ຊຸກຍູ້ການພັດທະນາ ແລະຍົກສູງບົດບາດຂອງອາຊີ ໃນອະນາຄົດຢ່າງບໍ່ຢຸດຢັ້ງ
ກປ.ອອນໄລ - ຕອນເຊົ້າວັນທີ 23 ພຶດສະພາ, ຢູ່ນະຄອນຫຼວງໂຕກຽວ, ປະເທດ ຍີ່ປຸ່ນ, ໂດຍໄດ້ຮັບຄຳເຊີນຂອງທ່ານ Tsuyoshi Hasebe ປະທານ ທັງເປັນຜູ້ອຳນວຍການໃຫຍ່ກຸ່ມບໍລິສັດ Nikkei, ທ່ານ ເລມີງຄາຍ ຮອງນາຍົກລັດຖະມົນຕີຫວຽດນາມ ໄດ້ເຂົ້າຮ່ວມ ແລະກ່າວຄຳເຫັນສຳຄັນທີ່ກອງປະຊຸມອະນາຄົດອາຊີ ຄັ້ງທີ 29 ດ້ວຍຫົວຂໍ້ “ບົດບາດການນຳພາຂອງອາຊີໃນໂລກທີ່ບໍ່ແນ່ນອນ”.
ແບ່ງປັນກ່ຽວກັບບົດບາດ ແລະຄວາມສາມາດບົ່ມຊ້ອນຂອງອາຊີ, ທ່ານ ເລມິງຄາຍ ຮອງນາຍົກລັດຖະມົນຕີ ຕີລາຄາວ່າ ອາຊີ ຍັງແມ່ນພາກພື້ນທີ່ມີການເຕີບໂຕຢ່າງຂະຫຍັນຂັນເຄື່ອນ ແລະໝັ້ນຄົງ. ພາຍຫຼັງວິກິດການແຕ່ລະຄັ້ງໃນ 3 ທົດສະວັດຜ່ານມາ, ອາຊີ ລ້ວນແຕ່ຜ່ານຜ່າຄວາມຫຍຸ້ງຍາກ, ແກ້ໄຂສິ່ງທ້າທາຍ, ກ້າວຂຶ້ນຢ່າງແຂງແຮງກວ່າ ແລະກາຍເປັນແບບຢ່າງແຫ່ງການພັດທະນາຢ່າງແທ້ຈິງດ້ວຍບັນດາຜູ້ນໍາໜ້າ, ນໍາພາໃນຫຼາຍຂົງເຂດໃໝ່.
|
|
ທ່ານ ເລມິງຄາຍ ຮອງນາຍົກລັດຖະມົນຕີຫວຽດນາມ ກ່າວຄຳເຫັນທີ່ກອງປະຊຸມອະນາຄົດອາຊີ ຄັ້ງທີ 29. ພາບ: ກະຊວງການຕ່າງປະເທດ |
ທ່ານຮອງນາຍົກລັດຖະມົນຕີ ເລມິງຄາຍ ໄດ້ເນັ້ນໜັກເຖິງສານຫວຽດນາມ ທີ່ໃຫ້ຄຳໝັ້ນສັນຍາສ້າງເງື່ອນໄຂສະດວກ, ປົກປ້ອງສິດ, ຜົນປະໂຫຍດອັນຊອບທຳ ແລະຖືກຕ້ອງຕາມກົດໝາຍຂອງບັນດາວິສາຫະກິດ, ຢຶດໝັ້ນຕໍ່ເປົ້າໝາຍມະຫາພາກມີສະຖຽນລະພາບ, ຢືນຢັນຮັບປະກັນການສະໜອງໄຟຟ້າຢ່າງພຽງພໍໃຫ້ແກ່ການຜະລິດ ແລະດໍາເນີນທຸລະກິດທີ່ກ່ຽວຂ້ອງກັບການຫັນປ່ຽນພະລັງງານຢ່າງຍຸດຕິທໍາ ແລະການຫຼຸດຜ່ອນການປ່ອຍອາຍພິດ. ລັດຖະບານຫວຽດນາມ ຍາມໃດກໍ່ຈະພ້ອມກັບບັນດານັກລົງທຶນໃນໄລຍະທາງທີ່ຈະມາເຖິງນີ້ ເພື່ອພ້ອມກັນແກ້ໄຂສິ່ງທ້າທາຍ, ຫັນຄວາມສ່ຽງເປັນກາລະໂອກາດ, ພັດທະນາຮ່ວມກັນໂດຍໄວ ແລະຍືນຍົງ. ບົນພື້ນຖານການພົວພັນ “ຄູ່ຮ່ວມມືຍຸດທະສາດຮອບດ້ານເພື່ອສັນຕິພາບ ແລະວັດທະນາຖາວອນຢູ່ອາຊີ ແລະໂລກ” ລະຫວ່າງຫວຽດນາມ ແລະຍີ່ປຸ່ນ, ທ່ານຮອງນາຍົກລັດຖະມົນຕີ ສະເໜີໃຫ້ປະຊາຄົມວິສາຫະກິດສອງປະເທດຕັ້ງໜ້າຂຸດຄົ້ນກອບການພົວພັນກັບຄູ່ຮ່ວມມືໃໝ່, ຍູ້ແຮງການຮ່ວມສຳພັນເສດຖະກິດ, ການຮ່ວມມືຮັບປະກັນຄວາມໝັ້ນຄົງທາງເສດຖະກິດ ແລະການສ້າງຕ່ອງໂສ້ການສະໜອງທີ່ໝັ້ນຄົງ.
ໂດຍ: ຈາງຫງວຽນ