ສຸມໃສ່ນຳພາ ເພື່ອຍົກສູງຄຸນນະພາບເຕັກນິກ
ກປ.ອອນໄລ - ໂດຍເປັນກຳລັງທີ່ໄດ້ຮັບບຸລິມະສິດໃນການກໍ່ສ້າງກ້າວໄປສູ່ທັນສະໄໝ, ຊາບຊຶມ, ປະຕິບັດນະໂຍບາຍຂອງພັກ, ລັດ, ຄະນະພັກການທະຫານສູນກາງ, ກະຊວງປ້ອງກັນປະເທດ, ໃນໄລຍະຜ່ານມາ, ຄະນະພັກ, ກອງບັນຊາການເຫຼົ່າທັບປ້ອງກັນອາກາດ - ທະຫານອາກາດ ໄດ້ສຸມໃສ່ຊີ້ນຳ, ນຳພາຜັນຂະຫຍາຍວຽກງານດ້ານຕ່າງໆຢ່າງຮອບດ້ານ; ໃນນັ້ນ ຫຼັກແຫຼ່ງແມ່ນຂະແໜງເຕັກນິກໄດ້ຜັນຂະຫຍາຍວຽກງານຮອບດ້ານ, ບັນລຸໄດ້ໝາກຜົນສໍາຄັນ.
ຕາມນັ້ນແລ້ວ, ບັນດາອົງການ, ກົມກອງໄດ້ຜັນຂະຫຍາຍ, ປະຕິບັດໜ້າທີ່ເຕັກນິກເປັນຢ່າງດີ, ຮັບປະກັນອຸປະກອນເຕັກນິກຢ່າງຄົບຖ້ວນ ແລະທັນການໃຫ້ແກ່ການຝຶກຊ້ອມ, ກຽມພ້ອມສູ້ຮົບ, ຄຸ້ມຄອງ, ບໍລິຫານໃນການບິນ ແລະບັນດາໜ້າທີ່ທີ່ເກີດຂຶ້ນກະທັນຫັນ. ຄວາມຮັບຮູ້ ແລະຄວາມຮັບຜິດຊອບຂອງທະຫານຕໍ່ວຽກງານເຕັກນິກ ແລະຄວາມສາມາດໃນການເປັນເສນາທິການ, ການຊີ້ນຳຂອງບັນດາອົງການເຕັກນິກທຸກຂັ້ນໄດ້ຮັບການຍົກສູງຂຶ້ນ. ການເຄື່ອນໄຫວວຽກງານດ້ານເຕັກນິກມີຫົວຄິດປະດິດສ້າງ, ມີການປ່ຽນແປງໃໝ່ຫຼາຍຢ່າງ; ບັນດາລາຍການ, ເປົ້າໝາຍ, ຄາດໝາຍຕໍ່ກັບວຽກງານເຕັກນິກຂັ້ນສາມາດບັນລຸໄດ້ໂດຍພື້ນຖານ ແລະລື່ນກາຍແຜນການທີ່ໄດ້ວາງອອກ.
ການຄົ້ນຄວ້າວິທະຍາສາດ, ການບໍາລຸງສ້າງ, ການຝຶກແອບດ້ານເຕັກນິກໄດ້ຖືເປັນສໍາຄັນ ແລະບັນລຸໄດ້ໝາກຜົນທີ່ດີ. ລະບົບໂຮງງານ, ຮາກຖານໄດ້ຮັບປະກັນດ້ານເຕັກນິກ, ສາງເກັບມ້ຽນໄດ້ຮັບການວາງແຜນ, ລົງທຶນກໍ່ສ້າງ, ຍົກລະດັບ ແລະຫັນເປັນທັນສະໄໝເທື່ອລະກ້າວ.
ເຫຼົ່າທັບໄດ້ມີບາດກ້າວເດີນຢ່າງໃຫຍ່ຫຼວງໃນການປັບປຸງ ແລະຍົກລະດັບຫັນອຸປະກອນເຕັກນິກທີ່ມີຢູ່ແລ້ວໃຫ້ເປັນທັນສະໄໝ; ໃນເບື້ອງຕົ້ນແມ່ນເປັນເຈົ້າຂອງ ເພື່ອຮັບປະກັນດ້ານເຕັກນິກໃຫ້ແກ່ວັດຖຸອຸປະກອນເຕັກນິກລຸ້ນໃໝ່, ນໍາໃຊ້ເຕັກໂນໂລຊີສູງ. ໃນໄລຍະຈະມາເຖິງ, ໜ້າທີ່ກໍ່ສ້າງກອງທັບ, ປັບປຸງການປ້ອງກັນຊາດ, ປົກປັກຮັກສາປະເທດຊາດໃຫ້ມີການພັດທະນາໃໝ່. ເຫຼົ່າທັບໄດ້ກໍານົດສືບຕໍ່ຍູ້ແຮງການກໍ່ສ້າງໃຫ້ຍອດຢ້ຽມ, ກະທັດຮັດ, ເຂັ້ມແຂງ, ທັກສະໄໝ ແລະຜັນຂະຫຍາຍຫຼາຍໜ້າທີ່ໃຫຍ່ ແລະສຳຄັນ.
ໂດຍ: ໄຊນີດາ