ວິທະຍາຄານການແພດກວດພະຍາດ ແລະມອບເຮືອນແຫ່ງສາຍຈິດມິດໃຈຢູ່ແຂວງນາມດິ້ງ

ການນຳວິທະຍາຄານການແພດ ມອບເຮືອນແຫ່ງສາຍຈິດມິດໃຈໃຫ້ແກ່ຄອບຄົວນະໂຍບາຍໃນບໍລິເວນຕາແສງດ້າຍທັ໊ງ (ວູ້ບ້ານ, ນາມດິ້ງ). ພາບ: ທູຮວ່າຍ

ເຂົ້າຮ່ວມລາຍການຍັງມີພະນັກງານ, ແພດໝໍ 100 ກວ່າຄົນທີ່ມາຈາກໂຮງໝໍກອງທັບ 103 (ວິທະຍາຄານການແພດ), ປະຕິບັດການກວດພະຍາດດ້ວຍອຸປະກອນທີ່ທັນສະໄໝ, ຕອບສະໜອງຄວາມຕ້ອງການໃນການກວດ, ວິເຄາະ ແລະຄົ້ນພົບພະຍາດໂດຍພື້ນຖານໃຫ້ປະຊາຊົນ. ຢູ່ທີ່ນີ້, ຄະນະປະຕິບັດງານໄດ້ຈັດຕັ້ງການກວດພະຍາດ, ແຈກຢາຍຢາໂດຍບໍ່ເສຍຄ່າ, ສະໜອງຢາ ແລະໃຫ້ຄຳປຶກສາຄວາມຮູ້ກ່ຽວກັບການສົ່ງເສີມສຸຂະພາບ,  ການປ້ອງກັນສຸຂະພາບໃຫ້ປະຊາຊົນ 500 ຄົນ.

ເນື່ອງໃນໂອກາດນີ້, ວິທະຍາຄານການແພດ ຍັງສົມທົບກັນມອບຂອງຂວັນ 20 ພູດ ໃຫ້ແກ່ 20 ຄອບຄົວນະໂຍບາຍ ແລະຄອບຄົວທີ່ປະສົບກັບຄວາມຫຍຸ້ງຍາກ; ມອບຄອມພິວເຕີ 2 ຊຸດ ໃຫ້ແກ່ໂຮງຮຽນປະຖົມ ແລະໂຮງຮຽນມັດທະຍົມຕອນຕົ້ນດ້າຍທັ໊ງ; ມອບລົດຖີບ 15 ຄັນໃຫ້ນັກຮຽນທຸກຍາກ 15 ຄົນທີ່ຜ່ານຜ່າຄວາມຫຍຸ້ງຍາກ; ມອບເງິນຈຳນວນ 20 ລ້ານດົ່ງ ເພື່ອໜູນຊ່ວຍການກໍ່ສ້າງເຮືອນຢູ່ໃຫ້ແກ່ນັກຮົບດ້ຽນບຽນ ເຈິ່ນຊວນລານ. ວິທະຍາຄານ ຍັງມອບເຮືອນແຫ່ງສາຍຈິດມິດໃຈ 2 ຫຼັງໃຫ້ຄອບຄົວນະໂຍບາຍຂອງຕາແສງດ້າຍທັ໊ງ.

ໂດຍ: ເຈິ່ນຮວ່ຽນ