ທ່ານ ໂຕເລິມ ເລຂາທິການໃຫຍ່ ເປັນສັກຂີພິຍານພິທີມອບເອກະສານຮ່ວມມືຫວຽດນາມ-ລາວ

ເຂົ້າຮ່ວມພິທີຍັງມີທ່ານ ຟ້າມມິງຈິ໊ງ ນາຍົກລັດຖະມົນຕີ, ທ່ານ ເຈິ່ນແທງເໝີ໊ນ ປະທານສະພາແຫ່ງຊາດ ແລະຄະນະຜູ້ແທນຂັ້ນສູງຂອງສອງປະເທດຫວຽດນາມ ແລະລາວ ອີກດ້ວຍ.

ເອກະສານຮ່ວມມືເຊິ່ງລວມມີ:

1. ບົດບັນທຶກຄວາມເຂົ້າໃຈລະຫວ່າງກະຊວງສຶກສາ ແລະກໍ່ສ້າງ ແຫ່ງ ສສ ຫວຽດນາມ ແລະກະຊວງສຶກສາທິການ ແລະກິລາ ແຫ່ງ ສປປ ລາວ ວ່າດ້ວຍການສ້າງຕັ້ງມະຫາວິທະຍາໄລມິດຕະພາບຫວຽດນາມ-ລາວ ຢູ່ ສປປ ລາວ;

2. ບົດບັນທຶກການມອບ-ຮັບປຶ້ມລະຫວ່າງກະຊວງສຶກສາ ແລະກໍ່ສ້າງ ແຫ່ງ ສສ ຫວຽດນາມ ແລະກະຊວງສຶກສາທິການ ແລະກິລາ ແຫ່ງ ສປປ ລາວ;

3. ແຜນການຮ່ວມມືປີ 2026 ລະຫວ່າງກະຊວງຍຸຕິທຳແຫ່ງ ສສ ຫວຽດນາມ ແລະກະຊວງຍຸຕິທຳແຫ່ງ ສປປ ລາວ;

4. ບົດບັນທຶກຄວາມເຂົ້າໃຈກ່ຽວກັບການຮ່ວມມືລະຫວ່າງແຂວງຟູເຖາະ ແລະແຂວງຫຼວງນ້ຳທາ;

5. ບົດບັນທຶກຄວາມເຂົ້າໃຈກ່ຽວກັບການຮ່ວມມືລະຫວ່າງແຂວງຟູເຖາະ ແລະແຂວງບໍ່ແກ້ວ;

6. ບົດບັນທຶກຄວາມເຂົ້າໃຈກ່ຽວກັບການຮ່ວມມືລະຫວ່າງແຂວງຟູເຖາະ ແລະແຂວງຫຼວງພະບາງ.

ບັນຍາກາດທີ່ພິທີມອບເອກະສານຮ່ວມມືຫວຽດນາມ-ລາວ. ພາບ: ສໍານັກຂ່າວສານຫວຽດນາມ

ເລື່ອງສອງຝ່າຍເຫັນດີເປັນເອກະພາບເຮັດໃຫ້ເນື້ອໃນຈິດໃຈ “ຫຸ້ນສ່ວນຍຸດທະສາດ” ເລິກເຊິ່ງກວ່າເກົ່າໄດ້ສ້າງຂອບເຂດການກໍານົດທິດໃໝ່, ນໍາການຮ່ວມມືກ້າວເຂົ້າສູ່ໄລຍະພັດທະນາໃຫ້ເລິກເຊິ່ງກວ່າ, ຕິດແໜ້ນກັບວິໄສທັດການເມືອງ ແລະຜົນປະໂຫຍດພັດທະນາກວ່າອີກ. ການຮ່ວມມືສອງຝ່າຍໄດ້ຫັນປ່ຽນຈາກລວງກວ້າງມາເປັນລວງເລິກຢ່າງແຂງແຮງ, ສຸມໃສ່ປະສິດທິຜົນທີ່ແທດຈິງ. ບັນດາກົນໄກປະສານງານການຮ່ວມມືລະຫວ່າງຂະແໜງການໄດ້ຮັກສາຢ່າງເປັນປະຈໍາ, ຊ່ວຍແກ້ໄຂຄວາມຫຍຸ້ງຍາກຢ່າງທັນການ, ຍູ້ໄວຄວາມຄືບໜ້າຜັນຂະຫຍາຍຂໍ້ຕົກລົງຂັ້ນສູງ ແລະໂຄງການຮ່ວມມືໃຫຍ່ສະບັບຕ່າງໆ.

ໄດ້ປະຕິບັດໃນຊຸມວັນທໍາອິດຂອງອາຍຸການໃໝ່ຂອງການນໍາຂັ້ນສູງຂອງສອງພັກ, ສອງລັດ, ການຢ້ຽມຢາມທີ່ມີຄວາມໝາຍກໍານົດທິດສໍາຄັນພິເສດ, ສະແດງຢ່າງຈະແຈ້ງການຕັດສິນໃຈການເມືອງເລື່ອງຕິດພັນກັບວິໄສທັດຍຸດທະສາດກັບໂຄງການກະທໍາລະອຽດ, ຕິດພັນກັບຄວາມຄາດຫວັງພັດທະນາກັບປະສິດທິຜົນພຶດຕິກໍາຕົວຈິງ. ນີ້ຈະແມ່ນພື້ນຖານການເມືອງທີ່ໝັ້ນແກ່ນເພ່ືອນໍາເອົາການພົວພັນຫວຽດນາມ-ລາວ ສືບຕໍ່ເຂົ້າສູ່ລວງເລິກ, ຍົກສູງປະສິດທິຜົນ ແລະລັກສະນະທີ່ໝັ້ນຄົງ, ສົມກັບການພົວພັນແບບພິເສດ, ກໍ່ຄືຄວາມໄວ້ເນື້ອເຊື່ອໃຈ ແລະຄວາມຫວັງຂອງປະຊາຊົນສອງປະເທດ.

ໂດຍ: ໄຊນີດາ