ຄະນະກູ້ໄພກູ້ຊີບກະຊວງຕຳຫຼວດຫວຽດນາມ ແບ່ງປັນຄວາມຫຍຸ້ງຍາກກັບປະຊາຊົນມຽນມາ
ໃນໄລຍະປະຕິບັດໜ້າທີ່ກູ້ໄພກູ້ຊີບຢູ່ນະຄອນຫຼວງ Naypyitaw ຂອງ ມຽນມາ, ວັນທີ 5 ເມສາ, ຄະນະກູ້ໄພກູ້ຊີບຂອງກະຊວງຕຳຫຼວດຫວຽດນາມ ສືບຕໍ່ປະຕິບັດວຽກງານຊ່ວຍເຫຼືອຊີວິດການເປັນຢູ່ຂອງປະຊາຊົນ ມຽນມາ ທີ່ຖືກຜົນກະທົບຈາກເຫດແຜ່ນດິນໄຫວ.
    |
 |
|
ຄະນະກູ້ໄພກູ້ຊີບກະຊວງຕຳຫຼວດ ມອບເຄື່ອງບັນເທົ່າທຸກໃຫ້ແກ່ປະຊາຊົນມຽນມາ. ພາບ: ສໍານັກຂ່າວສານຫວຽດນາມ |
ຕອນບ່າຍວັນທີ 5 ເມສາ, ຄະນະກູ້ໄພກູ້ຊີບກະຊວງຕຳຫຼວດ ໄດ້ມອບຕູບກາງສະໜາມ, ຢຸກຢາ ແລະອຸປະກອນການແພດຈຳນວນໜຶ່ງໃຫ້ແກ່ໂຮງໝໍ 1000 ຕຽງ, ເຊິ່ງເປັນໂຮງໝໍໃຫຍ່ສຸດຂອງນະຄອນຫຼວງ Naypyitaw. ຄະນະໄດ້ຕັ້ງຕູບກາງສະໜາມ 2 ຫຼັງ, ແຕ່ລະຫຼັງສາມາດບັນຈຸຄົນເຈັບແຕ່ 10 – 12 ຄົນ ເພື່ອຮັບໃຊ້ການກວດ, ປິ່ນປົວພະຍາດໃຫ້ຄົນເຈັບ. ນອກຈາກນັ້ນ, ຄະນະຍັງໄດ້ມອບອຸປະກອນການແພດ, ຢຸກຢາຈຳນວນໜຶ່ງໃຫ້ແກ່ທ່ານໝໍຢູ່ທີ່ນີ້. ພ້ອມດຽວກັນນັ້ນກໍໄດ້ຢື້ຢາມຖາມຂ່າວ, ມອບຂອງຂວັນ ແລະເງິນສົດໃຫ້ແກ່ບັນດາຜູ້ປະສົບເຄາະຮ້າຍທີ່ເຈັບໜັກ.
ໄລ່ມາຮອດວັນທີ 5 ເມສາ, ພາຍຫຼັງປະຕິບັດງານມາເປັນເວລາ 6 ວັນ ດ້ວຍນ້ຳໃຈມານະພະຍາຍາມຢ່າງສູງສຸດ, ຄະນະປະຕິບັດງານກະຊວງຕຳຫຼວດຫວຽດນາມ ສາມາດຊອກຫາຜູ້ຮັບເຄາະຮ້າຍ 7 ຄົນຖືກເສຍຊີວິດຢູ່ໃຕ້ຊາກຫັກພັງ ແລະໄດ້ມອບໃຫ້ຄອບຄົວ, ອຳນາດການປົກຄອງທ້ອງຖິ່ນ.
ຂ່າວ: ວິທະຍຸກະຈາຍສຽງຫວຽດນາມ