ທີ່ການພົບປະ, ທ່ານ ຫງວຽນຮວ່າບິ່ງ ໄດ້ຂອບໃຈ ແລະຕີລາຄາສູງບັນດາການປະກອບສ່ວນທີ່ມີຄວາມໝາຍ ແລະສໍາຄັນຍິ່ງໃນຫຼາຍປີຂອງທ່ານ Lee Kuan Yew ອະດີດນາຍົກລັດຖະມົນຕີ  ກ່ອນນີ້ ແລະທ່ານລັດຖະມົນຕີຂັ້ນສູງ ຫຼີຊຽນຫຼົງ ສໍາລັບເລື່ອງຊຸກຍູ້, ເຮັດໃຫ້ການພົວພັນສອງປະເທດເລິກເຊິ່ງຂຶ້ນຕື່ມ ກໍ່ຄືການພັດທະນາເສດຖະກິດຂອງຫວຽດນາມ ໃນຫຼາຍທົດສະວັດຜ່ານມາ, ໃນນັ້ນ, ມີການພັດທະນາຢ່າງແຂງແຮງຂອງເຄືອຂ່າຍເຂດອຸດສາຫະກໍາຫວຽດນາມ- ສິງກະໂປ (VSIP).

leftcenterrightdel
ທ່ານ ຫງວຽນຮວ່າບິ່ງ ຮອງນາຍົກລັດຖະມົນຕີຜູ້ປະຈໍາການລັດຖະບານ ພົບປະກັບທ່ານ ຫຼີຊຽນຫຼົງ ລັດຖະມົນຕີຂັ້ນສູງສິງກະໂປ. ພາບ:​ MDDI (ສິງກະໂປ)

ທ່ານ ຫຼີຊຽນຫຼົງ ສະແດງຄວາມປິຕິຊົມຊື່ນຕໍ່ບັນດາບາດກ້າວພັດທະນາຢ່າງຕັ້ງໜ້າ, ແທດຈິງໃນການພົວພັນສອງປະເທດໃນໄລຍະຜ່ານມາ, ພິເສດແມ່ນການພັດທະນາຂອງ 21 VSIP ຢູ່ 14 ແຂວງ, ນະຄອນ ແລະຄວາມຫວັງຂອງການນໍາຂັ້ນສູງສອງຝ່າຍກ່ຽວກັບການມຸ່ງໄປເຖິງການບັນລຸ 30 VSIP ໃນປີ 2030.

ກ່ຽວຂ້ອງເຖິງຂົງເຂດການຮ່ວມມືດ້ານການເງິນ, ທ່ານ ຫຼີຊຽນຫຼົງ ອວຍພອນຫວຽດນາມ ຫາກໍ່ສ້າງຕັ້ງສູນການເງິນສາກົນ, ສະແດງໃຫ້ເຫັນວິໄສທັດ ແລະຄວາມຕັດສິນໃຈພັດທະນາຂອງຫວຽດນາມ ໃນໄລຍະໃໝ່.

ທ່ານ ຫຼີຊຽນຫຼົງ ໄດ້ແບ່ງປັນບົດຮຽນຂອງສິງກະໂປ ໃນເລື່ອງພັດທະນາສູນການເງິນສາກົນ ກໍ່ຄືຄໍາກ່າວເຕື່ອນຍຸດທະສາດຕໍ່ກັບ ຫວຽດນາມ ໃນການພັດທະນາ ແລະການເຄື່ອນໄຫວສູນການເງິນສາກົນ; ຢັ້ງຢືນວ່າ ລັດຖະບານສິງກະໂປ ພ້ອມທີ່ຈະແລກປ່ຽນ, ໜູນຊ່ວຍຫວຽດນາມ ແລະຊຸກຍູ້ການເຊື່ອມຕໍ່ລະຫວ່າງສູນການເງິນສາກົນສິງກະໂປ ແລະຫວຽດນາມ.

ທ່ານ ຫງວຽນຮວ່າບິ່ງ ຫວັງວ່າ ທ່ານ ຫຼີຊຽນຫຼົງ ຈະສືບຕໍ່ເອົາໃຈໃສ່, ສະໜັບສະໜູນຊຸກຍູ້ການພົວພັນສອງປະເທດພັດທະນາຢ່າງແຮງ, ແທດຈິງ, ມີປະສິດທິຜົນກວ່າອີກ ກໍ່ຄືໜູນຊ່ວຍການໃຫ້ຄໍາປຶກສາ, ແບ່ງປັນບົດຮຽນກ່ຽວກັບການພັດທະນາສູນການເງິນ, ຊຸກຍູ້ການຮ່ວມມື, ເຊື່ອມຕໍ່ລະຫວ່າງສູນການເງິນສາກົນສອງປະເທດ.

ໂດຍ: ໄຊນີດາ