ກົມໃຫຍ່ພະລາທິການ ແລະວິທະຍາຄານການແພດ ກວດພະຍາດໃຫ້ແກ່ປະຊາຊົນຢູ່ ດ້ຽນບຽນ
ກປ.ອອນໄລ - ວັນທີ 20 ເມສາ, ເນື່ອງໃນໂອກາດສະເຫຼີມສະຫຼອງ 70 ປີແຫ່ງວັນໄຊຊະນະດ້ຽນບຽນຝູ (7-5-1954 / 7-5-2024), ພ້ອມທັງປະຕິບັດລາຍການ “ການເຄື່ອນໄຫວມະນຸດສະທໍາ-ເພື່ອຄວາມຮັກແພງ”, ກົມໃຫຍ່ພະລາທິການ ແລະ ວິທະຍາຄານການແພດ ໄດ້ສົມທົບກັບສູນກາງສະພາກາແດງຫວຽດນາມ ຈັດຕັ້ງການກວດພະຍາດ, ໃຫ້ຄຳປຶກສາສຸຂະພາບ, ແຈກຢາຍຢາໃຫ້ແກ່ປະຊາຊົນບັນດາຕາແສງຄື: ນ່າເຕົ໊າ, ເມື່ອງຟັງ (ນະຄອນດ້ຽນບຽນຝູ), ຕາແສງແກວລົມ, ເມືອງດ້ຽນບຽນດົງ, ແຂວງດ້ຽນບຽນ.
|
|
ແພດໝໍກວດພະຍາດໃຫ້ແກ່ພໍ່ແມ່ປະຊາຊົນຢູ່ຕາແສງແກວລົມ, ເມືອງດ້ຽນບຽນດົງ, ແຂວງດ້ຽນບຽນ. ພາບ: ຮົ່ງແສ໊ງ-ຮວ່າງເຈື່ອງ |
ຄະນະປະຕິບັດງານຂອງກົມໃຫຍ່ພະລາທິການ ລວມມີ ແພດໝໍຈາກວິທະຍາຄານແພດສາດກໍາມັນຕະພາບລັງສີ ແລະມະເຮັງກອງທັບ, ວິທະຍາຄານແພດສາດສໍາຮອງກອງທັບ, ກົມເສນາຮັກ, ໂຮງໝໍກອງທັບ 354. ຄະນະປະຕິບັດງານຂອງວິທະຍາຄານການແພດລວມທັງແພດໝໍທີ່ມາຈາກໂຮງໝໍກອງທັບ 103.
ໃນລາຍການກວດພະຍາດ, ໃຫ້ຄຳປຶກສາສຸຂະພາບໃຫ້ແກ່ປະຊາຊົນ, ຄະນະປະຕິບັດງານຂອງກົມໃຫຍ່ພະລາທິການໄດ້ກວດພະຍາດ, ໃຫ້ຄຳປຶກສາສຸຂະພາບ ແລະແຈກຢາຍຢາໂດຍບໍ່ເສຍຄ່າໃຫ້ແກ່ປະຊາຊົນ 1.250 ເທື່ອຄົນດ້ວຍຍອດມູນຄ່າເກືອບ 300 ລ້ານດົ່ງ. ຄະນະປະຕິບັດງານຂອງວິທະຍາຄານການແພດໄດ້ກວດພະຍາດ, ໃຫ້ຄຳປຶກສາສຸຂະພາບ ແລະແຈກຢາຍຢາໂດຍບໍ່ເສຍຄ່າໃຫ້ແກ່ປະຊາຊົນເກືອບ 600 ເທື່ອຄົນ, ພ້ອມທັງມອບຂອງຂວັນ 20 ພູດໃຫ້ຄອບຄົວນະໂຍບາຍ ແລະຜູ້ທີ່ມີຄຸນງາມຄວາມດີຕໍ່ການປະຕິວັດ.
ໂດຍ: ເຈິ່ນຮວ່ຽນ