ຫວຽດນາມ ຊົມເຊີຍຂໍ້ຕົກລົງຢຸດຍິງລະຫວ່າງ ອາເມລິກາ-ອີຣານ
ກປ.ອອນໄລ - ຕໍ່ໜ້າເລື່ອງວັນທີ 7 ເມສາ (ຕາມເວລາທ້ອງຖິ່ນ), ອາເມລິກາ ແລະ ອີຣານ ບັນລຸໄດ້ຂໍ້ຕົກລົງຢຸດຍິງຊົ່ວຄາວ, ວັນທີ 8 ເມສາ, ທ່ານນາງ ຟ້າມທູຮັ່ງ ໂຄສົກກະຊວງການຕ່າງປະເທດຫວຽດນາມ ຊີ້ແຈ້ງວ່າ: “ຫວຽດນາມ ຊົມເຊີຍຂໍ້ຕົກລົງຢຸດຍິງທີ່ບັນລຸໄດ້ໃນວັນທີ 7 ເມສາ ປີ 2026 ລະຫວ່າງ ອາເມລິກາ ແລະ ອີຣານ, ແມ່ນບາດກ້າວສຳຄັນ ເພື່ອຫຼຸດຜ່ອນຄວາມເຄັ່ງຕຶງ, ກ້າວໄປເຖິງການຟື້ນຟູສັນຕິພາບ, ສະຖຽນລະພາບ, ຄວາມໝັ້ນຄົງ, ຄວາມປອດໄພໃນພາກພື້ນຕາເວັນອອກກາງ.
    |
 |
|
ທ່ານນາງ ຟ້າມທູຮັ່ງ ໂຄສົກກະຊວງການຕ່າງປະເທດຫວຽດນາມ. ພາບ: mofa.gov.vn |
ຫວຽດນາມ ຮຽກຮ້ອງໃຫ້ທຸກຝ່າຍສືບຕໍ່ລະງັບໃຈ, ມີພຶດຕິກຳຢ່າງມີຄວາມຮັບຜິດຊອບ, ບໍ່ເຮັດໃຫ້ສະພາບການສັບສົນຂຶ້ນຕື່ມ; ເຄົາລົບເອກະລາດ, ອະທິປະໄຕ ແລະຜືນແຜ່ນດິນອັນຄົບຖ້ວນຂອງປະເທດຊາດ; ຮັບປະກັນຄວາມໝັ້ນຄົງ, ຄວາມປອດໄພສຳລັບສາມັນຊົນ, ບັນດາພື້ນຖານໂຄງລ່າງພົນລະເຮືອນ ກໍຄືຄວາມປອດໄພ ແລະຄວາມເສລີໃນການເດີນທະເລໃນພາກພື້ນ; ຕັ້ງໜ້າເຈລະຈາ ເພື່ອຊອກຫາມາດຕະການແກ້ໄຂຄວາມຂັດແຍ້ງກັນໂດຍສັນຕິແບບຍືນຍົງໃຫ້ທຸກຝ່າຍບົນພື້ນຖານບັນດາຫຼັກການໂດຍພື້ນຖານຂອງກົດໝາຍສາກົນ, ກົດບັດສະຫະປະຊາຊາດ, ເພື່ອຜົນປະໂຫຍດຂອງທຸກຝ່າຍ, ເພື່ອສັນຕິພາບ, ສະຖຽນລະພາບ, ການຮ່ວມມື ແລະການພັດທະນາຢູ່ພາກພື້ນ ແລະໃນໂລກ”.
ໂດຍ: ທູຈາງ