ກອງຊ່າງແສງເລກ 1 ຫວຽດນາມ ກະກຽມທຸກດ້ານໃຫ້ໜ້າທີ່ຢູ່ Abyei
ກປ.ອອນໄລ - ຕາມຂໍ້ມູນຈາກ ຄະນະກະກຽມ ກອງຊ່າງແສງເລກ 1 ຫວຽດນາມ ທີ່ເຂົ້າຮ່ວມຄະນະປະຕິບັດງານປ້ອງກັນຄວາມສະຫງົບ ຊົ່ວຄາວ ສປຊ ຢູ່ເຂດ Abyei (UNISFA), ເພື່ອແນໃສ່ກະກຽມໃຫ້ບັນດາໜ້າທີ່ໃນໄລຍະຈະມາເຖິງ, ວັນທີ 10 ພຶດສະພາ, ຄະນະກະກຽມ ນໍາໂດຍທ່ານພັນເອກພິເສດ ມາກດຶກຈ້ອງ, ຫົວໜ້າຄະນະ ໄດ້ມີການປະຊຸມກັບຫ້ອງຊ່າງແສງຄະນະປະຕິບັດງານ UNISFA ເພື່ອປຶກສາຫາລືກ່ຽວກັບການຜັນຂະຫຍາຍບັນດາໜ້າທີ່ຢູ່ໃນບໍລິເວນ.
|
|
ທ່ານພັນເອກພິເສດ ມາກດຶກຈ້ອງ ແລກປ່ຽນກັບພາລະກອນ ສປຊ ຢູ່ ຄະນະປະຕິບັດງານ Abyei ໃນການສໍາຫຼວດພູມີປະເທດຕົວຈິງ. ພາບ: ຢືດຶກ. |
ພາຍຫຼັງການປະຊຸມ, ທ່ານພັນເອກພິເສດ ມາກດຶກຈ້ອງ ໄດ້ນໍາໜ້າໜ່ວຍງານໄປກວດກາເສັ້ນທາງໃນເຂດເໜືອ ແລະຖານທັບ Dokura. ພັນຕີ ຫງວຽນວັນຕູ໊ ຮອງຫົວໜ້າຄະນະ ໄດ້ນໍາໜ້າໜ່ວຍທີ 2 ໄປກວດກາຖານທັບ Todach. ຄາດວ່າ ພາຍຫຼັງຜັນຂະຫຍາຍກອງຊ່າງແສງເລກ 1 ເຖິງບໍລິເວນ ແລະຮັບພາຫະນະອຸປະກອນຢ່າງຄົບຖ້ວນ ແລະຮຽບຮ້ອຍແລ້ວ, ກອງຊ່າງແສງຈະຜັນຂະຫຍາຍການສ້ອມແປງເສັ້ນທາງຢູ່ເຂດເໜືອ ທີ່ຖືກເປ່ເພຢ່າງຮ້າຍແຮງ. ສໍາລັບໜ້າທີ່ກໍ່ສ້າງຄ້າຍທະຫານ, ນອກຈາກການກໍ່ສ້າງຄ້າຍທະຫານຂອງກົມກອງຕົນເອງແລ້ວ, ກອງຊ່າງແສງເລກ 1 ຍັງໄດ້ຮັບໜ້າທີ່ກໍ່ສ້າງຄ້າຍທະຫານ ໃຫ້ແກ່ບັນດາກົມກອງອື່ນ.
|
|
ບັນດາສະມາຊິກໃນຄະນະ ສໍາຫຼວດຄົ້ນຄວ້າແຜນທີ່ບໍລິເວນ ຢູ່ Abyei. ພາບ: ຢືດຶກ. |
ກ່ອນໜ້ານັ້ນ, ຄະນະກະກຽມ ໄດ້ດໍາເນີນການສໍາຫຼວດຄ້າຍທະຫານບ່ອນຕັ້ງທັບຄົງທີ່ຂອງກອງຊ່າງແສງເລກ 1 ຢູ່ຄະນະປະຕິບັດງານ UNISFA. ທີ່ການສໍາຫຼວດ, ທ່ານພັນເອກພິເສດ ມາກດຶກ ຈ້ອງ ໄດ້ຂອບໃຈຕໍ່ຄວາມເອົາໃຈໃສ່, ການໜູນຊ່ວຍຂອງບັນດາອົງການທີ່ກ່ຽວຂ້ອງ ຄະນະປະຕິບັດງານ ໃນການໜູນຊ່ວຍກອງຊ່າງແສງເລກ 1 ຫວຽດນາມ ສ້າງແຜນການຕັ້ງທັບ ແລະເຂົ້າມາຄຸ້ມຄອງຄ້າຍທະຫານ ໃນໄລຍະຕົ້ນຂອງການຜັນຂະຫຍາຍ.
|
|
ບັນດາພາລະກອນ ສປຊ ຢູ່ Abyei ຊ່ວຍເຫຼືອຄະນະກະກຽມຫວຽດນາມ ປະຕິບັດໜ້າທີ່ຢູ່ພູມີປະເທດຕົວຈິງ ຢ່າງໝົດຈິດໝົດໃຈ. ພາບ: ຢືດຶກ. |
ໂອກາດນີ້, ທ່ານພັນເອກພິເສດ ມາກດຶກຈ້ອງ ໄດ້ສະເໜີບັນດາອົງການກ່ຽວຂ້ອງຂອງຄະນະປະຕິບັດງານ UNISFA ສ້ອງແປງບາງກິດຈະກຳຍ່ອຍ ເຊິ່ງປັດຈຸບັນພວມຊຸດໂຊມ ກ່ອນອື່ນໝົດແມ່ນສຸມໃສ່ການສ້ອມແປງບູລະນະເຂດເຮືອນຢູ່ຂອງພະນັກງານ, ພາລະກອນ ແລະບັນດາເຂດເວນຍາມຮັບປະກັນຄວາມໝັ້ນຄົງ, ຄວາມປອດໄພຢູ່ຄ້າຍທະຫານ.
ໂດຍ: ໄຊຊະນະ