ພັດທະນາການພົວພັນຫວຽດນາມ - ສປປ ເກົາຫຼີ ໃນທຸກຂົງເຂດ
ກປ.ອອນໄລ - ຕອນບ່າຍວັນທີ 25 ມີນາ, ທີ່ສໍານັກງານຄະນະພົວພັນຕ່າງປະເທດສູນກາງ, ທ່ານ ເລຮວ່າຍຈູງ, ເລຂາທິການສູນກາງພັກ, ຫົວໜ້າຄະນະພົວພັນຕ່າງປະເທດສູນກາງ ໄດ້ມີການພົບປະເຈລະຈາກັບທ່ານ Kim Song Nam ກໍາມະການສຳຮອງ ກົມການເມືອງ, ຫົວໜ້າຄະນະສາກົນພັກແຮງງານສປປ ເກົາຫຼີ, ກຳມະການລັດຖະບານ, ປະທານຄະນະພົວພັນຕ່າງປະເທດສະພາປະຊາຊົນສູງສຸດແຫ່ງ ສປປ ເຫົາຫຼີ ທີ່ນໍາໜ້າຄະນະຜູ້ແທນພັກແຮງງານສປປ ເກົາຫຼີ ມາຢ້ຽມຢາມຫວຽດນາມ ໃນລະຫວ່າງວັນທີ 25 ຮອດວັນທີ 28 ມີນາ.
ທີ່ການພົບປະເຈລະຈາ, ທ່ານ ເລຮວ່າຍຈູງ ຕີລາຄາວ່າ ການຢ້ຽມຢາມຫວຽດນາມ ຄັ້ງນີ້ຂອງຄະນະແມ່ນມີຄວາມໝາຍສຳຄັນໃນການຊຸກຍູ້ການເຄື່ອນໄຫວພົບປະແລກປ່ຽນ, ແລກປ່ຽນສອງຝ່າຍ, ພິເສດແມ່ນໃນສະພາບການທີ່ 2 ປະເທດພວມມຸ່ງໄປເຖິງສະເຫຼີມສະຫຼອງ 75 ປີແຫ່ງວັນສ້າງຕັ້ງການພົວພັນທາງການທູດໃນປີ 2025.
|
|
ທ່ານ ເລຮວ່າຍຈູງ ແລະທ່ານ Kim Song Nam. ພາບ: ສໍານັກຂ່າວສານຫວຽດນາມ |
ກ່ຽວກັບການພົວພັນມິດຕະພາບທີ່ເປັນມູນເຊື້ອລະຫວ່າງ 2 ພັກ ແລະ 2 ລັດ, ທ່ານ ເລຮວ່າຍຈູງ ເນັ້ນໜັກວ່າ: ພັກ, ລັດ ແລະປະຊາຊົນຫວຽດນາມ ຍາມໃດກໍ່ຖືເປັນສຳຄັນການພົວພັນຮ່ວມມືມິດຕະພາບທີ່ເປັນມູນເຊື້ອກັບພັກ, ລັດຖະບານ ແລະປະຊາຊົນສປປ ເກົາຫຼີ; ສະເໜີໃຫ້ສອງປະເທດເພີ່ມທະວີການພົບປະແລກປ່ຽນທຸກຂັ້ນ ເພື່ອເພີ່ມທະວີຄວາມເຂົ້າໃຈ ແລະພັດທະນາການພົວພັນລະຫວ່າງ 2 ພັກ ແລະ 2 ລັດໃນທຸກຂົງເຂດ;...
ທ່ານ Kim Song Nam ເນັ້ນໜັກເຖິງຈຸດປະສົງຂອງການຢ້ຽມຢາມ ແມ່ນເພື່ອແນໃສ່ເພີ່ມທະວີ ແລະພັດທະນາການພົວພັນມິດຕະພາບ ແລະການຮ່ວມມືລະຫວ່າງ 2 ພັກ ແລະ 2 ລັດກວ່າອີກ, ແລກປ່ຽນບັນດາມາດຕະການເພີ່ມທະວີວຽກງານກໍ່ສ້າງພັກ. ທ່ານ Kim Song Nam ຊົມເຊີຍບັນດາຜົນງານໃນການພັດທະນາເສດຖະກິດ - ສັງຄົມຂອງຫວຽດນາມ ພາຍໃຕ້ການນໍາພາຂອງພັກກອມມູນິດຫວຽດນາມ ໂດຍທ່ານເລຂາທິການໃຫຍ່ ຫງວຽນຝູຈ້ອງ ນຳໜ້າ; ຢືນຢັນວ່າ, ພັກ, ລັດຖະບານ ແລະປະຊາຊົນ ສປປ ເກົາຫຼີ ຖືເປັນສໍາຄັນການພົວພັນມິດຕະພາບກັບຫວຽດນາມ; ສະແດງຄວາມປິຕິຊົມຊື່ນຕໍ່ການພັດທະນາການພົວພັນລະຫວ່າງ 2 ພັກ ແລະ 2 ລັດ; ພ້ອມແລ້ວທີ່ຈະກັບຫວຽດນາມ ຊຸກຍູ້ການພົວພັນມິດຕະພາບທີ່ເປັນມູນເຊື້ອລະຫວ່າງສປປ ເກົາຫຼີ ແລະຫວຽດນາມ ໃຫ້ນັບມື້ນັບພັດທະນາ.
ທີ່ການພົບປະ, ທ່ານ Kim Song Nam ໄດ້ແຈ້ງໃຫ້ຊາບກ່ຽວກັບສະພາບການກໍ່ສ້າງພັກ, ການພັດທະນາເສດຖະກິດ - ສັງຄົມຂອງສປປ ເກົາຫຼີ ໃນໄລຍະຜ່ານມາ, ໃນນັ້ນ ມີໝາກຜົນການປະຕິບັດມະຕິກອງປະຊຸມໃຫຍ່ ຄັ້ງທີ VIII ຂອງພັກແຮງງານສປປ ເກົາຫຼີ ແລະແຜນການພັດທະນາເສດຖະກິດແຫ່ງຊາດໄລຍະ 5 ປີ (2021-2026).
ສອງຝ່າຍກໍ່ໄດ້ປຶກສາຫາລືຢ່າງເລິກເຊິ່ງ ແລະຕີລາຄາບັນດາໝາກຜົນການຮ່ວມມືລະຫວ່າງຄະນະພົວພັນຕ່າງປະເທດ/ຄະນະສາກົນຂອງສອງພັກໃນໄລຍະຜ່ານມາ, ເຫັນດີເປັນເອກະພາບຕໍ່ບັນດາມາດຕະການຮ່ວມມື, ເສີມຂະຫຍາຍບົດບາດຂອງສອງອົງການພົວພັນຕ່າງປະເທດຂອງສອງພັກ; ປະຕິບັດບັນດາທິດທາງຮ່ວມມືລະຫວ່າງສອງຝ່າຍເຊິ່ງທ່ານເລຂາທິການໃຫຍ່ ຫງວຽນຝູຈ້ອງ ແລະທ່ານເລຂາທິການໃຫຍ່, ປະທານ Kim Jong Un ໄດ້ເຫັນດີເປັນເອກະພາບໃນການຢ້ຽມຢາມຫວຽດນາມ ເມື່ອ ປີ 2019 ຂອງທ່ານເລຂາທິການໃຫຍ່, ປະທານ Kim Jong Un ໃຫ້ມີປະສິດທິຜົນ.
ໂດຍ: ໄຊນີດາ