ກອງຊ່າງແສງ ເລກ 1 ຮັບສິນຄ້າທີ່ຂົນສົ່ງທາງທະເລຢ່າງຄົບຖ້ວນ

1 ກໍລະກົດ 2022 18:34

ກປ.ອອນໄລ - ອຸປະກອນ, ລົດໂອໂຕ, ລົດຈັກແມ່ນບັນດາພາຫະນະໜູນຊ່ວຍທັນສະໄໝ, ມີປະສິດທິຜົນ, ປະກອບສ່ວນສໍາຄັນເຂົ້າໃນໝາກຜົນແຫ່ງການປະຕິບັດໜ້າທີ່ຂອງກອງຊ່າງແສງ ເລກ 1 ຂອງຫວຽດນາມ ທີ່ເຂົ້າຮ່ວມການເຄື່ອນໄຫວຮັກສາສັນຕິພາບ ສປຊ ຢູ່ຄະນະປະຕິບັດງານຄວາມໝັ້ນຄົງຊົ່ວຄາວຂອງ ສປຊ ຢູ່ເຂດ Abyei (UNISFA).

ພາຍຫຼັງວັນທີ່ກອງຊ່າງແສງ ເລກ 1 ເຄື່ອນທັບເຖິງຄະນະປະຕິບັດງານ UNISFA ຢ່າງປອດໄພ, ສິນຄ້າທີ່ຂົນສົ່ງທາງທະເລກໍ່ໄດ້ສົ່ງເຖິງ Abyei. ດ້ວຍການເຂົ້າຮ່ວມ, ການສົມທົບກັນຢ່າງແໜ້ນແຟ້ນ, ການຊີ້ນໍາບໍລິຫານຢ່າງເປັນເອກະພາບ ແລະຈິດໃຈຮັບຜິດຊອບສູງຂອງພະນັກງານ, ພາລະກອນທຸກຄົນໃນກອງຊ່າງແສງ ເລກ 1, ກົມກອງໄດ້ກວດກາທັງຈໍານວນ ແລະຄຸນນະພາບຢ່າງລະອຽດລະອໍ, ພ້ອມທັງສົມທົບກັນຢ່າງແໜ້ນແຟ້ນກັບບັນດາອົງການທີ່ກ່ຽວຂ້ອງຂອງຄະນະປະຕິບັດງານ ເພື່ອຈົດທະບຽນເຂົ້າລະບົບອຸປະກອນຂອງ ສປຊ.

ພະນັກງານກອງຊ່າງແສງ ເລກ 1 ຮັບປະກັນຄວາມເປັນລະບຽບຮຽບຮ້ອຍທາງຄົມມະນາຄົມໃຫ້ວຽກງານຂົນສົ່ງສິນຄ້າເຖິງຄະນະປະຕິບັດງານ UNISFA. ພາບ: qdnd.vn

ຜ່ານການຮັບເອົາສິນຄ້າ, ກອງຊ່າງແສງ ມີບົດຮຽນຕື່ມອີກໃນການເຂົ້າເຖິງ, ທຳຄວາມລື້ງເຄີຍກັບບັນດາລະບຽບການບໍລິຫານຂອງຄະນະປະຕິບັດງານ; ກໍ່ຄືເພີ່ມທະວີຄວາມເຂົ້າໃຈລະຫວ່າງກົມກອງ ກັບບັນດາອົງການທີ່ກ່ຽວຂ້ອງຂອງຄະນະປະຕິບັດງານ.