ຮັບປະກັນສິດການເລືອກຕັ້ງຂອງພົນລະເມືອງຢ່າງສົມບູນ

ທ່ານປະທານສະພາແຫ່ງຊາດ ເຈິ່ນແທັງເໝິນ ຕິດຕາມກວດກາວຽກງານເລືອກຕັ້ງຜູ້ແທນສະພາແຫ່ງຊາດ ແລະສະພາປະຊາຊົນທຸກຂັ້ນຢູ່ແຂວງ ດົ່ງທາບ. ພາບ: qdnd.vn

ຕອນເຊົ້າວັນທີ 31 ມັງກອນ, ຢູ່ແຂວງ ດົ່ງທາບ, ທ່ານປະທານສະພາແຫ່ງຊາດ ເຈິ່ນແທັງເໝິນ, ປະທານສະພາເລືອກຕັ້ງແຫ່ງຊາດ ພ້ອມກັບຄະນະຕິດຕາມກວດກາ ໄດ້ມີການເຮັດວຽກກັບກຳມະທິການເລືອກຕັ້ງແຂວງ ດົ່ງທາບ ກ່ຽວກັບວຽກງານເລືອກຕັ້ງຜູ້ແທນສະພາແຫ່ງຊາດ ຊຸດທີ XVI ແລະຜູ້ແທນສະພາປະຊາຊົນທຸກຂັ້ນອາຍຸການ 2026 - 2031.

ກ່າວຄຳເຫັນທີ່ການເຮັດວຽກ, ທ່ານປະທານສະພາແຫ່ງຊາດ ເຈິ່ນແທັງເໝິນ ສະເໜີວ່າ ຕ້ອງຊາບຊຶມ, ປະຕິບັດບັນດາເນື້ອໃນຄຳເຫັນຊີ້ນຳສຳຄັນຂອງສະຫາຍເລຂາທິການໃຫຍ່ ໂຕເລິມ ຢູ່ກອງປະຊຸມໃຫຍ່ຜູ້ແທນທົ່ວປະເທດ ຜັນຂະຫຍາຍການເລືອກຕັ້ງຜູ້ແທນສະພາແຫ່ງຊາດ ຊຸດທີ XVI ແລະສະພາປະຊາຊົນທຸກຂັ້ນ ອາຍຸການ 2026 - 2031 ຢ່າງຄົບຖ້ວນ, ຮັບປະກັນການເລືອກຕັ້ງໄດ້ດຳເນີນຢ່າງມີປະຊາທິປະໄຕ, ຖືກຕ້ອງຕາມກົດໝາຍ, ປອດໄພ, ປະຢັດ, ເລືອກເອົາຜູ້ດີເດັ່ນກ່ຽວກັບຄຸນສົມບັດ ແລະຄວາມເກັ່ງກ້າສາມາດ, ສົມກັບເປັນຜູ້ຕາງໜ້າໃຫ້ແກ່ເຈດຈຳນົງ, ຄາດຫວັງ ແລະສິດເປັນເຈົ້າຂອງປະຊາຊົນໃນສະພາແຫ່ງຊາດ ແລະສະພາປະຊາຊົນທຸກຂັ້ນ.

ໂດຍ: ຈາງຫງວຽນ