ກ່າວຄຳເຫັນທີ່ກອງປະຊຸມ, ທ່ານນາງ ເລທິທູຮັ່ງ ໄດ້ຢືນຢັນວ່າ ຫວຽດນາມ ເປັນເຈົ້າພາບຈັດຕັ້ງປີ APEC 2027 ເປັນຄັ້ງທີ 3 ແມ່ນຄວາມເປັນກຽດອັນໃຫຍ່ຫຼວງ, ພ້ອມທັງແມ່ນພາລະໜ້າທີ່ສາກົນອັນສຳຄັນ. ນີ້ແມ່ນຫຼັກຖານພະຍານສະແດງໃຫ້ເຫັນຄວາມເຊື່ອໝັ້ນ, ຄວາມໄວ້ວາງໃຈສູງຂອງບັນດາພື້ນຖານເສດຖະກິດສະມາຊິກທີ່ສະຫງວນໃຫ້ແກ່ຫວຽດນາມ ໃນສະພາບການເຊື່ອມໂຍງເຂົ້າກັບສາກົນຢ່າງເລິກເຊິ່ງກວ້າງຂວາງ. ທ່ານນາງ ຮອງລັດຖະມົນຕີ ເລທິທູຮັ່ງ ເນັ້ນໜັກວ່າ, ວຽກງານໂຄສະນາ ແລະວັດທະນະທໍາສວມບົດບາດແມ່ນໜ້າທີ່ນໍາໜ້າ, ແມ່ນກາລະໂອກາດຄໍາເພື່ອໂຄສະນາຢ່າງເລິກເຊິ່ງກວ້າງຂວາງພາບພົດຫວຽດນາມ ປ່ຽນແປງໃໝ່, ຂະຫຍັນຂັນເຄື່ອນ, ທີ່ເຕັມໄປດ້ວຍສີສັນ ແລະຮັກແຂກເຖິງເພື່ອນມິດສາກົນ. ຜົນສຳເລັດຂອງວຽກງານນີ້ແມ່ນຂໍກຸນແຈເພື່ອສ້າງຂີດໝາຍອັນພົ້ນເດັ່ນກ່ຽວກັບປະເທດຫວຽດນາມ ທີ່ເປັນເຈົ້າການ, ຕັ້ງໜ້າ ແລະມີຄວາມຮັບຜິດຊອບໃນປະຊາຄົມສາກົນ.

leftcenterrightdel
ບັນດາສະມາຊິກອະນຸກຳມະການໂຄສະນາ ແລະວັດທະນະທໍາ APEC 2027. ພາບ: ຮ່າເຟືອງ

ທີ່ກອງປະຊຸມ, ບັນດາສະມາຊິກອະນຸກຳມະການ ໄດ້ປະກອບຄຳເຫັນທີ່ສຳຄັນຫຼາຍຢ່າງເຂົ້າໃນຮ່າງຂັ້ນຕອນວຽກງານ; ເຫັນດີໝູນໃຊ້ບົດຮຽນການຈັດຕັ້ງປີ APEC 2006 ແລະ 2017, ພ້ອມທັງເສີມຂະຫຍາຍວິທີເຮັດໃໝ່ເພື່ອຊ່ວຍໃຫ້ວຽກງານໂຄສະນາ, ວັດທະນະທຳໄດ້ຮັບການຜັນຂະຫຍາຍາຢ່າງມີປະສິດທິຜົນ, ຄົບຊຸດ, ເປັນເອກະພາບ ແລະຮອບດ້ານ.

* ໃນວັນດຽວກັນ, ທ່ານນາງ ຮອງລັດຖະມົນຕີ ເລທິທູຮັ່ງ ໄດ້ເປັນປະທານການພົບປະສື່ມວນຊົນ ເພື່ອຖະແຫຼງຂ່າວກ່ຽວກັບກອງປະຊຸມທົ່ວປະເທດສະຫຼຸບການປະຕິບັດມະຕິເລກທີ 36-NQ/TW ປີ 2004 ແລະເອກະສານຊີ້ນຳຂອງກົມການເມືອງ, ຄະນະເລຂາທິການ ກ່ຽວກັບວຽກງານສໍາລັບຊາວຫວຽດນາມ ອາໄສຢູ່ຕ່າງປະເທດ. ຕາມນັ້ນແລ້ວ, ກອງປະຊຸມຈະດຳເນີນໃນວັນທີ 25 ທັນວາ ຢູ່ຮ່າໂນ້ຍ. ກອງປະຊຸມແມ່ນໂອກາດສຳຄັນເພື່ອແນໃສ່ເພີ່ມທະວີການແລກປ່ຽນ, ເຊື່ອມຕໍ່ລະຫວ່າງບັນດາຄະນະ, ກະຊວງ, ຂະແໜງການ, ທ້ອງຖິ່ນ, ບັນດາອົງການຕາງໜ້າຫວຽດນາມ ຢູ່ຕ່າງປະເທດ ແລະປະຊາຄົມຊາວຫວຽດນາມ ອາໄສຢູ່ຕ່າງປະເທດ.

ໂດຍ: ເຈິ່ນຮວ່ຽນ