ຈົດໝາຍອວຍພອນພັກປະຊາຊົນປະຕິວັດລາວ ເນື່ອງໃນໂອກາດບຸນປີໃໝ່ລາວ
ກປ.ອອນໄລ - ເນື່ອງໃນໂອກາດບຸນປີໃໝ່ (ພສ. 2569) ຂອງປະຊາຊົນ ລາວ, ທ່ານນາງ ບຸ່ຍທິມິງຮວ່າຍ ປະທານຄະນະກຳມະການສູນກາງແນວໂຮມປະເທດຊາດ ຫວຽດນາມ ໄດ້ສົ່ງຈົດໝາຍອວຍພອນ ເຖິງ ທ່ານ ກິແກ້ວ ໄຂຄຳພິທູນ ປະທານຄະນະກຳມະການສູນກາງແນວລາວສ້າງຊາດ.
    |
 |
|
ທ່ານນາງ ບຸ່ຍທິມິງຮວ່າຍ ປະທານຄະນະກຳມະການສູນກາງແນວໂຮມປະເທດຊາດ ຫວຽດນາມ. ພາບ: ສໍານັກຂ່າວສານຫວຽດນາມ. |
ໃນຈົດໝາຍ, ທ່ານນາງ ບຸ່ຍທິມິງຮວ່າຍ ອວຍພອນ ແລະຕີລາຄາສູງບັນດາຜົນງານອັນຍິ່ງໃຫຍ່, ຮອບດ້ານ ເຊິ່ງປະຊາຊົນລາວ ບັນລຸໄດ້ ພາຍໃຕ້ການນຳພາອັນສະຫຼາດສ່ອງໃສຂອງພັກປະຊາຊົນປະຕິວັດລາວ; ພ້ອມທັງສະແດງຄວາມເຊື່ອໝັ້ນວ່າ ແນວລາວສ້າງຊາດ ຈະນັບມື້ນັບພັດທະນາ, ສືບຕໍ່ແມ່ນແກ່ນສານເຕົ້າໂຮມກຳລັງແຮງມະຫາສາມັກຄີທົ່ວປວງຊົນທັງຊາດ, ປະຕິບັດບັນດາເປົ້າໝາຍ ເຊິ່ງມະຕິກອງປະຊຸມໃຫຍ່ຄັ້ງທີ XII ຂອງພັກປະຊາຊົນປະຕິວັດລາວ ໄດ້ວາງອອກ ຢ່າງມີໄຊ, ນຳປະເທດລາວ ນັບມື້ນັບພັດທະນາຢ່າງວັດທະນາຖາວອນ, ຮຸ່ງເຮືອງສີວິໄລ.
ທ່ານນາງປະທານຄະນະກຳມະການສູນກາງແນວໂຮມປະເທດຊາດຫວຽດນາມ ຢັ້ງຢືນວ່າ ພ້ອມແລ້ວທີ່ຈະພ້ອມກັບທ່ານປະທານຄະນະກຳມະການສູນກາງແນວລາວສ້າງຊາດ ສົມທົບກັນຢ່າງແໜ້ນແຟ້ນ ເພື່ອຜັນຂະຫຍາຍປະຕິບັດບັນດາຂໍ້ຕົກລົງຮ່ວມມືລະຫວ່າງສອງອົງການແນວໂຮມ ຢ່າງມີປະສິດທິຜົນ, ປະກອບສ່ວນເພີ່ມພູນຄູນສ້າງໃຫ້ແກ່ສາຍພົວພັນມິດຕະພາບອັນຍິ່ງໃຫຍ່, ຄວາມສາມັກຄີແບບພິເສດ, ການຮ່ວມມືຮອບດ້ານ ແລະຫຸ້ນສ່ວນຍຸດທະສາດລະຫວ່າງສອງພັກ, ສອງລັດ ແລະ ປະຊາຊົນສອງປະເທດ ຫວຽດນາມ - ລາວ.
ໂດຍ: ກວຽດເຕິມ