ຕອນບ່າຍວັນທີ 31 ກໍລະກົດ, ກໍາປັ່ນ 8002 (ແມ່ທັບເຮືອ 21, ຕໍາຫຼວດທະເລເຂດ 2) ທີ່ຂົນສົ່ງຄະນະປະຕິບັດງານຕໍາຫຼວດທະເລ ໂດຍທ່ານພັນເອກ ຮວ່າງກວກດາດ, ຮອງຜູ້ບັນຊາການຕໍາຫຼວດທະຫານເຂດ 2 ເປັນຫົວໜ້າຄະນະໄດ້ເດີນທາງອອກຈາກທ່າກໍາປັ່ນ, ໄປຢ້ຽມຢາມ ແລະພົບປະແລກປ່ຽນກັບກຳລັງປ້ອງກັນຝັ່ງທະເລຟີລິບປິນ, ສົມທົບກັບການຝຶກແອບຊອກຫາກູ້ໄພ, ປ້ອງກັນ ແລະຕ້ານອັກຄີໄພ, ລະເບີດຢູ່ທະເລ.

leftcenterrightdel
ກໍາປັ່ນ 8002 ປະຕິບັດພິທີເຄົາລົບທ່າກໍາປັ່ນ. ພາບ: qdnd.vn

ຕາມແຜນການ, ຄະນະປະຕິບັດງານຕໍາຫຼວດທະເລຫວຽດນາມ ຈະໄປຢ້ຽມຢາມ, ເຂົ້າຢ້ຽມຂໍ່ານັບການນຳກຳລັງປ້ອງກັນຝັ່ງທະເລຟີລິບປິນ; ແຂ່ງຂັນກິລາ; ຢ້ຽມຢາມວັດທະນະທໍາໃນນະຄອນຫຼວງມະນີລາ. ການປະຕິບັດງານປະກອບສ່ວນເພີ່ມທະວີການພົວພັນມິດຕະພາບ, ຄວາມເຂົ້າໃຈ ແລະຄວາມໄວ້ເນື້ອເຊື່ອໃຈເຊິ່ງກັນ ແລະກັນລະຫວ່າງຕໍາຫຼວດທະເລ ຫວຽດນາມ ແລະກຳລັງປ້ອງກັນຝັ່ງທະເລຟີລິບປິນ. ນີ້ກໍ່ແມ່ນໂອກາດເພື່ອໃຫ້ພະນັກງານ, ນັກຮົບຂອງລະຫວ່າງຕໍາຫຼວດທະເລຫວຽດນາມ ແລະກຳລັງປ້ອງກັນຝັ່ງທະເລຟີລິບປິນ ໄດ້ພົບປະແລກປ່ຽນ, ຮ່ຳຮຽນ, ແບ່ງປັນບົດຮຽນໃນການປະຕິບັດໜ້າທີ່, ສົມທົບກັນຝຶກແອບຊອກຫາ, ກູ້ໄພ, ຕ້ານອັກຄີໄພ, ລະເບີດຢູ່ທະເລ, ປະກອບສ່ວນຍົກສູງຄວາມສາມາດເປັນເຈົ້າຂອງຍານພາຫະນະ, ອຸປະກອນເຕັກນິກ ແລະບົດຮຽນປະສົບການຕົວຈິງໃຫ້ພະນັກງານ ແລະນັກຮົບ.

ໂດຍ: ທະນາພອນ