ກອງບັນຊາການທະຫານເຂດ 4 ຢ້ຽມຢາມ ແລະອວຍພອນບຸນປີໃໝ່ ຢູ່ລາວ
ກປ.ອອນໄລ - ເນື່ອງໃນໂອກາດບຸນປີໃໝ່ລາວ, ແຕ່ວັນທີ 2-5 ເມສາ, ຄະນະປະຕິບັດງານກອງບັນຊາການທະຫານເຂດ 4 ນໍາໂດຍທ່ານພັນເອກພິເສດ ໂງນາມເກື່ອງ, ຮອງຜູ້ບັນຊາການທະຫານເຂດ 4 ໄດ້ໄປອວຍພອນປີໃໝ່ຄະນະພັກແຂວງ, ສະພາປະຊາຊົນ, ຄະນະກຳມະການປະຊາຊົນ, ຄະນະກຳມະການແນວລາວສ້າງຊາດ, ກໍາລັງປະກອບອາວຸດແຂວງຫົວພັນ, ຊຽງຂວາງ, ໄຊສົມບູນ, ບໍລິຄຳໄຊ.
|
|
ຄະນະປະຕິບັດງານກອງບັນຊາການທະຫານເຂດ 4 ມອບຂອງຂວັນ, ອວຍພອນປີໃໝ່ການນໍາແຂວງບໍລິຄໍາໄຊ. ພາບ: qdnd.vn |
|
|
ຄະນະປະຕິບັດງານກອງບັນຊາການທະຫານເຂດ 4 ມອບຂອງຂວັນ, ອວຍພອນປີໃໝ່ກອງບັນຊາການທະຫານແຂວງບໍລິຄໍາໄຊ. ພາບ: qdnd.vn |
ທ່ານຮອງຜູ້ບັນຊາການທະຫານເຂດ 4 ໄດ້ຊົມເຊີຍ ແລະຕີລາຄາສູງຕໍ່ການພັດທະນາຂອງບັນດາແຂວງໃນໄລຍະຜ່ານມາ; ສະແດງຄວາມຂອບໃຈຕໍ່ການຊ່ວຍເຫຼືອຢ່າງສຸດຈິດສຸດໃຈຂອງຄະນະພັກ, ອໍານາດການປົກຄອງ, ກໍາລັງປະກອບອາວຸດ ແລະປະຊາຊົນບັນດາແຂວງຕໍ່ກັບບໍລິສັດໃຫຍ່ຮ່ວມມືເສດຖະກິດທະຫານເຂດ 4 ແລະກອງທ້ອນໂຮມອັດຖິນັກຮົບເສຍສະຫຼະະຊີວິດເພື່ອ ຂອງທະຫານເຂດ 4 ທີ່ພວມປະຕິບັດໜ້າທີ່ຢູ່ລາວ. ພ້ອມທັງຫວັງວ່າ ຄະນະພັກ, ອຳນາດການປົກຄອງບັນດາແຂວງຂອງລາວ ຈະສືບຕໍ່ເອົາໃຈໃສ່, ສ້າງເງື່ອນໄຂສະດວກໃຫ້ແກ່ບັນດາກຳລັງຂອງທະຫານເຂດ 4 ປະຕິບັດສໍາເລັດໜ້າທີ່ ທີ່ໄດ້ຮັບມອບໝາຍຢູ່ບໍລິເວນ.
|
|
ການນໍາແຂວງຫົວພັນ ຕ້ອນຮັບຄະນະປະຕິບັດງານ ກອງບັນຊາການທະຫານເຂດ 4. ພາບ: qdnd.vn |
|
|
ການນໍາແຂວງໄຊສົມບູນ ຕ້ອນຮັບຄະນະປະຕິບັດງານ ກອງບັນຊາການທະຫານເຂດ 4. ພາບ: qdnd.vn |
|
|
ຄະນະປະຕິບັດງານ ກອງບັນຊາການທະຫານເຂດ 4 ມອບຂອງຂວັນ, ອວຍພອນປີໃໝ່ກອງບັນຊາການທະຫານແຂວງຊຽງຂວາງ. ພາບ: qdnd.vn |
ການນຳບັນດາແຂວງ ແລະກອງບັນຊາການທະຫານແຂວງຫົວພັນ, ຊຽງຂວາງ, ໄຊສົມບູນ, ບໍລິຄຳໄຊ ໄດ້ສະແດງຄວາມຂອບໃຈຢ່າງເລິກເຊິ່ງມາຍັງກອງບັນຊາການທະຫານເຂດ 4 ທີ່ໄດ້ມາຢ້ຽມຢາມ, ອວຍພອນບຸນປີໃໝ່ ແລະສະແດງຄວາມຂອບໃຈກອງບັນຊາການທະຫານເຂດ 4 ທີ່ໄດ້ຊີ້ນໍາບັນດາກໍາລັງຂຶ້ນກັບທະຫານເຂດ 4 ແລະແຂວງ ແທັງຮ໊ວາ, ເງະອານ, ຮ່າຕິ້ງ ໃນການໜູນຊ່ວຍປະຊາຊົນທ້ອງຖິ່ນພັດທະນາເສດຖະກິດ - ສັງຄົມ, ລົບລ້າງຄວາມອຶດຫິວ, ຫຼຸດຜ່ອນຄວາມທຸກຍາກ, ປະກອບສ່ວນປັບປຸງການປ້ອງກັນຊາດ, ປ້ອງກັນຄວາມສະຫງົບ, ເພີ່ມພູນຄູນສ້າງນໍ້າໃຈສາມັກຄີມິດຕະພາບແບບພິເສດລະຫວ່າງຫວຽດນາມ ແລະ ລາວ ໃຫ້ນັບມື້ນັບພັດທະນາແບບຍືນຍົງ.
ໂດຍ: ທູຈາງ