ສິ້ນສຸດການລາດຕະເວນຮ່ວມລະຫວ່າງຕໍາຫຼວດທະເລ ຫວຽດນາມ ແລະ ຈີນ ຢ່າງຈົບງາມ
ກປ.ອອນໄລ - ໃນ 3 ວັນ (ແຕ່ວັນທີ 29 ພະຈິກ ຫາວັນທີ 1 ທັນວາ), ຢູ່ເຂດທະເລອ້ອມແອ້ມເສັ້ນຂີດຂັ້ນຊາຍແດນອ່າວພາກເໜືອ, ໄດ້ດໍາເນີນການລາດຕະເວນຮ່ວມລະຫວ່າງຕໍາຫຼວດທະເລຫວຽດນາມ ແລະຕໍາຫຼວດທະເລຈີນ ຄັ້ງທີ 2 ປີ 2023. ດ້ວຍຈິດໃຈຮັບຜິດຊອບສູງຈາກທັງສອງຝ່າຍ, ການລາດຕະເວນຮ່ວມໄດ້ປະສົບຜົນສຳເລັດຢ່າງຈົບງາມ, ປະກອບສ່ວນກໍ່ສ້າງເຂດທະເລແຫ່ງສັນຕິພາບ, ສະຖຽນລະພາບ ແລະເຄົາລົບກົດໝາຍ.
ນີ້ແມ່ນການລາດຕະເວນຮ່ວມຢູ່ເຂດທະເລອ້ອມແອ້ມເສັ້ນຂີດຂັ້ນຊາຍແດນອ່າວພາກເໜືອ ຄັ້ງທີ 7 ລະຫວ່າງຕໍາຫຼວດທະເລຫວຽດນາມ ແລະຕໍາຫຼວດທະເລຈີນ ພາຍຫຼັງສັນຍາວ່າດ້ວຍການຮ່ວມມືກ່ຽວກັບອາຊີບຫາປາຢູ່ເຂດຫາປາຮ່ວມກັນຢູ່ອ່າວພາກເໜືອ ລະຫວ່າງຫວຽດນາມ - ຈີນ ໝົດກຳນົດແຕ່ວັນທີ 30 ມິຖຸນາ 2020.
![left](/image/images/left.png) ![center](/image/images/center.png) ![right](/image/images/right.png) ![del](/images/red-error_16px.gif) |
![](https://file3.qdnd.vn/data/images/26/2023/12/02/upload_2124/qtrang212023_07.jpeg?dpi=150&quality=100&w=500) |
ຕໍາຫຼວດທະເລຫວຽດນາມ ດຳເນີນພິທີອຳລາ, ສິ້ນສຸດການລາດຕະເວນຮ່ວມ. ພາບ: qdnd.vn |
ການລາດຕະເວນຮ່ວມລະຫວ່າງກອງຕໍາຫຼວດທະເລຫວຽດນາມ ແລະຕໍາຫຼວດທະເລຈີນ ຄັ້ງທີ 2 ປີ 2023 ໄດ້ປະສົບຜົນສຳເລັດຢ່າງຈົບງາມ, ຮັບປະກັນຄວາມປອດໄພໃນທຸກດ້ານ. ສອງຝ່າຍໄດ້ສົມທົບກັນຢ່າງແໜ້ນແຟ້ນ, ປະຕິບັດບັນດາເນື້ອໃນ, ແຜນການທີ່ໄດ້ຮັບການຮັບຮອງເອົາເປັນຢ່າງດີ. ຫົວໜ້າກໍາລັງກວດກາຮ່ວມສອງທ່ານຂອງສອງປະເທດ ຫວັງວ່າ ສອງຝ່າຍຈະສືບຕໍ່ເສີມຂະຫຍາຍບັນດາໝາກຜົນທີ່ບັນລຸໄດ້ໃນຊຸມປີຜ່ານມາເພື່ອຮ່ວມກັນຮັກສາສະພາບແວດລ້ອມແຫ່ງສັນຕິພາບ, ຄວາມໝັ້ນຄົງ, ຄວາມເປັນລະບຽບຮຽບຮ້ອຍຢູ່ທະເລ, ປະກອບສ່ວນເພີ່ມພູນຄູນສ້າງມູນເຊື້ອມິດຕະພາບ, ຄວາມສາມັກຄີ, ການຮ່ວມມື ແລະພັດທະນາຢູ່ອ່າວພາກເໜືອ.
ຜົນສຳເລັດຂອງການປະຕິບັດງານຄັ້ງນີ້ ຈະສືບຕໍ່ສ້າງກຳລັງໜູນຊຸກຍູ້ການພົວພັນລະຫວ່າງສອງພັກ, ສອງລັດ ແລະປະຊາຊົນຫວຽດນາມ - ຈີນ ເວົ້າລວມ ແລະກຳລັງຕໍາຫຼວດທະເລຂອງສອງປະເທດເວົ້າສະເພາະໃຫ້ນັບມື້ນັບພັດທະນາຢ່າງດີງາມກວ່າອີກ.
ໂດຍ: ຈາງຫງວຽນ