ກອງປະຊຸມພົບປະແລກປ່ຽນວຽກງານຄຸ້ມຄອງ, ປົກປັກຮັກສາຊາຍແດນ ຄັ້ງທີ 14
ກປ.ອອນໄລ - ໃນລະຫວ່າງວັນທີ 24 ຫາວັນທີ 26 ພະຈິກ, ຢູ່ແຂວງຫຼວງພະບາງ, ຄະນະຜູ້ແທນກອງບັນຊາການທະຫານຊາຍແດນແຂວງເຊີນລາ ແລະດ້ຽນບຽນ ນໍາໂດຍ ສະຫາຍພັນເອກພິເສດ ກ່າວັນເລີບ, ຫົວໜ້າການເມືອງ ກອງບັນຊາການທະຫານຊາຍແດນແຂວງເຊີນລາ ພ້ອມດ້ວຍຄະນະ ໄດ້ດໍາເນີນການພົບປະແລກປ່ຽນວຽກງານຄຸ້ມຄອງ, ປົກປັກຮັກສາຊາຍແດນ ຄັ້ງທີ 14 ກັບຄະນະຜູ້ແທນກອງບັນຊາການທະຫານແຂວງຫຼວງພະບາງ ແລະຜົ້ງສາລີ ນໍາໂດຍ ສະຫາຍພັນເອກ ວິລ່ຽມ ວົງທິສານ ຫົວໜ້າການທະຫານ ກອງບັນຊາການທະຫານແຂວງຫຼວງພະບາງ ພ້ອມຄະນະ.
    |
 |
|
ບັນຍາກາດທີ່ກອງປະຊຸມພົບປະ. ພາບ: qdnd.vn |
ໃນໄລຍະຜ່ານມາ, ສອງຝ່າຍ ຍາມໃດກໍຮັກສາ ແລະປະຕິບັດສັນຍາວ່າດ້ວຍລະບຽບການຄຸ້ມຄອງຊາຍແດນ ແລະດ່ານຊາຍແດນທາງບົກ ຫວຽດນາມ-ລາວ ຢ່າງເຂັ້ມງວດ, ສົມທົບກັນຢ່າງແໜ້ນແຟ້ນໃນການຊີ້ນຳບັນດາຫົວໜ່ວຍປະຕິບັດວຽກງານຄຸ້ມຄອງ ແລະປົກປັກຮັກສາຊາຍແດນ, ສ້າງເງື່ອນໄຂສະດວກໃຫ້ແກ່ປະຊາຊົນ ແລະພາຫະນະຂ້າມຊາຍແດນໄປຢາມພີ່ນ້ອງ ແລະແລກປ່ຽນສິນຄ້າ. ສອງຝ່າຍຍັງໄດ້ຈັດຕັ້ງການລາດຕະເວນຮ່ວມ, ລາດຕະເວນສອງຝ່າຍປະຈຳໄລຍະ ເພື່ອປົກປັກຮັກສາຄວາມປອດໄພ ແລະຮັກສາເສັ້ນຊາຍແດນ, ລະບົບຫຼັກໝາຍຊາຍແດນແຫ່ງຊາດ, ຄວບຄຸມ ແລະສະກັດກັ້ນການເຄື່ອນໄຫວເຂົ້າ-ອອກເມືອງຢ່າງຜິດກົດໝາຍ ຢູ່ເຂດຊາຍແດນທັງສອງຝ່າຍ.
|
|
 |
|
ສອງຝ່າຍ ລົງນາມໃນບົດບັນທຶກຊ່ວຍຈໍາ. ພາບ: qdnd.vn |
ນອກຈາກ ນັ້ນ, ສອງຝ່າຍຍັງໄດ້ເພີ່ມທະວີການສົມທົບກັນຢ່າງແໜ້ນແຟ້ນໃນການ ຕ້ານອາດຊະຍາກຳປະເພດຕ່າງໆ, ໂດຍສະເພາະແມ່ນການຄ້າຂາຍຢາ ເສບຕິດຂ້າມແດນ, ການຄ້າມະນຸດ ແລະການເຂົ້າ-ອອກເມືອງຢ່າງຜິດກົດໝາຍ; ບັນດາກົນອຸບາຍ, ເລ່ລ່ຽມຂອງອິດທິກໍາລັງທີ່ເປັນປໍລະປັກ, ພວກປະຕິການພັດຖີ່ນ; ສະກັດກັ້ນການເຜີຍແຜ່ສາສະໜາຢ່າງຜິດກົດໝາຍ...
ທີ່ກອງປະຊຸມ, ສອງຝ່າຍໄດ້ລົງນາມໃນບົດບັນທຶກຊ່ວຍຈຳເພື່ອສືບຕໍ່ສົມທົບກັນໃນການຄຸ້ມຄອງ ແລະປົກປັກຮັກສາຊາຍແດນ, ຮັກສາສະຖຽນລະພາບຄວາມສະຫງົບປອດໄພ ແລະຄວາມເປັນລະບຽບຮຽບຮ້ອຍໃນພາກພື້ນ.
ໂດຍ: ໄຊຊະນະ