ຂະແໜງສູ້ຮົບເອເລັກໂຕນິກທົ່ວກອງທັບ
ເຝິກແອບການນໍາໃຊ້ຍຸດທະພັນໃໝ່ຮັບປະກັນຄຸນນະພາບ ແລະຄວາມຄືບໜ້າ
ກປ.ອອນໄລ - ບົດລາຍງານຂອງກົມສູ້ຮົບເອເລັກໂຕນິກ, ກົມໃຫຍ່ເສນາທິການ ໃຫ້ຮູ້ວ່າ: ປີ 2020 ແລະຊຸມເດືອນຕົ້ນປີ 2021, ກົມສູ້ຮົບເອເລັກໂຕນິກ ໄດ້ຊີ້ນໍາຮອບດ້ານກ່ຽວກັບການເຄື່ອນໄຫວສູ້ຮົບເອເລັກໂຕນິກ ສໍາລັບກໍາລັງສູ້ຮົບເອເລັກໂຕນິກທົ່ວກອງທັບ ແລະກໍາລັງສັງກັດ, ຜ່ານນັ້ນຍົກສູງຄຸນນະພາບວຽກງານກຽມພ້ອມສູ້ຮົບ; ເພີ່ມເຕີມ, ປັບປຸງເນື້ອໃນສູ້ຮົບເອເລັກໂຕນິກໃນບັນດາແຜນການສູ້ຮົບຢ່າງທັນການ; ຕັ້ງໜ້າຈັດຕັ້ງການສືບສວນເຄື່ອນທີ່, ກໍາແໜ້ນສະພາບການໃນເຂດ, ບໍລິເວນຈຸດສຸມ; ຈັດຕັ້ງການຝຶກຊ້ອມໃຫ້ປະສົບຜົນສໍາເລັດ, ຮັບປະກັນຄວາມປອດໄພ.
|
|
ບັນຍາກາດທີ່ກອງປະຊຸມສະຫຼຸບວຽກງານສູ້ຮົບເອເລັກໂຕນິກທົ່ວກອງທັບ ປີ 2020, ຜັນຂະຫຍາຍໜ້າທີ່ປີ 2021. ພາບ: ຮວ່າງຮ່າ. |
ຄຽງຂ້າງນັ້ນ, ວຽກງານຝຶກແອບການນໍາໃຊ້ຍຸດທະພັນໃໝ່ຮັບປະກັນຄຸນນະພາບ, ຄວາມຄືບໜ້າ; ຜົນການຝຶກແອບປະກົດວ່າ 100% ເປົ້າໝາຍບັນລຸຄາດໝາຍທີ່ວາງອອກ, ໃນນັ້ນດີສົມຄວນ, ດີເດັ່ນກວ່າ 75%. ເວລາທີ່ຍັງເຫຼືອຂອງປີ 2021, ກໍາລັງສູ້ຮົບເອເລັກໂຕນິກທົ່ວກອງທັບ ກໍານົດສືບຕໍ່ໃຫ້ຂໍ້ສັງເກດ, ຕີລາຄາຖືກຕ້ອງສະພາບການ, ເປັນເຈົ້າການຄາດຄະເນທຸກກໍລະນີທີ່ຈະເກີດຂຶ້ນເພື່ອລາຍງານ, ເປັນເສນາທິການ, ສະເໜີວິທີການແກ້ໄຂຢ່າງທັນການ, ບໍ່ປະໃຫ້ຕົກຢູ່ໃນທ່າຮັບ, ບັງເອີນ; ຍູ້ແຮງການຈັດຕັ້ງ, ປັບປຸງກໍາລັງສູ້ຮົບເອເລັກໂຕນິກຕາມຂໍ້ກໍານົດ; ຮັບປະກັນວຽກງານເຕັກນິກໃຫ້ແກ່ໜ້າທີ່ປົກກະຕິ, ປະຈໍາການກຽມພ້ອມສູ້ຮົບ ແລະບັນດາໜ້າທີ່ອື່ນໃຫ້ເປັນຢ່າງດີ...
ໂດຍ: ໄຊຊະນະ