ແຂວງບັກຢາງ ແກ້ໄຂຜົນຮ້າຍຢ້ອນຫຼັງຈາກພະຍຸເລກທີ 3 ກໍ່ຂຶ້ນ.

ຕາມແຜນການໃນເບື້ອງຕົ້ນ, ຢູ່ເມືອງລຸກງ້ານ, ໂດຍໄດ້ຮັບຂໍ້ມູນຈາກຄະນະຊີ້ນຳປ້ອງກັນ, ຕ້ານໄພທຳມະຊາດ ແລະຊອກຫາກູ້ຊີບກູ້ໄພເມືອງ, ໃນບໍລິເວນເມືອງ ໄດ້ມີເຮືອນຢູ່ຫຼາຍຫຼັງ, ໂຄງການກໍ່ສ້າງຫຼາຍແຫ່ງ ໄດ້ຮັບຜົນສະທ້ອນຈາກພາຍຸລູກທີ 3, ໃນນັ້ນມີ: ເສົາໄຟຟ້າຫັກ 9 ຕົ້ນ; ອາຄານ, ໂຮງຈັກໂຮງງານພັງທະລາຍ 117 ຫຼັງ, ຕົ້ນໄມ້ໃຫຍ່, ຕົ້ນໄມ້ກິນໝາກຫັກ, ລົ້ມຫຼາຍຕົ້ນ.

ຢູ່ບັນດາທ້ອງຖິ່ນຂອງເມືອງລຸກງ້ານ, ພະນັກງານ, ນັກຮົບກອງພົນ 325 ໄດ້ຊ່ວຍເຫຼືອປະຊາຊົນ, ຊ່ວຍເຄື່ອນຍ້າຍຊັບສິນຂອງປະຊາຊົນອອກຈາກເຂດນ້ຳຖ້ວມໄປຢູ່ບ່ອນປອດໄພ. ພະນັກງານ, ນັກຮົບກອງພົນ 325 ທຸກຄົນທີ່ເຂົ້າຮ່ວມປະຕິບັດໜ້າທີ່ຍາມໃດກໍ່ມີຈິດໃຈ ແລະມີຄວາມຮັບຜິດຊອບສູງສຸດ, ຊ່ວຍເຫຼືອປະຊາຊົນໃນບໍລິເວນ ຄື ຊ່ວຍເຫຼືອຄອບຄົວຂອງຕົນເອງ, ເພື່ອແນໃສ່ຫຼຸດຜ່ອນຄວາມເສຍຫາຍໃຫ້ໜ້ອຍສຸດຕໍ່ກັບປະຊາຊົນ ແລະບັນດາທ້ອງຖິ່ນໃນບໍລິເວນທີ່ຕັ້ງທັບ.