ຢູ່ສະຖານທີ່ໄປກວດກາ ແລະຢ້ຽມຢາມແຫ່ງຕ່າງໆ, ຄະນະປະຕິບັດງານຂອງກົມໃຫຍ່ການເມືອງ ໄດ້ໄປກວດກາ, ຢ້ຽມຢາມໂຄງການກໍ່ສ້າງດ້ານວັດທະນະທຳ, ບ່ອນກິນຢູ່ພັກເຊົາ, ຮ່ຳຮຽນ ແລະເຮັດວຽກຂອງທະຫານ; ຈັດຕັ້ງພິທີຖະຫວາຍທູບທຽນອາໄລຫາບັນດານັກຮົບວິລະຊົນທີ່ເສຍສະຫຼະຊີວິດເພື່ອຊາດ ເພື່ອພາລະກິດປົກປັກຮັກສາອະທິປະໄຕທະເລ, ໝູ່ເກາະ, ໄຫຼ່ທະວີບອັນສັກກາລະບູຊາຂອງປະເທດຊາດ.
![left](/image/images/left.png) ![center](/image/images/center.png) ![right](/image/images/right.png) ![del](/images/red-error_16px.gif) |
![](https://file3.qdnd.vn/data/images/26/2024/04/20/upload_2121/20042024-tt08-01.jpg?dpi=150&quality=100&w=500) |
ບັນດາຜູ້ແທນ ຖ່າຍຮູບຢູ່ຫຼັກໝາຍອະທິປະໄຕ ເກາະເຈື່ອງຊາດົງ. ພາບ: qdnd.vn |
ຄະນະປະຕິບັດງານ ຍັງໄດ້ມອບຂອງຂວັນນັບຮ້ອຍພູດ ຂອງກະຊວງປ້ອງກັນປະເທດ, ກົມໃຫຍ່ການເມືອງກອງທັບປະຊາຊົນຫວຽດນາມ; ບັນດາອົງການ, ກົມກອງໃຫ້ແກ່ທະຫານ ແລະ ປະຊາຊົນຢູ່ໝູ່ເກາະ ເຈື່ອງຊາ ແລະ ຮ້ານເວນຍາມ DK1.
ຄະນະປະຕິບັດງານໄດ້ດໍາເນີນການກວດກາວຽກງານການຝຶກແອບ, ການກຽມພ້ອມສູ້ຮົບ; ໝາກຜົນແຫ່ງການຜັນຂະຫຍາຍການເຄື່ອນໄຫວວຽກງານພັກ, ວຽກງານການເມືອງ, ວຽກງານຮັບປະກັນດ້ານພະລາທິການ, ເຕັກນິກ, ການເບິ່ງແຍງດູແລຊີວິດທາງດ້ານວັດຖຸ ແລະຈິດໃຈ, ການພັດທະນາເສດຖະກິດ, ສັງຄົມຂອງທະຫານ ແລະ ປະຊາຊົນຢູ່ໝູ່ເກາະ ເຈື່ອງຊາ, ຮ້ານເວນຍາມ DK1.
![left](/image/images/left.png) ![center](/image/images/center.png) ![right](/image/images/right.png) ![del](/images/red-error_16px.gif) |
![](https://file3.qdnd.vn/data/images/26/2024/04/20/upload_2121/20042024-tt08-02.jpg?dpi=150&quality=100&w=500) |
ຄະນະປະຕິບັດງານ ອາໄລຫາບັນດາວິລະຊົນນັກຮົບເສຍສະຫຼະຊີວິດເພື່ອຊາດ ຢູ່ເຂດໝູ່ເກາະເຈື່ອງຊາ. ພາບ: qdnd.vn |
ກ່າວຄຳເຫັນທີ່ການເຮັດວຽກກັບຄະນະພັກ, ຜູ້ບັນຊາການບັນດາເກາະທີ່ຂຶ້ນກັບໝູ່ເກາະ ເຈື່ອງຊາ ແລະ ຮ້ານເວນຍາມ DK1, ທ່ານພົນຕີ ເລກວາງມິງ ໄດ້ຕີລາຄາສູງຕໍ່ຄວາມມານະພະຍາຍາມຜ່ານຜ່າຄວາມຫຍຸ້ງຍາກລຳບາກ ແລະ ຍ້ອງຍໍຊົມເຊີຍໝາກຜົນ, ຜົນງານທີ່ທະຫານ ແລະ ປະຊາຊົນຢູ່ທີ່ນີ້ບັນລຸໄດ້ໃນການຝຶກແອບ, ກຽມພ້ອມສູ້ຮົບ, ພັດທະນາເສດຖະກິດ, ວັດທະນະທໍາ, ສັງຄົມ.
