ກົມກອງກອງທັບຊ່ວຍປະຊາຊົນຕ້ານພາຍຸ

ກອງບັນຊາການທະຫານເມືອງບິ່ງເຊີນ ສົມທົບກັບກໍາລັງທະຫານລາດປະຈໍາການ ຕາແສງບິ່ງຖ້ວນ ຍົກຍ້າຍປະຊາຊົນບ້ານດົງໂລ໊ ໄປເຖິງບ່ອນປອດໄພ. ພາບ: qdnd.vn.

ນອກນີ້, ກອງບັນຊາການທະຫານເມືອງບິ່ງເຊີນ ກໍ່ໄດ້ຈັດສົ່ງທະຫານລາດ 42 ຄົນ ໄປສົມທົບກັບກໍາລັງຕໍາຫຼວດເຂົ້າຮ່ວມ 21 ດ່ານສະກັດກັ້ນຢູ່ຕາມທາງຈະລາຈອນທີ່ຖືກນໍ້າຖ້ວມໜັກໃນບໍລິເວນເທດສະບານ ເຈົາໂອ້ ແລະ 5 ຕາແສງ: ບິ່ງເຈົາ, ບິ່ງລອງ, ບິ່ງເຢືອງ, ບິ່ງເຟື໊ອກ, ບິ່ງເຈືອງ ເພື່ອຮັບປະກັນຄວາມປອດໄພໃຫ້ແກ່ປະຊາຊົນເມື່ອເຂົ້າຮ່ວມການຈະລາຈອນ.

ພະນັກງານ, ນັກຮົບຄ້າຍທະຫານຊານແດນ ຫາຍເວິນ ຊ່ວຍປະຊາຊົນແກ່ດຶງພາຫະນະຂຶ້ນຝັ່ງ. ພາບ: qdnd.vn.

* ໃນວັນທີ 11 ແລະວັນທີ 12 ກັນຍາ, ກອງບັນຊາການທະຫານຊາຍແດນນະຄອນດ່ານັ້ງ ໄດ້ຈັດສົ່ງພະນັກງານ, ນັກຮົບກວ່າ 300 ເທື່ອຄົນໄປຍັງບໍລິເວນສໍາຄັນເພື່ອຊ່ວຍພໍ່ແມ່ປະຊາຊົນຕ້ານພາຍຸ. ພະນັກງານ, ນັກຮົບທະຫານຊາຍແດນ ໄດ້ເອົາເຊືອກມາຊ່ວຍມັດ, ຈ່ອງເຮືອນໄວ້ໃຫ້ 150 ຄອບຄົວ; ແກ່ດຶງພາຫະນະຂຶ້ນຝັ່ງ, ມັດເຮືອໄວ້ 30 ລຳ; ເຮັດອະນາໄມຕາມໂຮງຮຽນໃນບໍລິເວນ; ຂົນສົ່ງສິນຄ້າຊ່ວຍເຫຼືອ ແລະແກ້ໄຂຜົນຮ້າຍຢ້ອນຫຼັງເບື້ອງຕົ້ນຍ້ອນພາຍຸກໍ່ຂຶ້ນ. ບັນດາກົມກອງໄດ້ລະດົມພະນັກງານ, ນັກຮົບ 150 ຄົນໄປຍັງບໍລິເວນຈຸດສຸມ, ຈຸດສໍາຄັນ, ບໍລິເວນມີຄວາມສ່ຽງເກີດດິນເຊາະເຈື່ອນສູງເພື່ອຊ່ວຍຍົກຍ້າຍ 20 ຄອບຄົວໄປເຖິງບ່ອນປອດໄພ.

ໂດຍ: ໄຊຊະນະ