ການຮ່ວມມືດ້ານປ້ອງກັນຊາດຫວຽດນາມ-ສະຫະພັນລັດເຊຍ ບັນລຸປະສິດທິຜົນຢ່າງແທດຈິງ
ກປ.ອອນໄລ - ຕອນບ່າຍວັນທີ 1 ທັນວາ, ຢູ່ນະຄອນຫຼວງມົດສະກູ, ໃນຂອບເຂດການຢ້ຽມຢາມສະຫະພັນລັດເຊຍ ຢ່າງເປັນທາງການຂອງທ່ານ ຫງວຽນຊວນຟຸກ ປະທານປະເທດຫວຽດນາມ, ທ່ານພົນເອກ ຟານວັນຢາງ ລັດຖະມົນຕີກະຊວງປ້ອງກັນປະເທດຫວຽດນາມ ໄດ້ມີການໂອ້ລົມສົນທະນາກັບທ່ານພົນເອກ Sergei Shoigu ລັດຖະມົນຕີກະຊວງປ້ອງກັນປະເທດລັດເຊຍ.
ທີ່ການໂອ້ລົມສົນທະນາ, ລັດຖະມົນຕີສອງທ່ານຖືວ່າ ເຖິງວ່າຖືກຜົນສະທ້ອນລວມຈາກພະຍາດໂຄວິດ-19 ກໍ່ຕາມ, ແຕ່ການຮ່ວມມືດ້ານປ້ອງກັນຊາດສອງຝ່າຍໃນໄລຍະຜ່ານມາໄດ້ຮັບການຜັນຂະຫຍາຍຢ່າງຕັ້ງໜ້າ, ບັນລຸປະສິດທິຜົນຢ່າງແທດຈິງຕາມເນື້ອໃນເອກະສານທີ່ໄດ້ລົງນາມ, ໃນນັ້ນຕ້ອງເວົ້າເຖິງຂົງເຂດຕ່າງໆ, ຄື: ບໍາລຸງສ້າງ, ແລກປ່ຽນບົດຮຽນ, ການປ້ອງກັນ, ຕ້ານພະຍາດໂຄວິດ-19, ການໂຄສະນາດ້ານການທະຫານ, ປະຫວັດສາດການທະຫານ, ເຕັກນິກການທະຫານ.
    |
 |
|
ທ່ານພົນເອກ ຟານວັນຢາງ ລັດຖະມົນຕີກະຊວງປ້ອງກັນປະເທດຫວຽດນາມ ແລະທ່ານພົນເອກ Sergei Shoigu ລັດຖະມົນຕີກະຊວງປ້ອງກັນປະເທດລັດເຊຍ. ພາບ: ກວກຫວຽດ. |
ດ້ວຍຄວາມປາດຖະໜາວ່າການຮ່ວມມືດ້ານປ້ອງກັນຊາດສອງຝ່າຍສືບຕໍ່ໄດ້ຮັບການເປີດກວ້າງ ແລະເຂົ້າສູ່ລວງເລິກ, ບັນລຸປະສິດທິຜົນຢ່າງແທດຈິງ, ສອງຝ່າຍເຫັນດີເປັນເອກະພາບໃນໄລຍະຈະມາເຖິງ, ບົນພື້ນຖານບັນດາສົນທິສັນຍາສາກົນ, ຂໍ້ຕົກລົງສາກົນທີ່ໄດ້ລົງນາມ, ການຮ່ວມມືຈະສຸມໃສ່ເນື້ອໃນຕ່າງໆ, ຄື: ແລກປ່ຽນຄະນະຜູ້ແທນທຸກຂັ້ນ; ຮັກສາກົນໄກເຈລະຈາຍຸດທະສາດປ້ອງກັນຊາດຂັ້ນຮອງລັດຖະມົນຕີກະຊວງປ້ອງກັນປະເທດ; ກໍ່ສ້າງຊັບພະຍາກອນມະນຸດທີ່ມີຄຸນນະພາບສູງ; ສະໜັບສະໜູນ ແລະເຂົ້າຮ່ວມການເຄື່ອນໄຫວສາກົນຫຼາຍຝ່າຍໂດຍກະຊວງປ້ອງກັນປະເທດສອງປະເທດຈັດຕັ້ງ, ຄື: ກອງປະຊຸມຄວາມໝັ້ນຄົງສາກົນມົດສະກູ, Army Games…
ພາຍຫຼັງການໂອ້ລົມສົນທະນາ, ລັດຖະມົນຕີກະຊວງປ້ອງກັນປະເທດສອງປະເທດໄດ້ເຊັນບາງເອກະສານຮ່ວມມືສໍາຄັນ, ສ້າງພື້ນຖານນິຕິກໍາເພື່ອຊຸກຍູ້ການຮ່ວມມືດ້ານປ້ອງກັນຊາດ, ເຕັກນິກການທະຫານລະຫວ່າງສອງປະເທດກວ່າອີກ. ເນື່ອງໃນໂອກາດນີ້, ກະຊວງປ້ອງກັນປະເທດລັດເຊຍ ກໍ່ຈັດຕັ້ງພິທີປະດັບຫຼຽນໄຊມິດຕະພາບຂອງສະຫະພັນລັດເຊຍ ໃຫ້ທ່ານພົນເອກ ຟານວັນຢາງ ລັດຖະມົນຕີກະຊວງປ້ອງກັນປະເທດຫວຽດນາມ.
ໂດຍ: ຈາງຫງວຽນ