ທ່ານເລຂາທິການໃຫຍ່ ໂຕເລິມ ພົບປະກັບທ່ານ Samdech Techo Hun Sen

ພາຍຫຼັງພິທີຕ້ອນຮັບຢ່າງສົມກຽດທີ່ພະລາຊະວັງ, ທ່ານ ໂຕເລິມ ເລຂາທິການໃຫຍ່ ໄດ້ມີການພົບປະກັບທ່ານ Samdech Techo Hun Sen.

ທີ່ການພົບປະ, ທ່ານ Samdech Techo Hun Sen ໄດ້ສະແດງຄວາມຊົມເຊີຍ ແລະຕີລາຄາສູງຕໍ່ເລື່ອງທ່ານ ໂຕເລິມ ເລຂາທິການໃຫຍ່ ນຳໜ້າຄະນະຜູ້ແທນຂັ້ນສູງຫວຽດນາມ ໄປຢ້ຽມຢາມທາງລັດຖະກິດກຳປູເຈຍ ພາຍຫຼັງກອງປະຊຸມໃຫຍ່ຜູ້ແທນທົ່ວປະເທດ ຄັ້ງທີ XIV ຂອງພັກກອມມູນິດຫວຽດນາມ; ເນັ້ນໜັກວ່າ ການຢ້ຽມຢາມຂອງທ່ານເລຂາທິການໃຫຍ່ ພ້ອມດ້ວຍຄະນະສະແດງໃຫ້ເຫັນການເຄົາລົບນັບຖືຂອງພັກກອມມູນິດຫວຽດນາມ ແລະການນຳຂອງຫວຽດນາມ ຕໍ່ກັບສາຍພົວພັນຖານບ້ານໃກ້ເຮືອນຄຽງອັນດີງາມ, ມິດຕະພາບທີ່ເປັນມູນເຊື້ອ, ການຮ່ວມມືຮອບດ້ານ, ຍືນຍົງຍາວນານ.

ທ່ານ Samdech Techo Hun Sen ຢືນຢັນວ່າ: ກຳປູເຈຍ ຍາມໃດກໍ່ຖືເປັນສຳຄັນ ແລະປາດຖະໜາຢາກປັບປຸງສາຍພົວພັນຖານບ້ານໃກ້ເຮືອນຄຽງອັນດີງາມ, ມິດຕະພາບທີ່ເປັນມູນເຊື້ອ, ການຮ່ວມມືຮອບດ້ານ, ຍືນຍົງຍາວນານຢ່າງບໍ່ຢຸດຢັ້ງ. ທ່ານ Samdech Techo Hun Sen ຕີລາຄາສູງການພັດທະນາ, ເປັນຕົ້ນແມ່ນທາງດ້ານເສດຖະກິດ-ສັງຄົມຂອງຫວຽດນາມ; ປາດຖະໜາຢາກໃຫ້ສອງຝ່າຍສືບຕໍ່ເພີ່ມທະວີການເປີດປະຕູຕະຫຼາດເພື່ອເຊື່ອມຈອດສອງພື້ນຖານເສດຖະກິດໃຫ້ຫຼາຍກວ່າອີກ.

ບັນຍາກາດທີ່ການພົບປະສອງຝ່າຍ. ພາບ: ສໍານັກຂ່າວສານຫວຽດນາມ

ແບ່ງປັນກັບທ່ານ Samdech Techo Hun Sen ກ່ຽວກັບສະພາບການຢູ່ຫວຽດນາມ ແລະກອງປະຊຸມໃຫຍ່ຜູ້ແທນທົ່ວປະເທດ ຄັ້ງທີ XIV ຂອງພັກກອມມູນິດຫວຽດນາມ, ທ່ານເລຂາທິການໃຫຍ່ ໂຕເລິມ ຢັ້ງຢືນວ່າ: ໝາກຜົນຂອງຫວຽດນາມ ແມ່ນມີການສະໜັບສະໜູນ, ຊ່ວຍເຫຼືອອັນລ້ຳຄ່າຂອງເພື່ອນມິດສາກົນ, ພິເສດແມ່ນບັນດາປະເທດບ້ານໃກ້ເຮືອນຄຽງ, ໃນນັ້ນມີກຳປູເຈຍ; ສະແດງຄວາມເຄົາລົບນັບຖື ແລະຄວາມຮູ້ບຸນຄຸນຕໍ່ກັບການສະໜັບສະໜູນ, ການຊ່ວຍເຫຼືອຢ່າງສຸດຈິດສຸດໃຈຂອງພະບາດສົມເດັດພະບໍລົມມະນຽດທີ່ໄດ້ເຖິງແກ່ມໍລະນະກໍາແລ້ວ Norodom Sihanouk, ພະຣາຊີນີ Norodom Monineath Sihanouk, ພະບາດ ສົມເດັດ ພະບໍລົມມະນຽດ Norodom Sihamoni ພ້ອມກັບການນໍາ ແລະປະຊາຊົນກຳປູເຈຍລຸ້ນຕ່າງໆທີ່ສະຫງວນໃຫ້ຫວຽດນາມ ໃນພາລະກິດຕໍ່ສູ້ເພື່ອຍາດເອົາເອກະລາດໃນເມື່ອກ່ອນ ແລະໃນການສ້າງສາ ແລະປົກປັກຮັກສາປະເທດຊາດໃນປະຈຸບັນ.

ສອງຝ່າຍຍັງໄດ້ແຈ້ງໃຫ້ກັນຊາບກ່ຽວກັບເປົ້າໝາຍ, ທິດທາງການພັດທະນາເພື່ອໃຫ້ແຕ່ລະປະເທດ ແລະ 3 ປະເທດຫວຽດນາມ, ກຳປູເຈຍ, ລາວ ສົມທົບກັນ ແລະພັດທະນາ.

ໂດຍ: ທູຈາງ