![left](/image/images/left.png) ![center](/image/images/center.png) ![right](/image/images/right.png) ![del](/images/red-error_16px.gif) |
![](https://file3.qdnd.vn/data/images/26/2024/04/20/upload_2121/20042024-tt08-03.jpg?dpi=150&quality=100&w=500) |
ທ່ານພົນຕີ ເລກວາງມິງ ພ້ອມດ້ວຍຄະນະປະຕິບັດງານ ຢ້ຽມຢາມ ແລະກວດກາ ຢູ່ເກາະ ນາມອຽດ. ພາບ: qdnd.vn |
![left](/image/images/left.png) ![center](/image/images/center.png) ![right](/image/images/right.png) ![del](/images/red-error_16px.gif) |
![](https://file3.qdnd.vn/data/images/26/2024/04/20/upload_2121/20042024-tt08-04.jpg?dpi=150&quality=100&w=500) |
ທ່ານພົນຕີ ເລກວາງມິງ ພ້ອມດ້ວຍບັນດາຜູ້ແທນ ປູກຕົ້ນໄມ້ຢູ່ເກາະ ອານບາງ. ພາບ: qdnd.vn |
![left](/image/images/left.png) ![center](/image/images/center.png) ![right](/image/images/right.png) ![del](/images/red-error_16px.gif) |
![](https://file3.qdnd.vn/data/images/26/2024/04/20/upload_2121/20042024-tt08-05.jpg?dpi=150&quality=100&w=500) |
ນັກຮົບທະຫານເຮືອ ເວນຍາມ ຢູ່ຫຼັກໝາຍອະທິປະໄຕ ເກາະຕົກຕານ B. ພາບ: qdnd.vn |
ທ່ານພົນຕີ ເລກວາງມິງ ຮຽກຮ້ອງວ່າ ໃນໄລຍະຈະມາເຖິງ, ທະຫານ ແລະປະຊາຊົນຢູ່ໝູ່ເກາະ ເຈື່ອງຊາ ແລະ ຮ້ານເວນຍາມ DK1 ຕ້ອງເອົາໃຈໃສ່ເປັນພິເສດເຖິງວຽກງານກໍ່ສ້າງເຂດປ້ອງກັນຊາດຢ່າງໜັກແໜ້ນ, ຍົກສູງຄຸນນະພາບການຝຶກແອບ, ຄວາມສາມາດກຽມພ້ອມສູ້ຮົບ; ສ້າງຄຸນທາດການເມືອງ, ມີຄວາມກ້າຫານ, ເຈດຈໍານົງຜ່ານຜ່າຄວາມຫຍຸ້ງຍາກລຳບາກ, ພ້ອມແລ້ວທີ່ຈະເສຍສະຫຼະ, ຕັດສິນໃຈຮັກສາອະທິປະໄຕທະເລໝູ່ເກາະຂອງປະເທດຊາດ; ເປັນບ່ອນອີງອັນໜັກແໜ້ນໃຫ້ແກ່ຊາວປະມົງມີຄວາມອຸ່ນອ່ຽນໃຈອອກໄປຫາປາຢູ່ທະເລ; ສົມກັບຄວາມໄວ້ເນື້ອເຊື່ອໃຈ, ຄວາມຫວັງຄອງຄອຍ, ຄວາມເອົາໃຈໃສ່ຂອງປະຊາຊົນທົ່ວປະເທດທີ່ມີຕໍ່ກັບເຈື່ອງຊາ.
ໂດຍ: ທູຈາງ