ຖັນແຖວພະນັກງານ, ພາລະກອນຍາມໃດກໍ່ຊາບຊຶມ, ປະຕິບັດຕາມການຊີ້ນຳ, ນຳພາຂອງຂັ້ນເທິງຢ່າງເຂັ້ມງວດ; ເປັນເຈົ້າການໃນວຽກງານໂຄສະນາ, ສຶກສາຍົກສູງຄວາມຮັບຮູ້, ຄວາມຮັບຜິດຊອບໃຫ້ທະຫານກ່ຽວກັບທີ່ຕັ້ງ, ບົດບາດຂອງວຽກງານກໍ່ສ້າງທະຫານຫຼວງ ເພື່ອຍົກສູງຄວາມຮັບຜິດຊອບໃນການປະຕິບັດລະບອບລະບຽບການຂອງກົມກອງ.
ພິເສດ, ການເປັນແບບຢ່າງຂອງບັນດາຫົວໜ້າຄະນະພັກ, ຜູ້ບັນຊາແມ່ນໄດ້ຮັບການປະຕິບັດຢ່າງມີປະສິດທິຜົນ, ບົນຈິດໃຈ “ຂັ້ນເທິງເປັນແບບຢ່າງ, ຂັ້ນລຸ່ມປະຕິບັດຕາມ”. ນີ້ແມ່ນພື້ນຖານອັນສຳຄັນ ເພື່ອສ້າງການຫັນປ່ຽນຢ່າງແຂງແຮງໃນການກໍ່ສ້າງກົມກອງຫຼວງ, ຝຶກຝົນຫຼໍ່ຫຼອມລະບຽບວິໄນ. ຄຽງຂ້າງນັ້ນ, ວຽກງານກວດກາ, ຕິດຕາມກວດກາໄດ້ຮັບການດໍາເນີນຢ່າງເປັນປະຈຳ, ມີລະບຽບໄດ້ຊ່ວຍໃຫ້ກົມກອງ ແລະພະນັກງານ-ພາລະກອນ ແຕ່ລະຄົນສາມາດກວດພົບ, ແກ້ໄຂຂໍ້ຈຳກັດຢ່າງທັນການ; ຍ້ອງຍໍຢ່າງທັນການ, ຖືກຕ້ອງ, ໄດ້ສົ່ງເສີມບັນດາໝູ່ຄະນະ, ບຸກຄົນບືນຂຶ້ນໃນການປະຕິບັດໜ້າທີ່ທີ່ໄດ້ຮັບມອບໝາຍ.
    |
 |
|
ພະນັກງານ, ພາລະກອນກອງບັນຊາການທະຫານເມືອງແທັງອວາຍ ຝຶກແອບວິຊາງົດງາມ. ພາບ: ກວາງດົງ |
ເປັນທີ່ໄດ້ຮູ້ແລ້ວວ່າ ໃນໄລຍະຜ່ານມາ, ກອງບັນຊາການທະຫານເມືອງແທັງອວາຍ ຍາມໃດກໍ່ຮັກສາລະບອບລະບຽບການກໍ່ສ້າງທະຫານຫຼວງ, ຝຶກຝົນຫຼໍ່ຫຼອມກົດວິໄນ. ເຖິງວ່າຈະຄາກັບວຽກງານກໍ່ຕາມ, ແຕ່ກອງບັນຊາການທະຫານເມືອງ ຍາມໃດກໍ່ຮັກສາລະບອບປະຊຸມມອບໝາຍວຽກງານ, ອ່ານໜັງສືພິມ, ປະຕິບັດວັນການເມືອງ ແລະວັດທະນະທໍາ, ຈິດໃຈ, ການສຶກສາດ້ານການເມືອງ, ອຸດົມການ, ໂຄສະນາເຜີຍແຜ່, ສຶກສາດ້ານກົດໝາຍ, ຕິດຕາມກວດກາ, ໃຫ້ຄະແນນການແຂ່ງຂັນສໍາລັບໝູ່ຄະນະ, ບຸກຄົນ... ຢ່າງເຂັ້ມງວດ.
ຕາມທ່ານພັນເອກ ເຈີ່ນມິງຕຸ, ຫົວໜ້າການເມືອງກອງບັນຊາການທະຫານເມືອງແທັງອວາຍ ແລ້ວ, ວຽກງານກໍ່ສ້າງທະຫານຫຼວງ, ຝຶກຝົນຫຼໍ່ຫຼອມກົດວິໄນແມ່ນເນື້ອໃນສໍາຄັນ, ຕັດສິນຄຸນນະພາບ, ໝາກຜົນການປະຕິບັດໜ້າທີ່ການເມືອງຂອງກົມກອງ. ສະນັ້ນ, ຄະນະພັກທຸກຂັ້ນໄດ້ສຸມໃສ່ຊີ້ນຳ, ນໍາພາປະຕິບັດຢ່າງເຂັ້ມງວດ, ມີປະສິດທິຜົນ.
ສ່ວນໜ້າທີ່ຝຶກແອບ, ຮັກສາການເຮັດວຽກຖືກຕາມເວລາທີ່ໄດ້ກຳນົດກອງບັນຊາການທະຫານເມືອງໄດ້ປະຕິບັດຢ່າງເຂັ້ມງວດ. ພິເສດແມ່ນໃນການຝຶກອົບຮົມກຳລັງສຳຮອງ, ທະຫານລາດປ້ອງກັນຕົວ, ກອງບັນຊາການທະຫານເມືອງ ຮຽກຮ້ອງໃຫ້ບັນດາກອງບັນຊາການທະຫານບັນດາຕາແສງ, ເທດສະບານ ແລະບັນດາກົມກອງປ້ອງກັນຕົວຮັບປະກັນດ້ານພິທີການ, ກິລິຍາທ່າທາງ, ຮັກສາແບບແຜນຖືກຕາມຄຳສັ່ງ. ກອງບັນຊາການທະຫານເມືອງ ຍັງໄດ້ຈັດພະນັກງານລົງກວດກາເປັນປະຈຳ ແລະບັງເອີນ, ປັບປຸງ, ຖອດຖອນບົດຮຽນຢ່າງທັນການເພື່ອໃຫ້ວຽກງານຝຶກອົບຮົມບັນລຸໄດ້ໝາກຜົນສູງສຸດ.
ທ່ານພັນໂທ ຫງວຽນແທັງເຟືອງ ຢືນຢັນວ່າ: “ການປະຕິບັດວຽກງານກໍ່ສ້າງທະຫານຫຼວງ, ຝຶກຝົນຫຼໍ່ຫຼອມກົດວິໄນຢ່າງເຂັ້ມງວດໃນໄລຍະຜ່ານມາ ຢູ່ກອງບັນຊາການທະຫານເມືອງ ໄດ້ປະກອບສ່ວນກໍ່ສ້າງກົມກອງໃຫ້ໝັ້ນຄົງເຂັ້ມແຂງທຸກດ້ານ “ເປັນແບບຢ່າງ, ພົ້ນເດັ່ນ”, ພະນັກງານ, ພາລະກອນ ຍົກສູງສະຕິ, ຄວາມຮັບຜິດຊອບ, ປະຕິບັດສຳເລັດທຸກໜ້າທີ່ທີ່ໄດ້ຮັບມອບໝາຍເປັນຢ່າງດີ”.
ໂດຍ: ຈາງຫງວຽນ