ພາຍຫຼັງຮັບຟັງການນໍາທະຫານເຂດ 9 ລາຍງານຜົນການປະຕິບັດໜ້າທີ່ການທະຫານ, ການປ້ອງກັນຊາດຂອງກໍາລັງປະກອບອາວຸດທະຫານເຂດ ໃນປີ 2022 ແລະວຽກງານກະກຽມຕ້ອນຮັບບຸນເຕັດ, ຕາງໜ້າການນຳພັກ, ລັດ, ຄະນະພັກການທະຫານສູນກາງ, ກະຊວງປ້ອງກັນປະເທດ, ທ່ານພົນເອກ ເລືອງເກື່ອງ ຮັບຮູ້, ຕີລາຄາສູງບັນດາຜົນງານ ເຊິ່ງກໍາລັງປະກອບອາວຸດທະຫານເຂດ 9 ທີ່ບັນລຸໄດ້ໃນຊຸມປີຜ່ານມາ.

leftcenterrightdel
ທ່ານພົນເອກ ເລືອງເກື່ອງ ມອບຂອງຂວັນຂອງຄະນະພັກການທະຫານສູນກາງ, ກະຊວງປ້ອງກັນປະເທດ ໃຫ້ກໍາລັງປະກອບອາວຸດທະຫານເຂດ 9. ພາບ: ກວາງດຶກ

ທ່ານພົນເອກ ເລືອງເກື່ອງ ຮຽກຮ້ອງໃຫ້ຄະນະພັກ, ກອງບັນຊາການທະຫານເຂດ 9 ສືບຕໍ່ສົມທົບຢ່າງແໜ້ນແຟ້ນກັບອົງຄະນະພັກ, ອໍານາດການປົກຄອງບັນດາແຂວງ, ນະຄອນໃນບໍລິເວນນໍາພາ, ຊີ້ນໍາການປະຕິບັດຄວາມຮຽກຮ້ອງຕ້ອງການ, ໜ້າທີ່ການທະຫານ, ການປ້ອງກັນຊາດ, ກໍ່ສ້າງພື້ນຖານທົ່ວປວງຊົນປ້ອງກັນຊາດ ຕິດກັບການກໍ່ສ້າງພື້ນຖານປ້ອງກັນຄວາມສະຫງົບປະຊາຊົນ, ທ່າຮົບທົ່ວປວງຊົນປ້ອງກັນຊາດ ໃຫ້ໝັ້ນຄົງເຂັ້ມແຂງ. ຈັດຕັ້ງການຊາບຊຶມ, ປະຕິບັດບັນດາຄໍາສັ່ງ, ຂໍ້ແນະນໍາຂອງບັນດາອົງການທີ່ກ່ຽວຂ້ອງກ່ຽວກັບການຈັດຕັ້ງບຸນເຕັດຢ່າງເຂັ້ມງວດ; ປະຕິບັດພາລະບົດບາດກອງທະຫານປະຕິບັດງານ, ເບິ່ງແຍງດູແລບັນດາເປົ້າໝາຍນະໂຍບາຍ, ຜູ້ມີຄຸນງາມຄວາມດີຕໍ່ການປະຕິວັດ, ຜູ້ທຸກຍາກ; ເພີ່ມທະວີບັນດາມາດຕະການປ້ອງກັນ, ຕ້ານໂລກລະບາດ ແລະສຸຂະອະນາໄມ, ຄວາມປອດໄພດ້ານສະບຽງອາຫານໃຫ້ຖືກຕາມຂໍ້ກໍານົດ; ຮັບປະກັນແຫຼ່ງສະບຽງອາຫານ, ທັນຍາຫານໃຫ້ທະຫານກ່ອນ, ໃນ ແລະຫຼັງບຸນເຕັດ.

ໂດຍ: ຈາງຫງວຽນ