ທ່ານເລຂາທິການໃຫຍ່ ໂຕເລິມ ຕ້ອນຮັບຄະນະຜູ້ແທນ ພັກອາແຊກໄບຊານ ໃໝ່

ທີ່ການຕ້ອນຮັບ, ທ່ານ Tahir Budagov ຢືນຢັນວ່າ ພາຍໃຕ້ການນຳພາອັນສະຫຼາດສ່ອງໃສຂອງພັກ, ຫວຽດນາມ ຈະປະຕິບັດແຜນນະໂຍບາຍ, ນະໂຍບາຍທີ່ກອງປະຊຸມໃຫຍ່ ໄດ້ຮັບຮອງເອົາປະສົບຜົນສໍາເລັດ, ບັນລຸໄດ້ເປົ້າໝາຍທີ່ໜ້າປະທັບໃຈທີ່ໄດ້ຍົກອອກ, ຍົກສູງຖານະບົດບາດຂອງປະເທດ, ນໍາຫວຽດນາມ ກາຍເປັນປະເທດພັດທະນາແຖວໜ້າພາກພື້ນ ແລະປະເທດທີ່ສຳຄັນໃນໂລກ.

ທ່ານເລຂາທິການໃຫຍ່ ໂຕເລິມ ແລະທ່ານ Tahir Budagov, ຮອງປະທານ ທັງເປັນຫົວໜ້າຫ້ອງວ່າການສູນກາງພັກອາແຊກໄບຊານໃໝ່. ພາບ: qdnd.vn

ທ່ານ ໂຕເລິມ ຢືນຢັນວ່າ ຫວຽດນາມ ຈະສືບຕໍ່ຜັນຂະຫຍາຍນະໂຍບາຍການພົວພັນຕ່າງປະເທດທີ່ເປັນເອກະລາດ, ເປັນເຈົ້າຕົນເອງ, ສ້າງຄວາມເຂັ້ມແຂງດ້ວຍຕົນເອງ, ຖືການພົວພັນຕ່າງປະເທດເປັນໜ້າທີ່ຈຸດສຸມ, ເປັນປະຈໍາ ພ້ອມກັບການປ້ອງກັນຊາດ-ປ້ອງກັນຄວາມສະຫງົບ; ໃນວິວັດການຜັນຂະຫຍາຍໜ້າທີ່ນີ້, ຫວຽດນາມ ຍາມໃດກໍ່ຖືເປັນສໍາຄັນ ແລະປາດຖະໜາຢາກພັດທະນາການພົວພັນກັບບັນດາປະເທດເພື່ອນມິດທີ່ເປັນມູນເຊື້ອ, ບັນດາຄູ່ຮ່ວມມືຍຸດທະສາດ, ໃນນັ້ນມີ ອາແຊກໄບຊານ.

ທ່ານ ໂຕເລິມ ແລະທ່ານ Tahir Budagov ໄດ້ຫວນຄືນບັນດາຂີດໝາຍສຳຄັນໃນການພົວພັນສອງຝ່າຍ, ເຫັນດີເປັນເອກະພາບສະໜັບສະໜູນລັດຖະບານ, ບັນດາກະຊວງ, ຂະແໜງການ, ອົງການ ແລະທ້ອງຖິ່ນສອງປະເທດ ໃນການສ້າງຕັ້ງກົນໄກຮ່ວມມື,  ຍົກລະດັບການພົວພັນໃນຂົງເຂດທີ່ເປັນມູນເຊື້ອ ເຊັ່ນ: ເສດຖະກິດ-ການຄ້າ, ພະລັງງານ-ນໍ້າມັນອາຍແກັສ, ການສຶກສາ-ບໍາລຸງສ້າງ, ວັດທະນະທຳ, ການທ່ອງທ່ຽວ, ການພົບປະແລກປ່ຽນປະຊາຊົນ... ແລະເປີດກວ້າງການຮ່ວມມືໄປສູ່ຂົງເຂດໃໝ່ ເຊັ່ນ: ວິທະຍາສາດ-ເຕັກໂນໂລຊີ, ເສດຖະກິດສີຂຽວ, ເສດຖະກິດດີຈີຕອນ...

ເນື່ອງໃນໂອກາດນີ້, ທ່ານເລຂາທິການໃຫຍ່ ໂຕເລິມ ສະເໜີທ່ານ Tahir Budagov ສົ່ງຄຳຢ້ຽມຢາມຖາມຂ່າວ, ຄຳຂອບໃຈ ແລະຄຳເຊື້ອເຊີນທ່ານ Ilham Aliyev ປະທານາທິບໍດີອາແຊກໄບຊານ, ປະທານພັກອາແຊກໄບຊານໃໝ່ ມາຢ້ຽມຢາມຫວຽດນາມ ໃນໂອກາດທີ່ເໝາະສົມ.

ໂດຍ: ຈາງຫງວຽນ