leftcenterrightdel
ທ່ານ ໂຕເລິມ ເລຂາທິການໃຫຍ່ ເດີນທາງເຖິງ ອາເມລິກາ ເພື່ອເຂົ້າຮ່ວມກອງປະຊຸມໄຂສະພາສັນຕິພາບ ກ່ຽວກັບກາຊາ. ພາບ: nhandan.vn

ຕ້ອນຮັບທ່ານ ເລຂາທິການໃຫຍ່ ໂຕເລິມ ແລະຄະນະ ທີ່ສະໜາມບິນທະຫານ Andrews ມີ: ທ່ານ ຫງວຽນກວກຢຸ້ງ ເອກອັກຄະລັດຖະທູດຫວຽດນາມ ປະຈໍາ ອາເມລິກາ; ທ່ານ ໂດ໋ຮຸ່ງຫວຽດ ເອກອັກຄະລັດຖະທູດ, ຫົວໜ້າຄະນະຜູ້ຕາງໜ້າຫວຽດນາມ ປະຈໍາ ສປຊ; ທ່ານ ດັ້ງຮວ່າງຢາງ ຮອງລັດຖະມົນຕີກະຊວງການຕ່າງປະເທດ; ທ່ານ ຮວ່າງແອັງຕ໊ວນ ຫົວໜ້າສະຖານກົງສູນໃຫຍ່ຫວຽດນາມ ປະຈໍາ San Fransisco; ທ່ານ ຮວ່າງຖຸ່ຍເຢືອງ ຫົວໜ້າສະຖານກົງສູນໃຫຍ່ຫວຽດນາມ ປະຈໍາ Houston, ພ້ອມດ້ວຍພະນັກງານ, ລັດຖະກອນສະຖານທູດ.

leftcenterrightdel
ພິທີຕ້ອນຮັບທ່ານ ໂຕເລິມ ເລຂາທິການໃຫຍ່ ແລະຄະນະ ທີ່ສະໜາມບິນ. ພາບ: nhandan.vn

ໃນຖານະທີ່ເປັນສະມາຊິກຜູ້ກໍ່ຕັ້ງ, ຫວຽດນາມ ຫວັງວ່າຈະພ້ອມກັບບັນດາສະມາຊິກອື່ນ ເສີມຂະຫຍາຍບົດບາດຂອງສະພາສັນຕິພາບ ກ່ຽວກັບກາຊາ ໃນການຊຸກຍູ້ສັນຕິພາບ ແລະສ້າງກາຊາ ຄືນໃໝ່ ບົນພື້ນຖານມະຕິຂອງສະພາຄວາມໝັ້ນຄົງ ສປຊ, ຮັບປະກັນຜົນປະໂຫຍດອັນຊອບທໍາຂອງບັນດາຝ່າຍ, ໂດຍສະເພາະແມ່ນຂອງປະຊາຊົນຊາວ ປາແລັດສະຕິນ ຕາມກົດໝາຍສາກົນ ແລະກົດບັດ ສປຊ.

ການເຂົ້າຮ່ວມກອງປະຊຸມໄຂສະພາສັນຕິພາບ ກ່ຽວກັບກາຊາ ຂອງທ່ານ ໂຕເລິມ ເລຂາທິການໃຫຍ່ ເປັນການສະໜັບສະໜູນຕໍ່ກັບຄວາມມານະພະຍາຍາມສັນຕິພາບ ເວົ້າລວມ ແລະຂໍ້ລິເລີ່ມສ້າງກາຊາຄືນໃໝ່ ເວົ້າສະເພາະ, ປະກອບສ່ວນຮັດແໜ້ນກວ່າອີກການຮ່ວມມືລະຫວ່າງ ຫວຽດນາມ - ອາເມລິກາ ໃນການແກ້ໄຂບັນດາບັນຫາພາກພື້ນ ແລະທົ່ວໂລກ, ສອດຄ່ອງກັບຈິດໃຈຂອງຄູ່ຮ່ວມມືຍຸດທະສາດຮອບດ້ານ.

ໂດຍ: ໄຊຊະນະ