ສະຫຼຸບວຽກງານໂຄສະນາສົນທິສັນຍາຂອງ ສປຊ ແລະກົດໝາຍຂອງຫວຽດນາມ ວ່າດ້ວຍຕ້ານການທໍລະມານ
ກປ.ອອນໄລ - ວັນທີ 22 ມັງກອນ, ກະຊວງປ້ອງກັນປະເທດຫວຽດນາມ ໄດ້ຈັດຕັ້ງກອງປະຊຸມສະຫຼຸບ 5 ປີແຫ່ງການປະຕິບັດແຜນຮ່າງ “ໂຄສະນາ, ເຜີຍແຜ່ເນື້ອໃນສົນທິສັນຍາຂອງ ສປຊ ວ່າດ້ວຍຕ້ານການທໍລະມານ ແລະກົດໝາຍຂອງຫວຽດນາມ ວ່າດ້ວຍຕ້ານການທໍລະມານໃນກອງທັບ ໄລຍະ 2016-2020” . ທ່ານພົນໂທ ຫງວຽນຈ້ອງເຫງ໊ຍ, ຮອງຫົວໜ້າກົມໃຫຍ່ການເມືອງ ກອງທັບປະຊາຊົນຫວຽດນາມ ເປັນປະທານກອງປະຊຸມຜ່ານລະບົບທາງໄກທີ່ຮ່າໂນ້ຍ.
ພາຍຫຼັງຜັນຂະຫຍາຍການປະຕິບັດມາເປັນເວລາ 5 ປີ, ດ້ວຍການຊີ້ນຳນໍາພາຂອງກະຊວງປ້ອງກັນປະເທດ, ກົມໃຫຍ່ການເມືອງ, ບັນດາເປົ້າໝາຍຂອງແຜນຮ່າງໄດ້ປະຕິບັດສໍາເລັດໂດຍພື້ນຖານ. ທີ່ກອງປະຊຸມ. ບັນດາຄໍາຄິດເຫັນໄດ້ເຮັດແຈ້ງຫຼາຍເນື້ອໃນ, ຊີ້ແຈ້ງສາຍເຫດ, ສະເໜີຫຼາຍມາດຕະການເພື່ອໃຫ້ການປະຕິບັດແຜນຮ່າງ ນໍາມາເຊິ່ງປະສິດທິຜົນຢ່າງແທດຈິງ.
|
|
ທ່ານພົນໂທ ຫງວຽນຈ້ອງເຫງ໊ຍ ມອບໃບຍ້ອງຍໍໃຫ້ບັນດາໝູ່ຄະນະ, ບຸກຄົນທີ່ມີຜົນງານດີ້ເດັ່ນໃນການປະຕິບັດແຜນຮ່າງ. ພາບ: ວັນຮ໊ຽວ. |
ທ່ານພົນໂທ ຫງວຽນຈ້ອງເຫງ໊ຍ ຮຽກຮ້ອງໃຫ້ບັນດາອົງການ, ກົມກອງສືບຕໍ່ຊາບຊຶມເນື້ອໃນພື້ນຖານຂອງສົນທິສັນຍາວ່າດ້ວຍຕ້ານການທໍລະມານ; ທັດສະນະ, ແຜນນະໂຍບາຍຂອງພັກ, ນະໂຍບາຍ, ກົດໝາຍຂອງລັດ ກ່ຽວກັບສິດຂອງມະນຸດເວົ້າລວມ, ການປ້ອງກັນ, ຕ້ານການທໍລະມານເວົ້າສະເພາະ ແລະວຽກງານໂຄສະນາເຜີຍແຜ່, ສຶກສາອົບຮົມດ້ານກົດໝາຍໃນສະພາບການໃໝ່.
ສິ້ນສຸດກອງປະຊຸມ, ທ່ານພົນໂທ ຫງວຽນຈ້ອງເຫງ໊ຍ ໄດ້ມອບໃບຍ້ອງຍໍໃຫ້ບັນດາໝູ່ຄະນະ, ບຸກຄົນທີ່ມີຜົນງານດີ້ເດັ່ນໃນການ ປະຕິບັດແຜນຮ່າງ.
ໂດຍ: ທູຈາງ