ຕໍາຫຼວດທະເລ ເພີ່ມທະວີກໍາປັ່ນລາດຕະເວນປ້ອງກັນ, ຕ້ານພະຍາດໂຄວິດ-19
ກປ.ອອນໄລ - ໂດຍປະຕິບັດຕາມຄໍາສັ່ງຊີ້ນໍາຂອງກະຊວງປ້ອງກັນປະເທດ, ຕອນເຊົ້າວັນທີ 2 ພຶດສະພາ, ກອງບັນຊາການຕໍາຫຼວດທະເລຫວຽດນາມ ໄດ້ຈັດກໍາປັ່ນລາດຕະເວນຈໍານວນ 4 ລໍາ ສັງກັດຕໍາຫຼວດທະເລເຂດ 3 ແລະຕໍາຫຼວດທະເລເຂດ 4, ໄປປະຕິບັດໜ້າທີ່ເທິງທະເລ.
|
|
ກໍາປັ່ນຕໍາຫຼວດທະເລ 2001 ເຄື່ອນທີ່ປະຕິບັດໜ້າທີ່. ພາບ: qdnd.vn. |
ລະອຽດ, 4 ກໍາປັ່ນຕໍາຫຼວດທະເລ 2001, 2011, 3001, 3008, ພ້ອມພະນັກງານ, ນັກຮົບ 100 ຄົນ ນໍາເອົາອຸປະກອນສັງເກດ, ຕິດຕາມກວດກາທີ່ທັນສະໄໝທີ່ສຸດສົມທົບກັບກອງບັນຊາການທະຫານຊາຍແດນບັນດາແຂວງ ບາກລຽວ, ກ່າເມົາ, ກຽນຢາງ, ປະຕິບັດໜ້າທີ່ລາດຕະເວນ, ຄວບຄຸມ, ຄຸ້ມຄອງ, ປົກປ້ອງອະທິປະໄຕ, ຄວາມສະຫງົບປອດໄພ, ຄວາມເປັນລະບຽບຮຽບຮ້ອຍ, ພ້ອມທັງກວດພົບ, ສະກັດກັ້ນການເຄື່ອນໄຫວເຂົ້າເມືອງຜິດກົດໝາຍຢ່າງທັນການ ເພື່ອປ້ອງກັນ, ຕ້ານພະຍາດໂຄວິດ-19 ໃຫ້ເຄັ່ງຄັດ ແລະມີປະສິດທິຜົນ.
ໂດຍ: ໄຊຊະນະ