ສະເໜີນະໂຍບາຍທີ່ເໝາະສົມໃນຮັບໃຊ້ການຊີ້ນໍາ ແລະການບໍລິຫານ

ທ່ານນາຍົກລັດຖະມົນຕີ ຟ້າມມິງຈິງ ເຮັດວຽກກັບສະພາໃຫ້ຄຳປຶກສານະໂຍບາຍ. ພາບ: ສໍານັກຂ່າວສານຫວຽດນາມ

ສະຫຼຸບການເຮັດວຽກ, ທ່ານນາຍົກລັດຖະມົນຕີ ຟ້າມມິງຈິງ ໄດ້ຮັບຮູ້ ແລະຕີລາຄາສູງບັນດາຄຳເຫັນຢ່າງເລິກເຊິ່ງ, ສຸດອົກສຸດໃຈ, ມີຄວາມຮັບຜິດຊອບ, ຈິງໃຈ, ກົງໄປກົງມາ; ດ້ວຍຈິນຕະນາການ, ວິທີເຂົ້າເຖິງແກ້ໄຂບັນຫາວິທະຍາສາດ, ຕິດກັບຕົວຈິງຂອງບັນດາສະມາຊິກສະພາໃຫ້ຄຳປຶກສານະໂຍບາຍ. ທ່ານນາຍົກລັດຖະມົນຕີ ໄດ້ເຫັນດີກັບຂໍ້ສັງເກດຂອງສະພາ ກ່ຽວກັບຜົນກະທົບຂອງນະໂຍບາຍອັດຕາພາສີຂອງອາເມລິກາ ຕໍ່ກັບໂລກ ແລະຫວຽດນາມ, ກໍ່ຄື ສະເໜີມາດຕະການປັບຕົວທີ່ປອດໄພ, ມີໄຫວພິບ, ເພີ່ມທະວີການພົວພັນກັບອາເມລິກາ; ສົ່ງເສີມການລົງທຶນຢູ່ຕ່າງປະເທດ; ສົ່ງເສີມການລົງທຶນເຂົ້າລັດຖະບານ ພວມຕັ້ງໜ້າແກ້ໄຂບັນດາບັນຫາກົດໝາຍ, ນະໂຍບາຍບຸລິມະສິດ, ຫຼຸດລະບຽບການບໍລິຫານລົງ, ຍູ້ແຮງການສະໜອງເຮືອນຢູ່ສັງຄົມ, ປະກອບສ່ວນຍຸບເລີກອະສັງຫາລິມະຊັບຊັ້ນສູງ, ຄວບຄຸມສາງອະສັງຫາລິມະຊັບ, ປະຕິບັດນະໂຍບາຍເງິນຕາຢ່າງເປັນເຈົ້າການ, ມີໄຫວພິບ, ເໝາະສົມ, ມີປະສິດທິຜົນ, ໃກ້ຊິດຕິດແທດກັບຕົວຈິງເພື່ອບໍລິຫານ; ຍູ້ແຮງການລົງທຶນພາກລັດ, ຕັດສິນໃຈປ່ອຍເງິນລົງທຶນສາທາລະນະ 100%.

ບັນຍາກາດທີ່ການເຮັດວຽກ. ພາບ: ສໍານັກຂ່າວສານຫວຽດນາມ

ກ່ຽວກັບການຈັດຕັ້ງ, ການເຄື່ອນໄຫວຂອງອຳນາດການປົກຄອງທ້ອງຖິ່ນສອງຂັ້ນ, ທ່ານນາຍົກລັດຖະມົນຕີ ຖືວ່າ ຕ້ອງເພີ່ມທະວີກຳລັງຄວາມສາມາດໃຫ້ແກ່ພະນັກງານ; ຊຸກຍູ້ການຫັນເປັນດີຈີຕອນ, ເປັນຕົ້ນແມ່ນໃນການແກ້ໄຂລະບຽບການບໍລິຫານ; ເພີ່ມທະວີການກວດກາ, ຕິດຕາມກວດກາ ແລະປະເມີນຜົນ; ມີກົນໄກ, ນະໂຍບາຍໃຫ້ພະນັກງານ; ຊຸກຍູ້ການປ່ຽນແປງໃໝ່, ປະດິດສ້າງ, ຫັນເປັນດີຈີຕອນໃນດ້ານລະບອບລະບຽບການ, ພື້ນຖານໂຄງລ່າງ, ຊັບພະຍາກອນມະນຸດ, ຈັດຕັ້ງຂະບວນການ “ປະຊາສຶກສາດີຈີຕອນ”...

ທ່ານນາຍົກລັດຖະມົນຕີ ກໍ່ເຫັນດີຕໍ່ຄຳເຫັນຂອງສະພາ ກ່ຽວກັບການຍູ້ແຮງການຮ່ວມມືພາກລັດ-ເອກະຊົນ; ເປັນຕົ້ນແມ່ນການຫັນເປັນດີຈີຕອນຮັບໃຊ້ວຽກງານນຳພາ, ບໍລິຫານຂອງລັດຖະບານ, ນາຍົກລັດຖະມົນຕີ, ບັນດາຮອງນາຍົກລັດຖະມົນຕີ...

ໂດຍ: ເຈິ່ນຮວ່ຽນ